Ezra 9:5 - DIEM PROTESTANTA

⁵ Tamin’ny fotoana fanolorana ny sorona hariva indrindra vao nody ny aiko, ka tafarina aho; dia mbola amin’ireto lambako sy akanjoko triatra ireto aho no nandohalika sy nanandra-tanana ho amin’ny TOMPO Andriamanitro

Baiboly Protestanta Malagasy 2011

⁵ Nony tamin’ny fotoanan’ny fanatitra hariva dia nody ny aiko ka nitsangana aho sady nandriatra ny lambako sy ny akanjoko indray, avy eo dia nandohalika nanandratra ny tanako ho amin’NY TOMPO Andriamanitro aho

Dikateny Iombonana Eto Madagasikara

⁵ Tamin’ny fotoana fanolorana ny sorona hariva indrindra vao nody ny aiko, ka tafarina aho; dia mbola amin’ireto lambako sy akanjoko triatra ireto aho no nandohalika sy nanandra-tanana ho amin’ny TOMPO Andriamanitro

Baiboly Katolika

⁵ Efa mby amin’ny fotoan’ny fanatitra hariva aho, vao tafarina tamin’ny fahoriako, amin’ireto akanjoko sy kapaotiko rovitra, dia rafitra nandohalika sy nanandratra ny tanako nankany amin’i Iaveh Andriamanitro, nanao hoe:

Baiboly Protestanta Malagasy

⁵ Ary nony tamin’ny fotoan’ny fanatitra hariva dia nody ny aiko, ka nitsangana aho, sady nandriatra ny lambako sy ny akanjoko indray, dia nandohalika nanandratra ny tànako ho amin’i Jehovah Andriamanitro aho

Malagasy Bible

⁵ Ary nony tamin'ny fotoan'ny fanatitra hariva dia nody ny aiko, ka nitsangana aho, sady nandriatra ny lambako sy ny akanjoko indray, dia nandohalika nanandratra ny tanako ho amin'i Jehovah Andriamanitro aho

La Bible en Malgache

⁵ Nony tamin’ny fotoanan’ny fanatitra hariva dia nody ny aiko ka nitsangana aho sady nandriatra ny lambako sy ny akanjoko indray, avy eo dia nandohalika nanandratra ny tanako ho amin’NY TOMPO Andriamanitro aho

Ezra 9:5 Rohy Ifampitohizana

1Mpanjaka 8:22

Dia nitsangana teo anoloan’ny alitaran’ny TOMPO sady nanatrika ny Israelita rehetra tafangona i Salômôna, ka nanandra-tanana nanandrify ny lanitra

1Mpanjaka 8:38

Rehefa ny olona tsirairay na ny Israelita vahoakanao no samy mahatsapa ny fahoriam-pony, ka manandra-tanana mitodika amin’ity trano ity ary manao vavaka amam-pifonana isan-karazany,

1Mpanjaka 8:54

Raha vao vitan’i Salômôna izany vavaka sy fifonana manontolo nataony tamin’ny TOMPO izany, dia nitsangana avy teo am-pandohalehana nanoloana ny alitaran’ny TOMPO izy sady nanainga tanana nanandrify ny lanitra.

2Tantara 6:13

Efa nanao lampihalimo rahateo i Salômôna, dia lampihalimo izay napetrany teo afovoan’ny kianja: efamira izy io ka mirefy roa metatra sy sasany avy ny lafiny ary iray metatra sy sasany ny haavony. Dia niakatra teo ambonin’io lampihalimo io i Salômôna, ary nandohalika teo anatrehan’ny Israelita rehetra tafangona izy no nanandra-tanana manandrify ny lanitra

Nehemia 1:4

Rehefa nandre izany vaovao izany aho, dia nipetraka nitomany sy niferinaina andro maromaro sady nifady hanina sy nivavaka teo anatrehan’Andriamanitry ny lanitra

Salamo 141:2

Ny fivavahako anie hisandratra eo anoloanao toy ny eton’ny vovo-javamanitra! Ny fanandratako tanana anie ho toy ny fanatitra hariva!

Salamo 143:6

Mivavaka manandra-tanana aminao aho; ny fanahiko eo anatrehanao dia tahaka ny tany mangentana. Fiatoana

Salamo 95:6

Midira, aoka isika hiankohoka sy hitsaoka, handohalika eo anatrehan’ny TOMPO Mpanao antsika!

Eksodosy 9:29

Dia namaly azy i Mosesy hoe: –Raha vao mivoaka ny tanàna aho, dia hanandra-tanana amin’ny TOMPO hivavaka. Hitsahatra ny kotroka ary tsy hisy intsony ny havandra, mba hahafantaranao fa an’ny TOMPO ny tany.

Eksodosy 9:33

Dia niala teo anatrehan’ny Farao i Mosesy ary nivoaka ny tanàna. Nanandra-tanana tamin’ny TOMPO izy ka nivavaka dia nitsahatra ny kotroka sy ny havandra, ary tsy nilatsaka intsony ny orana.

Isaia 1:15

Raha manandra-tanana hivavaka ianareo dia hitampi-maso tsy hijery Aho. Na manao vavaka maro aza ianareo, dia tsy hihaino akory Aho, satria feno ra ny tananareo.

Daniela 10:2

«Tamin’izany andro izany, izaho Daniela dia nisaona nandritra ny telo herinandro.

Lioka 22:41

Ary nihataka tamin’ny mpianany tokony ho tra-toraka i Jesoa; dia nandohalika Izy ary nivavaka

Asan’ny Apostoly 21:5

Nony lany anefa izany herinandro izany, dia lasa nanohy ny dia izahay. Nanatitra anay hatrany ivelan’ny tanàna izy rehetra ombàm-bady aman-janaka; dia niara-nandohalika teo amin’ny torapasika izahay ka nivavaka.

Efesiana 3:14

Noho izany no andohalehako eo anatrehan’Andriamanitra Ray,