Genesisy 1:1 - DIEM PROTESTANTA

¹ Tamin’ny fiandohana, fony Andriamanitra nahary ny lanitra sy ny tany

Baiboly Protestanta Malagasy 2011

¹ Tamin’ny voalohany Andriamanitra nahary ny lanitra sy ny tany.

Dikateny Iombonana Eto Madagasikara

¹ Tamin’ny fiandohana, fony Andriamanitra nahary ny lanitra sy ny tany

Baiboly Katolika

¹ Tamin’ny voalohany Andriamanitra nahary ny lanitra sy ny tany.

Baiboly Protestanta Malagasy

¹ TAMIN’ny voalohany Andriamanitra nahary sy ny lanitra sy ny tany.

Malagasy Bible

¹ Tamin'ny voalohany Andriamanitra nahary ny lanitra sy ny tany.

La Bible en Malgache

¹ Tamin’ny voalohany Andriamanitra nahary ny lanitra sy ny tany.

Genesisy 1:1 Rohy Ifampitohizana

2Mpanjaka 19:15

ary nivavaka tamin’ny TOMPO nanao hoe: «Ry TOMPO Andriamanitr’i Israely ô, Ianao Izay mipetraka eo ambony kerôbima, Ianao irery no Andriamanitry ny fanjakana rehetra eto an-tany, satria Ianao no nanao ny lanitra sy ny tany.

1Tantara 16:26

Tsinontsinona avokoa ireo andriamanitry ny firenen-kafa, fa ny TOMPO kosa no nanao ny lanitra.

2Tantara 2:11

Hoy koa i Hirama: «Hisaorana anie ny TOMPO Andriamanitr’i Israely, Izay nanao ny lanitra sy ny tany, noho ny nanomezany an’i Davida zanakalahy hendry, malina sy mahira-tsaina, ka hanao trano ho an’ny TOMPO sy lapa ho an’ny tenany.

Nehemia 9:6

Ianao irery ihany no TOMPO; Ianao no nanao ny habakabaka midadasika mbamin’ny kintana rehetra ny tany sy izay rehetra eo aminy, ny ranomasina sy izay rehetra ao aminy; Ianao no mamelona ny voaary rehetra, ka iankohofan’ny tafiky ny lanitra.

Joba 26:13

Ny fofonainy no nampahazava ny lanitra, ary ny tanany no namantsika ilay bibilava mpandositra.

Joba 38:4

Taiza moa ianao fony Aho nanorina ny tany? ambarao Ahy raha manam-pahalalana tokoa ianao.

Joba 9:8

Mamelatra ny lanitra samirery Andriamanitra ary mandeha eny amin’ny onjan-dranomasina.

Salamo 102:25

Ka hoy aho hoe: «Andriamanitra ô, aza alainao eny antenatenan’ny androm-piainako aho; fa ny taonanao tsy mba ho tapitra rahoviana.»

Salamo 104:24

Endrey ity hamaroan’ny asanao, TOMPO ô! Tamim-pahendrena no nanaovanao azy rehetra: henika ny zava-boaarinao ny tany!

Salamo 104:30

Alefanao ny Fanahinao, dia ary indray ireo ka mihavao ny zavatra rehetra eto ambonin’ny tany.

Salamo 115:15

Hitahy anareo anie ny TOMPO, Mpanao ny lanitra sy ny tany!

Salamo 121:2

–Ny famonjena ahy dia avy amin’ny TOMPO, Mpanao ny lanitra sy ny tany!

Salamo 124:8

Ny famonjena antsika dia ny anaran’ny TOMPO, Mpanao ny lanitra sy ny tany.

Salamo 134:3

Hitahy anareo hatreto Tsiôna anie ny TOMPO, Mpanao ny lanitra sy ny tany!

Salamo 136:5

sy nanao ny habakabaka tamim-pahendrena –eny, maharitra mandrakizay ny fitiavany!

Salamo 146:6

dia Andriamanitra nanao ny lanitra sy ny tany ary ny ranomasina mbamin’izay rehetra ao amin’ireny, mitandro fahamarinana hatrany

Salamo 33:6

Nandidy ny TOMPO, dia vita ny lanitra; niteny Izy, dia ary ny planeta sy ny kintana.

Salamo 33:9

Fa niteny Izy, dia tonga izay voalazany; nandidy Izy, dia nisy avy hatrany ireny.

Salamo 8:3

Kanefa ny feon’ny ankizy madinika, eny, ny feon’ireo zaza mbola minono aza no anoheranao ny mpandrafy Anao; ary izany dia toy ny manda natsanganao hampanginanao ireo fahavalonao sy izay te hamaly ratsy.

Salamo 8:4

Raha jereko ny lanitra asan-tananao sy ny volana aman-kintana napetrakao eny,

Salamo 90:2

Fony tsy mbola ary akory ny tendrombohitra, tsy mbola voaforonao ny tany sy izao tontolo izao, dia efa Andriamanitra Ianao hatrizay ka ho mandrakizay.

Salamo 96:5

Tsinontsinona avokoa ireo andriamanitry ny firenen-kafa, fa ny TOMPO kosa no nanao ny lanitra.

Eksodosy 20:11

Fa enina andro no nanaovako ny lanitra sy ny tany ary ny ranomasina mbamin’izay rehetra ao aminy, dia nitsahatra Aho tamin’ny andro fahafito. Izany no nahatonga Ahy TOMPO nitahy ny andro sabata sy nanokana azy ho Ahy.

Eksodosy 31:18

Rehefa vitan’Andriamanitra ny resaka nataony tamin’i Mosesy tao an-tendrombohitra Sinay, dia nomeny an’i Mosesy ny vatofisaka misy ny lalàna izay nosoratan’ny rantsan-tanan’Andriamanitra.

Ohabolana 16:4

Samy misy antony avokoa ny zava-drehetra nataon’ny TOMPO; ka na dia ny ratsy fanahy aza dia nataony ho amin’ny androm-pamaizana.

Ohabolana 3:19

Fahendrena sy fahaiza-manavaka no nanorenan’ny TOMPO ny tany sady nahariany ny lanitra.

Mpitoriteny 12:1

Aza hadino Ilay nahary anao amin’ny androm-pahatanoranao. Tsarovy Izy dieny tsy mbola tonga ny androm-pahosanao ary tsy mbola mihatra ny taona izay hitenenanao hoe: «Mankaleo ahy ny miaina.»

Isaia 37:16

Ry TOMPOn’izao rehetra izao sady Andriamanitr’i Israely ô, Ianao Izay mipetraka eo ambony kerobima, Ianao irery no Andriamanitry ny fanjakana rehetra eto an-tany, satria Ianao no nanao ny lanitra sy ny tany.

Isaia 40:21

Moa tsy fantatrareo na efa renareo ve, moa tsy nambara taminareo hatrany am-piandohana ve, ary moa tsy noeritreretinareo ve ilay mpanangana ny fanorenan’ny tany?

Isaia 40:26

Atopazo eny an-danitra ny masonareo ka jereo: Iza no nahary ny kintana? Tsy iza fa Ilay mamoaka azy isan-tokony toy ny andian-tafika hanao matso sy miantso azy rehetra amin’ny anarany avy. Lehibe loatra ny heriny ary tena hentitra ny fahefàny ka tsy misy mitsoaka an-daharana ireo.

Isaia 40:28

Tsy fantatrao sady tsy efa renao va fa ny TOMPO dia Andriamanitra mandrakizay? Izy no namorona ny tany manontolo. Tsy mba reraka Izy na sasatra, ary tsy misy fetra ny fahalalàny.

Isaia 42:5

Izao no tenin’ny TOMPO Andriamanitra Izay nahary ny lanitra sy nanenjana azy hidadasika, Izay namelatra ny tany mbamin’ny zava-maniry vokariny, Izay manome fofonaina ho an’ny olona eo aminy sy fanahy ho an’ny mponina miriaria ao; eny, izao no tenin’ny TOMPO Andriamanitra amin’ilay mpanompo voafidiny:

Isaia 44:24

Ry vahoaka Israely, ny TOMPO Izay nanavotra anao, Ilay namorona anao hatrany am-bohòka, dia indro milaza aminao hoe: «Izaho TOMPO no manao ny zavatra rehetra, Izaho irery ihany no nanenjana ny lanitra sy namelatra ny tany fa tsy nisy nanampy.

Isaia 45:18

Ny TOMPO no nahary ny lanitra, Izy no Andriamanitra namorona ny tany ka namolavola sy nanamafy azy, nefa tsy nahary azy ho foana fa nanao azy mba honenana. Io Tompo io dia indro milaza hoe: «Izaho no TOMPO, ary tsy misy hafa.»

Isaia 51:13

Hadinonao Izaho TOMPO, Ilay nahary anao, Ilay namelatra ny lanitra sy nanorina ny tany. Fa tsy mitsaha-mangovitra isan’andro ianao eo anoloan’ny fahatezeran’ny mpampahory, izay toy ny efa mikendry hanimba anao. Kanefa aiza izao ny fahatezerany?

Isaia 51:16

Hamelatra ny lanitra indray Aho sady hanorina indray ny tany, ka hilaza amin’i Tsiôna hoe: «Vahoakako ianao. Ataoko eo am-bavanao ny teniko; ary arovako eo ambany aloky ny tanako ianao.»

Isaia 65:17

Fa indro Aho mahary habakabaka vaovao sy tany vaovao ka tsy hotsarovana intsony ny habakabaka sy tany taloha na ho mby ao an-tsaina akory aza.

Jeremia 10:12

Tamin-kery no nanaovan’ny Tompo ny tany, tamim-pahendrena no nanorenany izao tontolo izao, ary tamim-pahaizana no namelarany ny habakabaka.

Jeremia 32:17

–Indrisy, ry Tompo ANDRIANANAHARY ô, Ianao no namorona ny lanitra sy ny tany tamin’ny herinao lehibe sy tamin’ny fahefànao, ka tsy misy zava-mahagaga tsy vitanao.

Jeremia 51:15

Tamin-kery no nanaovan’Andriamanitra ny tany, tamim-pahendrena no nanorenany izao tontolo izao, ary tamim-pahaizana no namelarany ny habakabaka.

Zakaria 12:1

Hafatry ny Tompo momba an’i Israely. Izao no teny hentitra ambaran’ny Tompo Izay namelatra ny lanitra sy namorona ny tany, ary nanome aina ny olona:

Matio 11:25

Tamin’izay fotoana izay dia niteny i Jesoa nanao hoe: –Ray ô, Tompon’ny tany aman-danitra Ianao, ka misaotra Anao Aho fa ireo zavatra nafeninao tamin’ny hendry sy ny manan-tsaina dia nasehonao tamin’ny madinika.

Marka 13:19

Fa ho andro fijaliana izany, dia fijaliana tsy mbola nisy toa azy hatramin’ny niandohan’ny zavaboaary, ka mandraka ankehitriny, sady tsy hisy toa azy intsony koa.

Asan’ny Apostoly 14:15

–Adray rey olona! Nahoana no manao izao ianareo? Olombelona tahaka anareo ihany izahay! Manambara ny Vaovao Mahafaly aminareo izahay, ka manainga anareo handao ireto sampy tsy mahasoa ireto ary hitodika amin’ilay Andriamanitra velona, Izay nanao ny lanitra sy ny tany ary ny ranomasina mbamin’ny zavatra rehetra ao aminy.

Asan’ny Apostoly 17:24

Ilay Andriamanitra Izay nanao izao tontolo izao sy ny zavatra rehetra eo aminy no Tompon’ny lanitra sy ny tany, ka tsy mba mitoetra ao anaty tempoly nataon-tanan’olombelona.

Asan’ny Apostoly 4:24

Nony nandre izany ireo mpino, dia indray nientana nanandratra tonom-bavaka tamin’Andriamanitra hoe: –Tompo ô, Ianao no nanao ny lanitra sy ny tany ary ny ranomasina mbamin’izay rehetra eo aminy;

Romana 11:36

Fa Izy no iavian’ny zavatra rehetra, Izy no mihazona azy, ary Izy no iafarany. Ho Azy mandrakizay anie ny voninahitra! Amen.

1Korintiana 8:6

amintsika kosa tokana ihany Andriamanitra, dia ny Ray Izy niavian’ny zavatra rehetra sady iafarantsika; ary tokana ihany ny Tompo, dia i Jesoa Kristy Izay nahariana ny zavatra rehetra sady nahariana antsika.

Efesiana 3:9

ary ny hampahazava amin’ny olona rehetra ny fomba hanatanterahan’Andriamanitra ny tsiambaratelony. Hatrizay hatrizay dia voaafina tao amin’Andriamanitra Mpahary ny zavatra rehetra, izany tsiambaratelo izany;

Hebreo 1:10

Ary hoy koa Andriamanitra hoe: «Ianao, Tompo ô, no nanorina ny tany tamin’ny voalohany; ary ny lanitra dia asan’ny tananao.

Hebreo 1:2

fa amin’izao andro farany izao kosa dia tamin’ny alalan’ny Zanany no nitenenany tamintsika. Io Zanany io no naharian’Andriamanitra izao tontolo izao, ary notendreny koa ho mpandova ny zavatra rehetra.

Hebreo 11:3

Finoana no ahafantarantsika fa ny tenin’Andriamanitra no nanaovana izao tontolo izao; koa izao hita maso izao dia natao avy amin’ny tsy hita maso.

Hebreo 3:4

Ny trano rehetra manko dia nisy mpanao azy, fa Andriamanitra kosa no nanao ny zavatra rehetra.

2Petera 3:5

Eny, inian’ireo mpaniratsira ireo hadinoina fa hatramin’ny ela Andriamanitra no niteny nampisy ny habakabaka sy ny tany; ka ny tany dia nipoitra avy amin’ny rano sady ny rano koa no nampirafitra azy ho mafy.

1Jaona 1:1

Ny amin’ilay Teny manome fiainana no anoratanay aminareo. Izy, Izay nisy hatramin’ny voalohany, ka efa renay, efa hitan’ny masonay, efa nobanjininay ary efa notsapain’ny tananay no ambaranay aminareo.

Apokalipsy 10:6

sady nianiana tamin’Ilay velona mandrakizay mandrakizay, dia Ilay nahary ny habakabaka mbamin’izay ao aminy, sy ny tany mbamin’izay ao aminy, ary ny ranomasina mbamin’izay ao aminy; ka hoy ilay anjely hoe: –Tsy hisy hataka andro intsony!

Apokalipsy 14:7

ka hoy izy tamin’ny feo mahery hoe: «Manajà an’Andriamanitra ka manomeza voninahitra Azy, fa tonga ny andro fitsaràny! Mitsaoha an’Ilay nanao ny lanitra sy ny tany ary ny ranomasina mbamin’ny loharano.»

Apokalipsy 21:6

Dia hoy indray Izy tamiko: –Tanteraka ny zavatra rehetra! Izaho no Alfa sy Ômega, fiandohana sy fiafarana. Izay mangetaheta dia hampisotroiko maimaimpoana amin’ny loharano miboiboika ranovelona.

Apokalipsy 22:13

Izaho no Alfa sy Ômega, ny voalohany sy ny farany, ny fiandohana sy ny fiafarana.

Apokalipsy 3:14

–Manorata ho an’ny anjelin’ny Fiangonana any Laôdisia: «Izao no lazain’ny Amen, ilay Vavolombelona mahatoky sy marina, Izay niandohan’ny zavaboaarin’Andriamanitra:

Apokalipsy 4:11

«Ianao, ry Tomponay sy Andriamanitray, no mendrika handray ny voninahitra sy ny haja ary ny hery. Fa Ianao no nahary ny zavatra rehetra, sady noho ny sitraponao no nisiany sy naha ary azy.»