Genesisy 19:29 - DIEM PROTESTANTA

²⁹ Nony noravan’Andriamanitra ireo tanàna tamin’ny faritany nipetrahan’i Lôta, dia nahatsiaro an’i Abrahama Izy ka namela an’i Lôta hiala tao amin’ny lozam-paharavana.

Baiboly Protestanta Malagasy 2011

²⁹ Tamin’ny nandravan’Andriamanitra ny tanàna tany amin’ny tany lemaka dia nahatsiaro an’i Abrahama Andriamanitra ka noentiny niala avy tao afovoan’ny loza i Lota, rehefa nandrava ny tanàna izay nonenan’i Lota izy.

Dikateny Iombonana Eto Madagasikara

²⁹ Nony noravan’Andriamanitra ireo tanàna tamin’ny faritany nipetrahan’i Lôta, dia nahatsiaro an’i Abrahama Izy ka namela an’i Lôta hiala tao amin’ny lozam-paharavana.

Baiboly Katolika

²⁹ Nahatsiaro an’i Abrahama Andriamanitra raha nandrava ny tanàna teo amin’ny tany lemaka, ka nanafaka an’i Lôta tamin’ny fikorontanana izy, nony nanakorontana ny tanàna nonenan’i Lôta.

Baiboly Protestanta Malagasy

²⁹ Ary raha noravan’Andriamanitra ny tanàna tany amin’ny tany lemaka, dia nahatsiaro an’i Abrahama Andriamanitra ka namoaka an’i Lota hiala teo afovoan’ny horavana, tamin’ny nandravany ny tanàna izay nonenan’i Lota.

Malagasy Bible

²⁹ Ary raha noravan'Andriamanitra ny tanàna tany amin'ny tany lemaka, dia nahatsiaro an'i Abrahama Andriamanitra ka namoaka an'i Lota hiala teo afovoan'ny horavana, tamin'ny nandravany ny tanàna izay nonenan'i Lota.

La Bible en Malgache

²⁹ Tamin’ny nandravan’Andriamanitra ny tanàna tany amin’ny tany lemaka dia nahatsiaro an’i Abrahama Andriamanitra ka noentiny niala avy tao afovoan’ny loza i Lota, rehefa nandrava ny tanàna izay nonenan’i Lota izy.

Genesisy 19:29 Rohy Ifampitohizana

Genesisy 11:27

Ireto avy no taranak’i Tera, rain’i Abrama sy i Nahôra ary i Haràna. I Haràna dia niteraka an’i Lôta,

Genesisy 12:2

Hataoko firenena lehibe ianao; hitahy anao Aho ka hampahalaza ny anaranao. Hanjary fitahiana ho an’ny hafa ianao.

Genesisy 30:22

Ary Andriamanitra nahatsiaro an’i Rahely ka nihaino ny fangatahany, dia nampitoe-jaza azy.

Genesisy 8:1

Rehefa afaka izany, dia notsarovan’Andriamanitra i Noà sy ny bibidia rehetra ary ny biby fiompy rehetra izay niaraka taminy tao anatin’ny sambofiara; ka nampandalo rivo-mahery teny ambonin’ny tany Izy, dia niharîtra ny rano.

Nehemia 13:14

«Tsarovy aho noho izany, ry Andriamanitra ô! Ka aza kosehina ny soa vitako momba ny tranonao sy momba ny fanompoam-pivavahana.»

Nehemia 13:22

Ary nasaiko nidio tena ny levita ka ho avy hiambina eo am-bavahady, mba hanokanana ny andro sabata ho an’Andriamanitra. «Tsarovy aho noho izany koa, ry Andriamanitro ô; ary iantrao aho fa be indrafo ianao!»

Joba 35:8

Fa na ny tsara vitanao na ny ratsy nataonao, dia ny olona toa anao ihany no iharany.

Salamo 105:42

Eny, tsaroan’Andriamanitra ny teniny masina nataony tamin’i Abrahama mpanompony.

Salamo 105:8

Tsaroany hatrany ny fanekempihavanany, dia ny fampanantenana izay napetrany ho an’ny taranaka arivo mifandimby:

Salamo 106:4

TOMPO ô, mba tsarovy aho, rehefa anehoanao fitia ny vahoakanao; mba tolory famonjena aho, rehefa mamonjy azy Ianao.

Salamo 136:23

Izy no nahatsiaro antsika fony isika nijaly –eny, maharitra mandrakizay ny fitiavany!

Salamo 145:20

Ny TOMPO miambina izay rehetra tia Azy; ny olon-dratsy kosa aringany avokoa.

Salamo 25:7

Koa hadinoy ny fahotako, fony aho tanora; eny, hadinoy re izay hadisoana vitako; nefa mba tsarovy kosa aho, TOMPO ô, satria be fitiavana sy tsara fo Ianao.

Ezekiela 14:16

Na dia nonina tao aza ireo telo lahy voalaza teo, dia ny tenany ihany no ho sisa tavela. Velona Izaho Tompo ANDRIANANAHARY ka manao teny hentitra sy mianiana fa tsy ho afaka hamonjy na dia ny zanany lahy sy vavy aza ireo, ary ho lao kosa ny tany.

Hosea 11:8

«Hataoko ahoana anefa no hahafoy anao, ry Efraîma, na hamadika anao, ry Israely? Hataoko ahoana koa no hahafoy anao ho tahaka an’i Admà sy i Tsebôima? Onena anao ny foko ato amiko fa indray miontana ny fitiavako.

Deoteronomia 7:8

Fa raha nentin’ny TOMPO tamin’ny fiarovana mahery ianareo sy navotany tamin’ny toeram-panandevozana teo ambany fifehezan’ny Farao mpanjakan’i Ejipta, dia satria tian’ny TOMPO ianareo ary tandroviny aminareo ny fianianana nataony tamin’ny razambenareo.

Deoteronomia 9:27

Tsarovy i Abrahama sy i Itsehàka ary i Jakôba mpanomponao; fa aza jerenao ny ditran’ity vahoaka ity na ny haratsiam-panahiny na ny fahotany,

Deoteronomia 9:5

Tsy ny fahamarinanareo na ny hitsimponanareo no mahamendrika anareo hiditra haka ny taniny ho fanananareo; fa ny haratsiam-panahin’ireo firenena ireo no handroahan’ny TOMPO Andriamanitrareo azy eo anoloanareo, ary koa mba hahatò ny fampanantenana izay nianianan’ny TOMPO tamin’i Abrahama sy i Itsehàka ary i Jakôba razambenareo.

2Petera 2:7

Nafahan’Andriamanitra kosa i Lôta, izay tia ny rariny ka ory dia ory noho ny fitondrantena ratsy nasehon’ny olona tsy miraharaha lalàna;