Hebreo 12:3 - DIEM PROTESTANTA

³ Eritrereto tsara i Jesoa, Izay niaritra ny fanoherana mafy nafitsoky ny mpanota taminy; ka aza kivy, aza ketraka ianareo.

Baiboly Protestanta Malagasy 2011

³ Fa hevero tsara ilay niaritra ny fanoherana nataon’ny mpanota Taminy, fandrao ho ketraka ianareo ka ho reraka ny fanahinareo.

Dikateny Iombonana Eto Madagasikara

³ Eritrereto tsara i Jesoa, Izay niaritra ny fanoherana mafy nafitsoky ny mpanota taminy; ka aza kivy, aza ketraka ianareo.

Baiboly Katolika

³ Hevero fa niaritra ny famelezana mafy nafitsoky ny mpanota taminy Izy, mba tsy ho ketraky ny fanarian-toky ianareo.

Baiboly Protestanta Malagasy

³ Fa hevero tsara ilay naharitra ny fanoherana nataon’ny mpanota taminy, fandrao ho ketraka hianareo, ka ho reraka ny fanahianreo.

Malagasy Bible

³ Fa hevero tsara Ilay naharitra ny fanoherana nataon'ny mpanota taminy, fandrao ho ketraka ianareo, ka ho reraka ny fanahinareo.

La Bible en Malgache

³ Fa hevero tsara ilay niaritra ny fanoherana nataon’ny mpanota Taminy, fandrao ho ketraka ianareo ka ho reraka ny fanahinareo.

Hebreo 12:3 Rohy Ifampitohizana

Ohabolana 24:10

Raha osa amin’ny androm-pahoriana ianao, dia kely dia kely herim-po tokoa!

Isaia 50:4

Ny Tompo ANDRIANANAHARY no nampianatra ahy izay tokony holazaiko, mba hahaizako mamoaka teny hampahery ny reraka. Isa-maraina Izy dia manabe ahy hatrany hihaino araka izay tokony hataon’ny mpianatra.

Matio 11:19

Tonga indray ny Zanak’olona, mihinana sy misotro, nefa lazaina hoe: «Olona tendan-kanina sy mpiboboka divay, sakaizan’ny mpamory hetra sy ny mpanota!» Andriamanitra kosa, araka ny fahendreny, dia asehon’ny asany ho marina.

Matio 12:24

Nony nandre izany kosa ny Farisianina, dia niteny hoe: –Tsy misy androahan’ilay io ny demony, afa-tsy fahefana avy amin’i Belzeboba, filohan’ny demony!

Matio 15:2

–Nahoana ny mpianatrao no mandika ny fomba amam-panao nampitain’ny razantsika? Tsy mba manasa tanana araka ny fomba ara-pivavahana manko ny mpianatrao raha hihinan-kanina!

Matio 21:23

Nony tafiditra tao an-kianjan’ny tempoly i Jesoa, dia nampianatra. Ary nanatona Azy ny lohandoha-mpisorona sy ny loholon’ny vahoaka jiosy ka nanontany Azy hoe: –Fahefana ahoana moa no anaovanao an’izao? Ary iza no nanome anao izany fahefana izany?

Matio 21:46

Ary nitady hisambotra Azy ry zareo, saingy natahotra ny vahoaka izay nankatò an’i Jesoa ho mpaminanin’Andriamanitra.

Matio 22:15

Tamin’izay dia lasa ireo Farisianina ka niara-nisaina momba izay fanontaniana mety hamandrihany an’i Jesoa.

Lioka 14:1

Indray sabata, nandroso hisakafo tao an-tranon’izay lohandohan’ny Farisianina izay i Jesoa, ka notsikilovin-dry zareo fatratra.

Lioka 15:2

Hany ka nimonomonona ny Farisianina sy ny mpahay lalàna nanao hoe: –Rangahy io ny mpanota no ifandraisany sy iarahany misakafo!

Lioka 16:14

Fatra-pitia vola ny Farisianina ka naneso an’i Jesoa nony nandre izany teny rehetra izany.

Lioka 2:34

Ary nitsodrano azy telo mianaka i Simehôna; avy eo izy dia niteny tamin’i Maria renin’i Jesoa hoe: –Indro ity zaza ity fa voatendry mba hahatonga ny maro amin’i Israely homelohin’Andriamanitra ary koa hahatonga ny maro amin’i Israely hankatoavin’Andriamanitra. Ho famantarana hifanoheran’ny olona ity zaza ity,

Lioka 5:21

Ireo mpahay lalàna sy Farisianina kosa nieritreritra anakampo hoe: «Mba iza ity manevateva an’Andriamanitra ity? Iza no mahavela heloka afa-tsy Andriamanitra irery ihany?»

Jaona 10:20

Maro tamin’ireo no nanao hoe: –Ondranondranana io sady very saina, ka inona no ihainoanareo Azy?

Jaona 18:22

Rehefa nilaza izany i Jesoa, dia nisy anankiray tamin’ny mpiandry raharaha teo namely tahamaina Azy sady nanao hoe: –Izany ve no famalinao ny mpisorombe?

Jaona 5:16

Noho i Jesoa nanao izany tamin’ny andro sabata, dia nanenjika Azy ny manampahefana jiosy.

Jaona 7:12

Ary nitakoritsika be ny amin’i Jesoa ny vahoaka; ny sasany nanao hoe: «Tsara fanahy Izy»; ny sasany kosa nanao hoe: «Tsy izany, fa mamitaka ny vahoaka Izy.»

Jaona 8:13

Ka hoy ny Farisianina tamin’i Jesoa: –Vavolombelona manambara tena Ianao, ka tsy azo antoka ny fijoroanao ho vavolombelona!

Jaona 8:52

Dia hoy ny Jiosy taminy: –Fantatray ankehitriny fa ondranondranana Ianao! Efa maty i Abrahama sy ireo mpaminanin’Andriamanitra, fa Ianao kosa milaza hoe: «Raha misy olona mitandrina ny teniko, dia tsy hanandrana fahafatesana izy na oviana na oviana.»

Jaona 8:59

Tamin’izay dia naka vato hitorahana Azy ny olona; fa i Jesoa kosa niery ka lasa nivoaka ny kianjan’ny tempoly.

Jaona 9:40

Nandre izany ny Farisianina sasany teo ka nanao taminy hoe: –Izahay koa ve jamba?

1Korintiana 15:58

Koa amin’izany, ry havako malala, aoka ianareo hiorina mafy, tsy ho voahozongozona, hahefa bebe kokoa hatrany eo amin’ny asan’ny Tompo, satria fantatrareo fa tsy foana tsy akory ny fisasaranareo amin’ny fanompoana ny Tompo.

2Korintiana 4:1

Izahay no manana izany fanompoana izany, dia noho ny indrafon’Andriamanitra taminay; koa tsy mety ketraka izahay.

2Korintiana 4:16

Izany no tsy mahaketraka anay, fa na dia mihalevona aza ny maha olona eto ivelany, dia mihavao isan’andro kosa ny maha olona ao anaty:

Galatiana 6:9

Ary aza mba ketraka amin’ny fanaovan-tsoa isika, satria hijinja amin’ny fotoanandro isika raha tsy kivy.

Deoteronomia 20:3

«Mihainoa, ry miaramila israelita! Efa hanafika fahavalo ianareo izao, koa aza rera-po na matahotra na mikoropaka foana na mangorohoro eo anatrehany.

2Tesaloniana 3:13

Fa ianareo kosa, ry havana, aza ketraka amin’ny fanaovan-tsoa.

Hebreo 12:2

Aoka isika hifantoka tsara amin’i Jesoa, Izay loharanon’ny finoantsika hatramin’ny voalohany ka hatramin’ny farany. Niaretan’i Jesoa ny namonoana Azy teo amin’ny hazofijaliana fa tsy nitandroany henatra, satria tsinjony sahady ny hafaliana natao ho azony; ka izao Izy efa mipetraka eo ankavanan’ny sezafiandrianan’Andriamanitra.

Hebreo 12:5

Ary efa hadinonareo ve ny teny fampaherezana milaza aminareo toy ny amin-janaka hoe: «Anaka, aza atao tsirambina ny famaizana ampiharin’ny Tompo; ary aza ketraka rehefa anariny.

Hebreo 3:1

Koa amin’izany, ry havana, efa voatokana ho an’Andriamanitra ianareo sady efa voaantsony hiombon’anjara amin’ny fiainana any an-danitra, ka diniho i Jesoa ilay irak’Andriamanitra sady Mpisorombe antoky ny finoana izay ekentsika.

1Petera 2:23

notevatevaina Izy, nefa tsy mba nanevateva; nijaly Izy, nefa tsy mba nandrahona, fa nanankin-tena tamin’Andriamanitra Izay mitsara ara-drariny;

Apokalipsy 2:3

ary manana faharetana ianao, ka mizaka ny mafy noho ny amiko sady tsy ketraka.

1Samoela 12:24

Izao ihany no ataoko aminareo: hajao ny TOMPO ka tompoy marina amin’ny fonareo manontolo, ary tsarovy ny zava-dehibe izay nataony ho anareo.