Filemona 1:14 - DIEM PROTESTANTA

¹⁴ Kanefa tsy te hanao na inona na inona aho raha tsy teny ierana aminao; tsy tiako ny hanoavanao ahy tsy sazoka fa mba ho nahim-ponao tokoa.

Baiboly Protestanta Malagasy 2011

¹⁴ nefa raha tsy mahalala izay hevitrao aho aloha dia tsy ta hanao na inona na inona mba tsy ho toy ny an-tery ny soa ataonao fa an-tsitrapo.

Dikateny Iombonana Eto Madagasikara

¹⁴ Kanefa tsy te hanao na inona na inona aho raha tsy teny ierana aminao; tsy tiako ny hanoavanao ahy tsy sazoka fa mba ho nahim-ponao tokoa.

Baiboly Katolika

¹⁴ saingy naleoko tsy nanao na inona na inona raha tsy teny ierana aminao, mba tsy ho an-tery setra ny asa soanao, fa ho an-tsitrapo tokoa.

Baiboly Protestanta Malagasy

¹⁴ nefa raha tsy nahalala izay hevitrao aho aloha, dia tsy ta-hanao na inona na inona, mba tsy ho toy ny amin’ny fanerena ny soa ataonao, fa amin’ny sitrapo.

Malagasy Bible

¹⁴ nefa raha tsy nahalala izay hevitrao aho aloha, dia tsy ta-hanao na inona na inona, mba tsy ho toy ny amin'ny fanerena ny soa ataonao, fa amin'ny sitrapo.

La Bible en Malgache

¹⁴ nefa raha tsy mahalala izay hevitrao aho aloha dia tsy ta hanao na inona na inona mba tsy ho toy ny an-tery ny soa ataonao fa an-tsitrapo.

Filemona 1:14 Rohy Ifampitohizana

1Tantara 29:17

Fantatro, ry Andriamanitro ô, fa mandinika ny ao am-pon’ny olona Ianao ary mankasitraka ny hitsim-po. Raha izaho, dia tamin-kitsim-po no nanolorako an-tsitrapo ireo fanomezana rehetra ireo; ary ankehitriny, dia amin-kafaliana no ahitako ny vahoakanao izay vory eto, nanolotra an-tsitrapo ny fanomezany ho Anao.

Salamo 110:3

Miaramila voafantina no miaraka aminao amin’ny andro amorianao ny tafikao. Eny amin’ny tendrombohitra masina no hanatona Anao ireo zatovolahinao toy ny ando napoitran’ny mazavatsinanana.

1Korintiana 9:17

Raha safidim-poko no anaovako izany, dia tokony hahazo valisoa aho; fa raha baiko no anaovako izany, dia andraikitra nankinin’Andriamanitra tamiko.

1Korintiana 9:7

Iza no miaramila hianto-tena rehefa miantafika? Iza no mpamboly voaloboka tsy mihinana ny vokatr’izay namboleny? Iza no mpiandry ondry aman’osy tsy mivelona amin’ny rononon’ny biby andrasany?

2Korintiana 1:24

Izahay dia tsy manao jadona aminareo ny amin’izay tokony hinoanareo, satria efa tsara orina amin’ny finoana ianareo; fa miara-miasa aminareo izahay hampandroso ny hafalianareo.

2Korintiana 8:12

Fa raha misy ny risi-po hanome, dia ny manome araka izay ananana ihany no ankasitrahin’Andriamanitra, fa tsy hoe ny manome araka izay tsy ananana.

2Korintiana 9:5

Noheveriko àry fa tena ilaina ny niangaviako ireto rahalahy ireto handeha hialoha ho any aminareo mba hampanomana rahateo ny fanomezana be nampanantenainareo teo aloha; dia ho vonona izany, ka ho fanomezana be tokoa fa tsy ho fanomezana mahihitra.

2Korintiana 9:7

Aoka samy hanome araka izay nokasain’ny fony avy, tsy amin’alahelo na an-terivozona, satria ny mpanome an-kafaliana no tian’Andriamanitra.