Hosea 1:1 - DIEM PROTESTANTA

¹ Ny teny izay nampitain’ny TOMPO tamin’i Hôsea zanakalahin’i Beerỳ tamin’ny andron’i Hozià sy i Jôtama sy i Ahaza ary i Hezekià mpanjakan’i Joda, sy tamin’ny andron’i Jerôbohama zanakalahin’i Jôasy sady mpanjakan’i Israely.

Baiboly Protestanta Malagasy 2011

¹ Ny tenin’NY TOMPO, izay tonga tamin’i Hosea, zanak’i Bery, tamin’ny andro nanjakan’i Ozia, i Jotama, i Ahaza ary i Hezekia, mpanjakan’ny Joda, sy tamin’ny andron’i Jeroboama, zanak’i Joasy, mpanjakan’ny Israely.

Dikateny Iombonana Eto Madagasikara

¹ Ny teny izay nampitain’ny TOMPO tamin’i Hôsea zanakalahin’i Beerỳ tamin’ny andron’i Hozià sy i Jôtama sy i Ahaza ary i Hezekià mpanjakan’i Joda, sy tamin’ny andron’i Jerôbohama zanakalahin’i Jôasy sady mpanjakan’i Israely.

Baiboly Katolika

¹ Tenin’i Iaveh, tonga tamin’i Osea, zanak’i Beeri, tamin’ny andron’i Oziasa sy i Joatama sy i Akaza ary i Ezekiasa, mpanjakan’i Jodà, sy tamin’ny andron’i Jerôbôama, zanak’i Jôasa, mpanjakan’i Israely.

Baiboly Protestanta Malagasy

¹ NY tenin’i Jehovah, izay tonga tamin’i Hosea, zanak’i Bery, tamin’ny andro nanjakan’i Ozia sy Jotama sy Ahaza ary Hezekia, mpanjakan’ny Joda, sy tamin’ny andron’i Jeroboama, zanak’i Joasy, mpanjakan’ny Isiraely.

Malagasy Bible

¹ Ny tenin'i Jehovah, izay tonga tamin'i Hosea, zanak'i Bery, tamin'ny andro nanjakan'i Ozia sy Jotama sy Ahaza ary Hezekia, mpanjakan'ny Joda, sy tamin'ny andron'i Jeroboama, zanak'i Joasy, mpanjakan'ny Isiraely.

La Bible en Malgache

¹ Ny tenin’NY TOMPO, izay tonga tamin’i Hosea, zanak’i Bery, tamin’ny andro nanjakan’i Ozia, i Jotama, i Ahaza ary i Hezekia, mpanjakan’ny Joda, sy tamin’ny andron’i Jeroboama, zanak’i Joasy, mpanjakan’ny Israely.

Hosea 1:1 Rohy Ifampitohizana

2Mpanjaka 13:13

Rehefa lasa nodimandry any amin’ny razany izy, dia nalevina tao Samaria, tao amin’ny fasan’ny mpanjakan’i Israely; ary i Jerôbohama no nitoetra teo amin’ny sezafiandrianan’i Jôasy.

2Mpanjaka 14:16

Rehefa lasa nodimandry any amin’ny razany i Jôasy, dia nalevina tao amin’ny fasan’ny mpanjakan’i Israely tao Samaria; ary i Jerôbohama zanany lahy no nanjaka nandimby azy.

2Mpanjaka 14:23

Tamin’ny taona faha-15 nanjakan’i Amatsià, zanakalahin’i Jôasy sady mpanjakan’i Joda, no tonga mpanjakan’i Israely tao Samaria i Jerôbohama zanakalahin’i Jôasy, ary naharitra 41 taona no nanjakany tao.

2Mpanjaka 15:32

Tamin’ny taona faharoa nanjakan’i Peka zanakalahin’i Remalià tamin’i Israely no tonga mpanjakan’i Joda i Jôtama zanakalahin’i Hazarià.

2Mpanjaka 15:5

Namely ny mpanjaka tamin’ny aretina ny TOMPO; ka tonga boka mandra-pahafatiny izy ary voatery nitoka-monina tao amin’ny trano anankiray. Ka dia i Jôtama, zanany lahy sady efa mpifehy ny tao an-dapa no nitondra ny tany sy ny fanjakana.

2Mpanjaka 15:7

Rehefa lasa nodimandry any amin’ny razany i Hazarià, dia nalevina tao amin’ny fasam-pianakaviany tao an-Tanànan’i Davida; ary i Jôtama zanany lahy no nanjaka nandimby azy.

2Tantara 27:1

Feno 25 taona i Jôtama fony izy tonga mpanjaka; ary naharitra 16 taona no nanjakany toa Jerosalema. Ny anaran-dreniny dia i Jerosà zanakavavin’i Tsadôka.

2Tantara 28:1

Feno roapolo taona i Ahaza fony izy tonga mpanjaka; ary naharitra 16 taona no nanjakany tao Jerosalema. Tsy mba nanao izay mahitsy eo imason’ny TOMPO tahaka an’i Davida razambeny izy,

2Tantara 29:33

Ny sorona hafa kosa dia omby eninjato sy ondry aman’osy telo arivo.

Isaia 1:1

Fanambaràn’i Isaià, zanakalahin’i Amôtsa, ny amin’i Joda sy i Jerosalema. Nanafaran’ny Tompo azy izany, tamin’ny andron’i Hozià sy i Jôtama ary i Ahaza sy i Hezekià mpanjakan’i Joda.

Isaia 7:1

Tamin’ny andro nanjakàn’i Ahaza, zanakalahin’i Jôtama sady zafikelin’i Hozià mpanjakan’i Joda, dia niakatra i Retsîna mpanjakan’i Siria sy i Peka, zanakalahin’i Remalià sady mpanjakan’i Israely, mba hanafika an’i Jerosalema, kinanjo tsy nahafaka azy.

Jeremia 1:2

Nampitondrain’ny TOMPO an’i Jeremià ireo hafatra ireo, nanomboka ny taona faha-13 nanjakan’i Jôsià, zanakalahin’i Amôna sady mpanjakan’i Joda,

Jeremia 1:4

Nisy tenin’ny TOMPO tamiko nanao hoe:

Joela 1:1

Izao no tenin’ny TOMPO tamin’i Jôela zanakalahin’i Petoela.

Amosa 1:1

Tenin’i Hamôsa izay anankiray tamin’ireo mpiompy tao Tekôa. Roa taona talohan’ny horohorontany, dia fahitana no nahafantarany an’ireo teny manakiana ny fanjakan’i Israely ireo, fony mpanjaka tao Joda i Hozià ary mpanjaka tao Israely i Jerôbohama zanakalahin’i Jôasy.

Jona 1:1

Indray andro dia nisy baikon’ny TOMPO tamin’i Jônà zanakalahin’i Amitahy nanao hoe:

Mika 1:1

Teny nampitain’ny TOMPO tamin’i Mikà izay avy any Môreseta, fony mpanjaka tao Joda ry i Jôtama sy i Ahaza ary i Hezekià. Fahitana no nampahafantaran’ny Tompo azy ny teniny momba ny tanàna Samaria sy Jerosalema.

Zakaria 1:1

Tamin’ny volana fahavalon’ny taona faharoa nanjakan’i Dariôsa dia nisy tenin’ny TOMPO tamin’i Zakarià mpaminany zanakalahin’i Berekià sady zafikelin’i Hidào.

Jaona 10:35

Ary tsy azo foanana ny Soratra Masina; fa ireo olona nanambarana ny tenin’Andriamanitra dia natao hoe «Andriamanitra».

Romana 9:25

araka ny lazainy ao amin’ny bokin’i Hôsea mpaminany hoe: «Ilay tsy vahoakako dia hantsoiko hoe vahoakako; ary ilay tsy malalako dia hantsoiko hoe malalako.

2Petera 1:21

satria na oviana na oviana tsy nisy faminaniana avy tamin’ny sitrapon’ny olona, fa avy tamin’Andriamanitra no nitenenan’ny olona izay nentanin’ny Fanahy Masina.