Filemona 1:1 - DIEM PROTESTANTA

¹ Avy amiko Paoly ity taratasy ity, dia izaho voafonja noho ny amin’i Kristy Jesoa. Mamangy anao aho, ry Filemôna, ary mamangy anao i Timôty havantsika, dia ianao izay malalanay sy mpiara-miasa aminay.

Baiboly Protestanta Malagasy 2011

¹ I Paoly, mpifatotra noho ny amin’i Kristy Jesosy, sy i Timoty rahalahy, no mamangy an’i Filemona, ilay malalanay sy mpiara-miasa aminay,

Dikateny Iombonana Eto Madagasikara

¹ Avy amiko Paoly ity taratasy ity, dia izaho voafonja noho ny amin’i Kristy Jesoa. Mamangy anao aho, ry Filemôna, ary mamangy anao i Timôty havantsika, dia ianao izay malalanay sy mpiara-miasa aminay.

Baiboly Katolika

¹ I Paoly mpifatotra noho ny amin’i Kristy Jesoa sy i Timote namana iray finoana, mamangy an’i Filemôna malala sady mpiara-miasa aminay,

Baiboly Protestanta Malagasy

¹ PAOLY, mpifatotra an’i Kristy Jesosy, ary Timoty rahalahy, mamangy an’i Filemona, ilay malalanay sy mpiara-miasa aminay,

Malagasy Bible

¹ Paoly, mpifatotra an'i Kristy Jesosy, ary Timoty rahalahy, mamangy an'i Filemona, izay malalanay sy mpiara-miasa aminay,

La Bible en Malgache

¹ I Paoly, mpifatotra noho ny amin’i Kristy* Jesosy, sy i Timoty rahalahy, no mamangy an’i Filemona, ilay malalanay sy mpiara-miasa aminay,

Filemona 1:1 Rohy Ifampitohizana

Asan’ny Apostoly 16:1

Tonga tany Derba i Paoly, ary avy eo dia tany Listra. Nisy mpino anankiray natao hoe Timôty tao Listra, Jiosy niova ho kristianina ny reniny fa ny rainy kosa Grika.

1Korintiana 3:9

Fa izahay dia mpiara-miasa amin’Andriamanitra ary ianareo no sahan’Andriamanitra. Trano aorin’Andriamanitra koa ianareo.

2Korintiana 1:1

Avy amiko Paoly ity taratasy ity, dia izaho apôstôlin’i Kristy Jesoa noho ny sitrapon’Andriamanitra. Mamangy anareo isan’ny Fiangonan’Andriamanitra atỳ Kôrinto mbaminareo vahoakan’Andriamanitra rehetra manerana an’i Akaîa aho. Mamangy anareo koa i Timôty havantsika.

Galatiana 3:26

Noho ny finoana manko dia zanak’Andriamanitra avokoa ianareo, satria tafaray amin’i Kristy Jesoa.

Efesiana 3:1

Noho izany izaho Paoly, izay migadra noho ny amin’i Kristy Jesoa hanasoavana anareo hafa firenena, dia mangataka amin’Andriamanitra ho anareo.

Efesiana 4:1

Koa mangataka aminareo aho, dia izaho izay migadra noho ny amin’ny Tompo: manàna fitondrantena mendrika ny fiantsoan’Andriamanitra anareo.

Efesiana 6:20

Iraka mitondra izany Vaovao Mahafaly izany aho, na dia migadra aza ankehitriny; koa mivavaha ho ahy mba hilazako izany amim-pahasahiana, araka ny tokony hoteneniko.

Filipiana 1:1

Avy amiko Paoly ity taratasy ity. Mamangy anareo vahoakan’Andriamanitra rehetra atỳ Filipy aho, dia ianareo efa tafaray amin’i Kristy Jesoa ary ao anatin’izany ireo mpitondra Fiangonana sy diakônina. Mamangy anareo koa i Timôty. Samy mpanompon’i Kristy Jesoa izahay.

Filipiana 2:25

Nefa nihevitra aho fa tokony halefako atỳ aminareo i Epafrôdito havantsika, izay mpiara-miasa sy mpiara-miady amiko, sady iraka nampitondrainareo ny fanampiana izay nilaiko.

Filipiana 4:3

Ary ianao koa, ry ilay mpiara-miasa akaiky tamiko, mangataka anao aho mba hanampy azy roa vavy, fa niara-nikatroka nanao izay hielezan’ny Vaovao Mahafaly izahay mbamin’i Klemanta koa sy ny hafa rehetra mpiara-miasa amiko izay samy voasoratra anarana ao amin’ilay horonamboky mirakitra ny lisitr’ireo hanana ny fiaina-maharitra mandrakizay.

Kolosiana 1:1

Avy amiko Paoly ity taratasy ity, dia izaho apôstôlin’i Kristy Jesoa noho ny sitrapon’Andriamanitra. Mamangy anareo atỳ Kôlôsy aho, dia ianareo vahoakan’Andriamanitra sady havana mpino tafaray amin’i Kristy. Mamangy anareo koa i Timôty havantsika.

Kolosiana 4:11

Manao veloma anareo koa i Jesoa, ilay atao hoe Josta. Izy telo lahy ireo no Jiosy tonga kristianina izay miara-miasa amiko hampandroso ny Fanjakàn’Andriamanitra, ka nanjary fampaherezana ho ahy tokoa.

1Tesaloniana 3:2

ka nalefanay nankatỳ aminareo i Timôty rahalahinay ara-pinoana sady mpiara-miasa aminay ho an’Andriamanitra amin’ny fitoriana ny Vaovao Mahafaly momba an’i Kristy. Nalefanay i Timôty hampiorina sy hampahery anareo amin’ny finoanareo,

2Tesaloniana 1:1

Avy amiko Paoly ity taratasy ity. Mamangy anareo isan’ny Fiangonana atỳ Tesalônika, izay tafaray amin’Andriamanitra Raintsika sy i Jesoa Kristy Tompo, aho. Mamangy anareo koa i Silasy sy i Timôty.

2Timoty 1:8

Koa aza menatra ny ho vavolombelon’ny Tompontsika; aza menatra ny amiko ihany koa, dia izaho voafonja noho ny aminy. Fa aoka hiaretanao fijaliana miaraka amiko ny Vaovao Mahafaly, araka ny hery omen’Andriamanitra anao.

Filemona 1:23

Manao veloma anao i Epafrà, izay miara-voafonja amiko noho izy tafaray amin’i Kristy Jesoa;

Filemona 1:24

manao veloma anao koa i Marka, i Aristarka, i Demasy, ary i Lioka izay samy mpiara-miasa amiko.

Filemona 1:9

dia aleoko manao fiangaviana aminao noho ny fifankatiavantsika. Eny, izaho Paoly dia efa antitra sady voafonja noho ny amin’i Kristy Jesoa ankehitriny;