Ezra 6:8 - DIEM PROTESTANTA

⁸ Izao no didy avoakako ho anareo any amin’izay tokony hataonareo amin’ireo loholona jiosy hanorenany indray izany trano izany: aoka ny haren’ny amperôra, dia ny hetra avy amin’ny faritra andrefan’ny ony no handoavana izay lany marina ho an’ireo lehilahy ireo mba tsy hiatoatoan’ny asa.

Baiboly Protestanta Malagasy 2011

⁸ Ary mamoaka didy ny amin’ny hataonareo amin’ny loholon’ireo Jiosy ireo hanaovany izany tranon’Andriamanitra izany aho: Aoka ny harenan’ny mpanjaka, izany hoe ny hetra avy amin’ny any andafin’ny ony Eofrata, no handoavana izay lany marina ho an’ireo lehilahy ireo mba tsy ho azon-tsampona izy.

Dikateny Iombonana Eto Madagasikara

⁸ Izao no didy avoakako ho anareo any amin’izay tokony hataonareo amin’ireo loholona jiosy hanorenany indray izany trano izany: aoka ny haren’ny amperôra, dia ny hetra avy amin’ny faritra andrefan’ny ony no handoavana izay lany marina ho an’ireo lehilahy ireo mba tsy hiatoatoan’ny asa.

Baiboly Katolika

⁸ Ary izao no didy omeko anareo ny amin’izay tokony hataonareo amin’ireo loholon’ny Jody, hanorenana indray io tranon’Andriamanitra io: ny haren’ny mpanjaka, ny hetra aloan’ny any an-dafin’ny ony, no handoavana izay lany marina amin’ireo olona ireo, mba tsy hiatoato izy.

Baiboly Protestanta Malagasy

⁸ Ary izaho manao didy ny amin’ny hataonareo amin’ny loholon’ireo Jiosy ireo hanaovany izany tranon’Andriamanitra izany: aoka ny haren’ny mpanjaka, dia ny hetra avy amin’ny any an-dafin’ny ony, no handoavana marina izay lany ho an’ireo lehilahy ireo, mba tsy ho azon-tsampona izy.

Malagasy Bible

⁸ Ary izaho manao didy ny amin'ny hataonareo amin'ny loholon'ireo Jiosy ireo hanaovany izany tranon'Andriamanitra izany: aoka ny haren'ny mpanjaka, dia ny hetra avy amin'ny any an-dafin'ny ony, no handoavana marina izay lany ho an'ireo lehilahy ireo, mba tsy ho azon-tsampona izy.

La Bible en Malgache

⁸ Ary mamoaka didy ny amin’ny hataonareo amin’ny loholon’ireo Jiosy ireo hanaovany izany tranon’Andriamanitra izany aho: Aoka ny harenan’ny mpanjaka, izany hoe ny hetra avy amin’ny any andafin’ny ony Eofrata, no handoavana izay lany marina ho an’ireo lehilahy ireo mba tsy ho azon-tsampona izy.

Ezra 6:8 Rohy Ifampitohizana

Ezra 4:16

Ary ampahafantarinay anao, ry Andriamanjaka, fa raha voaorina indray io tanàna io ka tafatsangana ny mandany, dia tsy hanana faritany atỳ andafy andrefan’ny ony Eofrata intsony ianao».

Ezra 4:23

Vao voavaky teo anatrehan’i Rehoma sy i Simsay ary ny namany kosa ilay taratasin’ny amperôra Artakserksesa, dia niakatra faingana ho any amin’ny Jiosy tany Jerosalema ry zareo ka nampitsahatra azy an-keriny sy an-ditra.

Ezra 5:5

Saingy nitsinjo an’ireto loholona jiosy hatrany Ilay Andriamaniny; ka tsy nahasakana azy hanohy ny asa ry i Tatenay sy ny namany, mandra-pahatongan’ny tatitra tany amin’i Dariôsa sy nahazoana taratasy ôfisialy momba izany toe-javatra izany.

Ezra 6:14

Dia nanohy ny taotrano ireo loholona jiosy ka nambinina, araka ny hafatra nentin’ny mpaminany Hagay sy ny mpaminany Zakarià zanakalahin’i Hidao. Nanorina ka nahavita ny tempoly ry zareo, araka ny didin’Ilay Andriamanitr’i Israely sy araka ny baikon-dry i Kirôsa sy i Dariôsa ary i Artakserksesa, amperôran’i Persia.

Ezra 6:4

vato vaventy telo andalana sy hazo matevina iray andalana no hampifandimbiasina amin’izany. Aoka haloa avy amin’ny tranon’ny amperôra izay lany.

Ezra 6:7

ka avelao hotohizana ny fanaovana io tranon’Andriamanitra io; aoka ilay governoran’ny Jiosy sy ireo loholony hanorina indray io trano io amin’izay toerany taloha.

Ezra 6:9

Ny zavatra ilain’ny mpisorona ao Jerosalema dia omena azy isan’andro isan’andro tsy tapaka: na ny ombilahy sy ondrilahy ary zanakondry hanaovana sorona dorana manontolo ho an’Ilay Andriamanitry ny lanitra, na koa ny varimbazaha sy sira na divay sy menaka, samy araka ny fandaharana ataon’ireo mpisorona.

Ezra 7:14

Fa izaho sy izy fito lahy mpanolotsaiko dia maniraka anao any Jerosalema sy any Joda mba handinika raha mifanaraka amin’ilay lalànan’Andriamanitrao izay any an-tananao ny toetran’ny Jiosy.

Nehemia 11:23

Fa nisy didin’ny mpanjaka ny amin’ireo mpihira ireo, dia ny handraiketana izay anjara asa hataony isan’andro.

Nehemia 2:8

Aoka hisy taratasy homena ahy koa ho an’i Asafa mpiandraikitra ny alam-panjakana mba hanomezany hazo ahy hatao amin’ny varavaran’ny trano fiarovana manolotra ny tempoly sy amin’ny mandan’ny tanàna ary amin’ny trano hitoerako. Dia nomen’ny amperôra ahy ireo taratasy ireo, araka ny fiarovana nanambinan’Andriamanitra ahy.

Daniela 6:26

Taorian’izany i Dariôsa mpanjaka dia nanoratra ho an’ny vahoaka avy amin’ny foko sy firenena ary samy hafa fiteny rehetra izay monina ambonin’ny tany tontolo hoe: –Hitombo anie ny fiadananareo!

Hagay 2:8

Ahy avokoa manko ny volamena sy volafotsy eran’izao tontolo izao; izany no teny hentitra avy amiko TOMPOn’izao rehetra izao.