Hebreo 4:13 - DIEM PROTESTANTA

¹³ Tsy misy zavaboaary miafina amin’Andriamanitra; fa ny zavatra rehetra dia mihanjahanja sy miharihary eo imasony, ary Izy no hampamoaka antsika ny amin’izay ataontsika.

Baiboly Protestanta Malagasy 2011

¹³ Ary tsy misy zavatra ary na inona na inona izay tsy miseho eo anatrehany; fa ny zavatra rehetra dia mihanjahanja sy aharihary eo imason’izay iafaran’ny ataontsika.

Dikateny Iombonana Eto Madagasikara

¹³ Tsy misy zavaboaary miafina amin’Andriamanitra; fa ny zavatra rehetra dia mihanjahanja sy miharihary eo imasony, ary Izy no hampamoaka antsika ny amin’izay ataontsika.

Baiboly Katolika

¹³ Tsy misy zava-boaary miafina eo anatrehan’Andriamanitra, fa mihanjahanja sy miharihary eo imason’Izy hampamoaka antsika ny zavatra rehetra.

Baiboly Protestanta Malagasy

¹³ Ary tsy misy zavatra ary na inona na inona izay tsy miseho eo anatrehany; fa ny zavatra rehetra dia mihanjahanja sy aharihary eo imason’Izay iafaran’ny ataontsika.

Malagasy Bible

¹³ Ary tsy misy zavatra ary na inona na inona izay tsy miseho eo anatrehany; fa ny zavatra rehetra dia mihanjahanja sy aharihary eo imason'izay iafaran'ny ataontsika.

La Bible en Malgache

¹³ Ary tsy misy zavatra ary na inona na inona izay tsy miseho eo anatrehany; fa ny zavatra rehetra dia mihanjahanja sy aharihary eo imason’izay iafaran’ny ataontsika.

Hebreo 4:13 Rohy Ifampitohizana

1Tantara 28:9

«Ianao kosa, ry Salômôna zanako, fantaro ilay Andriamanitra notompoin’ny rainao, ka manompoa Azy amin’ny fo manontolo sy amin’ny fanahy mazoto; fa ny TOMPO dia mpandinika ny fon’ny olona rehetra ary mpahafantatra ny fieritreretana rehetra. Raha mitady Azy ianao, dia hahita Azy; fa raha mandao Azy kosa ianao, dia hariany mandrakizay.

2Tantara 16:9

Fa manopy maso ny tany tontolo ny TOMPO mba hanohana izay miraiki-po tanteraka aminy. Adala ianao tamin’io fihetsikao io, ka dia hisy ady hihatra aminao manomboka izao.

2Tantara 6:30

dia mba mihainoa avy any an-danitra toeram-ponenanao Ianao, Tompo ô, ka mamelà heloka azy; ary araka ny sori-dalana rehetra nizorany anie no samy hamalianao azy avy, satria fantatrao ny fony; eny, Ianao dia Ianao irery ihany no mahalala ny fon’ny olombelona.

Joba 26:6

Mihanjahanja eo anatrehan’Andriamanitra ny toeran’ny maty, ary miharihary eo imasony ny hantsam-pahaverezana.

Joba 34:21

Fa arany maso ny toetran’ny olona, ary hitany avokoa ny lalan-kalehany.

Joba 38:17

Efa naseho anao ve ny vavahadin’ny fahafatesana, ka nahazoanao nahita ny fidirana mankao amin’ny sehatra maizin’ny fahafatesana?

Salamo 139:4

Tsy mbola eo am-bavako akory ny teny holazaiko, dia indro efa fantatrao avokoa, TOMPO ô.

Salamo 44:21

Raha nanadino Anao Andriamanitray izahay na nananty tanana tamin’andriamani-kafa,

Salamo 7:9

TOMPO ô, Ianao no mpitsara ireo firenena; koa tsarao aho, ry TOMPO Avo Indrindra, fa tia rariny aho ary tsy manan-tsiny.

Salamo 90:8

Napetrakao eo anatrehanao ny helokay; na ny fahotanay miafina aza dia hitanao mazava.

Ohabolana 15:11

Fantatry ny TOMPO na dia izay miseho any amin’ny toeran’ny maty aza; koa mainka fa ny ao am-pon’ny olona.

Ohabolana 15:3

Ny mason’ny TOMPO dia mijery eny rehetra eny ka mahita ny ratsy fanahy sy ny tsara fanahy.

Ohabolana 5:21

Fa izay toetran’ny lehilahy tsirairay dia eo imason’ny TOMPO hatrany ka dinihiny avokoa izay izorany.

Mpitoriteny 12:14

Fa hotsarain’Andriamanitra avokoa ny zavatra atao, dia ny amin’izay rehetra fonosiny na tsara izany na ratsy.

Jeremia 16:17

Fa arahiko maso ny fitondrantenany rehetra ka tsy misy miafina amiko; eny, miharihary eo imasoko ny helony.

Jeremia 17:10

–Izaho TOMPO kosa dia mahita ny ao am-po sy mamantatra ny ao an’eritreritra. Koa araka ny fitondrantenany sy ny vokatry ny asany avy no hamaliako ny olona.

Jeremia 23:24

Raha misy olona miery ao anaty fiafenana, dia tsy ho hitako ve izy? Fanontaniana hentitra avy amiko TOMPO izany. Tsy manerana ny lanitra sy ny tany ve Aho? Fanontaniana hentitra avy amiko TOMPO izany.

Jeremia 29:23

Hihatra amin’izy roa lahy izany noho ny nanaovany zavatra fady teo amin’i Israely; fa naka ny vadin’ny namany izy sady nilaza lainga kanefa nihambo ho niteny tamin’ny anarako, na dia tsy nomeko baiko aza hanao izany. Izaho TOMPO kosa dia mahalala ny zava-drehetra sady vavolombelon’izany, hoy ny teny hentitra avy amiko.› »

Daniela 2:22

Izy no mampiseho ny zavatra lalina sy miafina sady mahalala izay misy ao amin’ny maizina, satria ny mazava no miara-mitoetra aminy.

Matio 6:4

hany ka miafina no anaovanao ny fiantrànao; ary ny Rainao Izay mahita ao amin’ny miafina no hamaly soa anao.

Jaona 2:24

Kanefa i Jesoa dia tsy natoky azy ireo, satria fantany avokoa izy rehetra

Jaona 21:17

Ary hoy indray i Jesoa tamin’i Petera fanintelony: –Ry Simôna zanakalahin’i Jôhany, moa tia Ahy ve ianao? Dia nalahelo i Petera fa nataon’i Jesoa fanintelony hoe: «Moa tia Ahy ve ianao?», ka hoy ny navaliny Azy: –Ianao, ry Tompo, no mahalala ny zavatra rehetra, ka fantatrao fa tiako Ianao. Dia hoy Izy taminy: –Fahano ireo ondriko.

Jaona 4:16

I Jesoa kosa niteny taminy hoe: –Ndeha antsoy ny vadinao, ka miverena atỳ?

Asan’ny Apostoly 17:31

Nisy manko andro anankiray natao hitsaran’Andriamanitra izao tontolo izao araka ny rariny, amin’ny alalan’ny lehilahy anankiray efa voatendriny; ary ny nananganany Azy ho velona avy any amin’ny maty no nataony porofon’izany ho an’ny olona rehetra!

Romana 2:16

Araka ny Vaovao Mahafaly ambarako, dia izany no ho hita amin’ilay andro hitsaran’Andriamanitra ny toetra miafin’ny olona tsirairay avy, amin’ny alalan’i Jesoa Kristy.

1Korintiana 4:5

Noho izany, aza mitsara olona alohan’ny fotoana, dia mandra-piavin’ny Tompo: Izy no hampiharihary ireo zavatra afenina anatin’ny maizina sy hampiseho ireo hevitry ny fon’ny olombelona. Ka amin’izay dia samy homen’Andriamanitra ny dera tandrify azy avy ny tsirairay.

2Korintiana 5:10

satria tsy maintsy hiseho eo anatrehan’i Kristy mba hotsarainy isika rehetra, ka handraisan’ny tsirairay avy ny tandrify azy araka izay nataony na tsara na ratsy fony mbola velona tao amin’ity vatana ity.

Apokalipsy 2:23

Hovonoiko ho faty ny zanany, ka ho fantatry ny Fiangonana rehetra fa Izaho no mahalala ny ao am-po tsy miloatra; ary hovaliako araka ny asanareo avy ianareo.

1Samoela 16:7

Nefa hoy ny TOMPO taminy: «Aza sodokan’ny tarehiny sy ny tsanganany ianao, fa tsy nifidy azy Aho akory. Tsy mba mitsara toy izay ataon’olombelona Aho. Ny olona mijery ivelany fotsiny ihany, fa Izaho TOMPO kosa mahita hatramin’ny atin’ny fo.»