Genesisy 7:11 - DIEM PROTESTANTA

¹¹ Iny faha-600 taona niainan’i Noà iny, tamin’ny volana faharoa, andro faha-17, dia niboiboika be ny rano avy any ambanin’ny tany tamin’ireo loharano rehetra, ary nivoha nidanadana ny varavaran’ny lanitra.

Baiboly Protestanta Malagasy 2011

¹¹ Tamin’ny andro fahafito amby folo tamin’ny volana faharoa tamin’ny faheninjato taona niainan’i Noa, tamin’izany andro izany dia vaky ny loharano rehetra tamin’ny lalina lehibe ary nivoha ireo varavaran’ny lanitra.

Dikateny Iombonana Eto Madagasikara

¹¹ Iny faha-600 taona niainan’i Noà iny, tamin’ny volana faharoa, andro faha-17, dia niboiboika be ny rano avy any ambanin’ny tany tamin’ireo loharano rehetra, ary nivoha nidanadana ny varavaran’ny lanitra.

Baiboly Katolika

¹¹ Tamin’ny taona fahenin-jato niainan’i Nôe, tamin’ny volana faharoa, andro fahafito ambin’ny folo dia nipoitra ny loharano rehetra avy any amin’ny hantsana lehibe, nivoha ny vavahadin-dranon’ny lanitra,

Baiboly Protestanta Malagasy

¹¹ Tamin’ny andro fahafito ambin’ny folo tamin’ny volana faharoa tamin’ny fahenin-jato taona niainan’i Noa, tamin’izany andro izany dia nipoitra ny loharano rehetra amin’ny lalina lehibe, ary nivoha ny varavaran’ny lanitra.

Malagasy Bible

¹¹ Tamin'ny andro fahafito ambin'ny folo tamin'ny volana faharoa tamin'ny fahenin-jato taona niainan'i Noa, tamin'izany andro izany dia nipoitra ny loharano rehetra amin'ny lalina lehibe, ary nivoha ny varavaran'ny lanitra.

La Bible en Malgache

¹¹ Tamin’ny andro fahafito amby folo tamin’ny volana faharoa tamin’ny faheninjato taona niainan’i Noa, tamin’izany andro izany dia vaky ny loharano rehetra tamin’ny lalina* lehibe ary nivoha ireo varavaran’ny lanitra.

Genesisy 7:11 Rohy Ifampitohizana

Genesisy 1:7

Dia tanteraka izany. Nataon’Andriamanitra ny habakabaka ka nampisaraka ny rano ho antonta roa, dia ny rano ambanin’ny habakabaka sy ny rano ambonin’ny habakabaka.

Genesisy 6:17

Indro Aho hahatonga safo-drano lehibe mba hamongorana izay rehetra manana aina atỳ ambany lanitra, ka ho levona avokoa izay rehetra eny ambonin’ny tany.

Genesisy 7:6

Feno 600 taona i Noà raha tonga ny safo-drano lehibe teto ambonin’ny tany.

Genesisy 8:14

Ary fony andro fahafito amby roapolo tamin’ny volana faharoa dia maina tanteraka ny tany.

Genesisy 8:2

Nihidy ny loharano niboiboika avy any ambanin’ny tany sy ny varavaran’ny lanitra, ary nitsahatra ny ranonorana.

2Mpanjaka 7:19

Fa hoy ny navalin’ilay dekàn’ny mpanjaka tamin’izay: «Na dia handavaka ny lanitra aza ny TOMPO, mba ho tanteraka ve izay voalazanao teo?» Ary hoy i Elisà: «Ho hitanao maso izany, saingy tsy mba hihinananao.»

2Mpanjaka 7:2

Fa ny dekà, izay nianteheran’ny mpanjakan’i Israely, dia niteny tamin’ilay olon’Andriamanitra ka nanao hoe: –Na dia handavaka ny lanitra aza ny TOMPO, mba ho tanteraka ve izay voalazanao teo? Ary hoy i Elisà: –Ho hitanao maso izany, saingy tsy mba hihinananao.

Joba 12:15

Raha mitana ny orana Izy, dia tonga ny hain-tany; fa raha mandefa ny rano kosa Izy, dia tondraka ny tany.

Joba 28:4

Mihady lavaka lavitry ny fonenana izy; ka any amin’ny toerana tsy fandalovan’olona no ihantonany sy itsingevahevany amin’ny tady.

Joba 38:16

Efa tonga tany an-doharanon-dranomasina ve ianao na efa nandehandeha tany amin’ny fanambanin’ny lalina?

Joba 38:37

Iza no manam-pahaizana mahaisa ny rahona? Iza no mampitotongana ireo siniben-drano any an-danitra, hampitosaka ranonorana mivatravatra

Salamo 33:7

Angoniny sy fefeny ny rano an-dranomasina ataony am-pitahirizana azy ny rano lalimbe.

Salamo 74:15

Nanokafanao lalana ny loharano sy ny sakeli-drano, ary nataonao tankina ny ony tsy mety ritra.

Ohabolana 3:20

Ny fahaizany no nampiboiboika rano avy any an-kibon-tany lalina any sy mampitosaka orana avy amin’ny rahona.

Isaia 24:18

Koa izay mandositra ny kiakiaka vokatry ny fampihorohoroana, dia ho latsaka ao anatin’ny longoa; ary izay tafakatra avy ao amin’ny longoa dia ho voan’ny fandrika harato. Misokatra ny hidin-drano any ambony, ka mihozongozona ny fanorenan’ny tany.

Isaia 24:19

Vakivaky ny tany ary tena mitresaka; voadona mafy izy ka mihotsaka.

Jeremia 5:22

Tsy mba atahoranareo akory ve Izaho TOMPO? Tsy mba mangovitra eo anatrehako ve ianareo? Izaho anefa no nametraka ny fasika ho fefin’ny ranomasina, dia fetra mandrakizay tsy hihoarany: na dia misamboaravoara mafy aza izy dia tsy mahavaky izany fefy izany; na dia mirohondrohona be aza ny onjany, dia tsy afaka mihoatra azy.

Jeremia 51:16

Baikony no mampitoby ny ranobe any an-danitra any sy mampiakatra ny rahona matevina avy eny am-paravodilanitra, ary andatsahan’ny tselatra ny ranonorana sy ivoahan’ny rivotra avy amin’ny fitoerany.

Ezekiela 26:19

«Fa izao no lazain’ny Tompo ANDRIANANAHARY: ‹Hataoko tahaka ireo tanàna rava tsy misy mponina ianao. Hampiakariko avy any amin’ny lalina ny ranobe hanafotra anao.

Malakia 3:10

Ento manontolo àry ny ampahafolon-karena ho ao an-trano fitahirizana azy, mba tsy ho tapaka sakafo ao an-tempoliko. Ary zahao toetra amin’izany ny tenako, hoy Izaho TOMPOn’izao rehetra izao, dia ho hitanareo fa hovohako ho anareo ny vavahadin-dranon’ny lanitra hampidinako fitahiam-be miavosa aminareo.

Matio 24:38

Fa tamin’ireo andro nialoha ny safodrano dia nihinana sy nisotro ary nampaka-bady na nampakarina ny olona, mandra-pigadon’ny andro nidiran’i Noà tao amin’ny sambofiara,

1Tesaloniana 5:3

Amin’ny anaovan’ny olona hoe: «Miadana sy mandry feizay ny zavatra rehetra!», amin’iny no hamely azy tampoka ny fandringanana ka tsy ho azony andosirana mihitsy, mova tsy ny fanaintainan’ny vehivavy bevohòka mihetsi-jaza.

2Petera 3:6

Rano ihany koa no nandravana izao tontolo izao fahiny, dia tamin’ny safodrano.