Genesisy 2:8 - DIEM PROTESTANTA

⁸ Avy eo dia novolen’ny TOMPO Andriamanitra zaridaina tao Hedena, tany atsinanana, mba hametrahany an-draolombelona izay namboariny.

Baiboly Protestanta Malagasy 2011

⁸ Ary NY TOMPO Andriamanitra namboly saha tao Edena tany atsinanana ka napetrany tao Ralehilahy izay novolavolainy.

Dikateny Iombonana Eto Madagasikara

⁸ Avy eo dia novolen’ny TOMPO Andriamanitra zaridaina tao Hedena, tany atsinanana, mba hametrahany an-draolombelona izay namboariny.

Baiboly Katolika

⁸ Ary i Iaveh Andriamanitra nanao saha tany Edena, tany atsinanana, ka napetrany tao ny olona izay noforoniny.

Baiboly Protestanta Malagasy

⁸ Ary Jehovah Andriamanitra nanao saha tao Edena tany atsinanana, ka napetrany tao ralehilahy izay noforoniny.

Malagasy Bible

⁸ Ary Jehovah Andriamanitra nanao saha tao Edena tany atsinanana, ka napetrany tao ralehilahy izay noforoniny.

La Bible en Malgache

⁸ Ary NY TOMPO Andriamanitra namboly saha tao Edena tany atsinanana ka napetrany tao Ralehilahy izay novolavolainy.

Genesisy 2:8 Rohy Ifampitohizana

Genesisy 13:10

Dia nitazana i Lôta ka nahatsinjo ny faritanin’i Jôrdàna manontolo. Talohan’ny nandravan’ny TOMPO an’i Sôdôma sy i Gômôra, izany faritany izany mandra-pahatonga any Tsôhara dia tahaka ny zaridainan’ny TOMPO, tahaka ny lohasahan’i Neily.

Genesisy 3:23

Noho izany, dia noroahin’ny TOMPO Andriamanitra hiala tao an-jaridainan’i Hedena ny olombelona mba handeha hiasa ny tany izay nanalàna azy.

Genesisy 3:24

Rehefa avy nandroaka ny olombelona Izy, dia nametraka teo atsinanan’ny zaridaina ireo kerobima, izay mitondra sabatra misy lelafo midedadeda mba hiambina ny lalana mankany amin’ny hazon’aina.

Genesisy 4:16

Ary niala teo anatrehan’ny TOMPO i Kaina, ka nonina tao amin’ny tanin’i Nôda, any atsinanan’i Hedena.

2Mpanjaka 19:12

Fony noravan’ireo razako i Gôzàna, sy i Haràna ary i Retsefa mbamin’i Telasara renivohitry ny Hedenita, moa nahavonjy ireny firenena ireny ve ny andriamaniny.

Isaia 51:3

Eny, ny TOMPO tokoa no nampahery an’i Tsiôna, nampahery azy teo anivon’ny faharavàny rehetra. Ka izany toerana karankaina izany dia novan’ny TOMPO ho paradisa; ary izany tany ngazana izany dia novany ho zaridaina mahavariana. Fientanentanana sy firavoravoana no ho hita ao ary koa hira fiderana sy feon-java-maneno.

Ezekiela 27:23

Ny ao an-tanànan’i Haràna sy i Kane ary i Hedèna koa dia nifandray ara-barotra taminao toy ireo mpivarotra avy any Sebà mbamin’ireo tanànan’i Asora sy i Kilmady.

Ezekiela 28:13

Tao Hedèna, zaridainan’Andriamanitra, no niainanao, dia ilay Hedèna voahodidina tamboho rakotry ny vatosoa isan-karazany: robisy, tôpaza, diamondra, krizôlita, berila, jaspa, safira, robina, emeralda. Firavaka sy haingo volamena voaomana hatramin’ny andro nahariana anao no nentinao.

Ezekiela 31:16

Rehefa nataoko izay hianjeran’io hazo io mba hidinany any amin’ny toeran’ny maty ho tafaraka amin’ireo efa tafidina any, dia nampihorohoroiko ireo firenena nony nandre ny fianjerany. Fa tany ambanin’ny tany kosa dia samy afa-po avokoa ireo hazon’i Hedèna, dia ireo hazo voafantina sady soa indrindra ary vonton-drano tao Libano.

Ezekiela 31:18

«Tsy nisy hazon’i Hedèna nitovy famirapiratana sy fahalehibiazana taminao. Kanefa hazera any ambanin’ny tany miaraka amin’ireny hazon’i Hedèna ireny ianao, ka hiampatra eo anivon’ireo olona tsy voafora izay maty an’ady. Izany no ho anjaran’ny Farao sy ny mponina marobe rehetra any Ejipta; teny hentitra avy amiko Tompo ANDRIANANAHARY izany.»

Joela 2:3

Tahaka ny afo mandevona no hanimbany ny eo alohany sy handoroany ny ao aoriany. Talohan’ny fahatongavany dia toy ny zaridainan’i Hedena ny tany; taorian’ny fandalovany kosa dia taniefitra kilan’ny afo no sisa. Eny, tsy nisy izay tsy ravany.