Estera 7:9 - DIEM PROTESTANTA

⁹ Fa i Harbonà, anisan’ireo tandapa, dia nilaza tamin’ny amperôra hoe: –Ry andriamanjaka, i Hamàna dia efa nampanamboatra hazo hanantonany an’i Môrdôkay, ilay nanao tatitra hanasoavana anao. Indro miorina eo akaikin’ny tranon’i Hamàna io hazo io, ka 25 metatra ny haavony. Dia hoy ny amperôra hoe: –Ahantony amin’io i Hamàna!

Baiboly Protestanta Malagasy 2011

⁹ Ary i Harbona, iray tamin’ireo ionòka izay teo anatrehan’ny mpanjaka dia nilaza hoe: Indro, mijoro eo akaikin’ny tranon’i Hamana rahateo ny hazo; io ilay hazo natsangany mba hanantonany an’i Mordekay, ilay niteny soa ho an’ny mpanjaka; dimampolo hakiho ny haavony. Dia hoy ny mpanjaka: Ahantòny amin’io izy.

Dikateny Iombonana Eto Madagasikara

⁹ Fa i Harbonà, anisan’ireo tandapa, dia nilaza tamin’ny amperôra hoe: –Ry andriamanjaka, i Hamàna dia efa nampanamboatra hazo hanantonany an’i Môrdôkay, ilay nanao tatitra hanasoavana anao. Indro miorina eo akaikin’ny tranon’i Hamàna io hazo io, ka 25 metatra ny haavony. Dia hoy ny amperôra hoe: –Ahantony amin’io i Hamàna!

Baiboly Protestanta Malagasy

⁹ Ary Harbona, tsindranolahy anankiray, izay teo anatrehan’ny mpanjaka, dia nilaza hoe: Indro miorina eo akaikin’ny tranon’i Hamana ny hazo, dimam-polo hakiho ny hahavony, izay nataon’i Hamana hanantonany an’i Mordekay, ilay niteny soa ho an’ny mpanjaka. Dia hoy ny mpanjaka: Ahantòny amin’io izy.

Malagasy Bible

⁹ Ary Harbona, tsindranolahy anankiray, izay teo anatrehan'ny mpanjaka, dia nilaza hoe Indro miorina eo akaikin'ny tranon'i Hamana ny hazo, dimam-polo hakiho ny hahavony, izay nataon'i Hamana hanantonany an'i Mordekay, ilay niteny soa ho an'ny mpanjaka. Dia hoy ny mpanjaka ahantòny amin'io izy.

La Bible en Malgache

⁹ Ary i Harbona, iray tamin’ireo ionòka* izay teo anatrehan’ny mpanjaka dia nilaza hoe: Indro, mijoro eo akaikin’ny tranon’i Hamana rahateo ny hazo; io ilay hazo natsangany mba hanantonany an’i Mordekay, ilay niteny soa ho an’ny mpanjaka; dimampolo hakiho* ny haavony. Dia hoy ny mpanjaka: Ahantòny amin’io izy.

Estera 7:9 Rohy Ifampitohizana

2Mpanjaka 9:32

Ary niandrandra ny varavarankely i Jehò sady nanontany hoe: –Iza no momba ahy? Iza? Ary nisy tandapa roa na telo nitsirika azy.

Estera 1:10

Tamin’ny andro fahafiton’izany fanasambe izany, dia falifaly i Kserksesa azon’ny divay nosotroiny. Koa nampiantsoiny ny tandapa fito lahy izay nanompo azy manokana, dia ry i Mehomàna sy i Bizetà, i Harbônà sy i Bigtà, i Abagtà sy i Zetara ary i Karkasa;

Estera 5:14

Dia hoy i Zeresa vadin’i Hamàna sy ireo sakaizany rehetra taminy: –Aoka ianao hampanamboatra hazo fanantonana ka ho 25 metatra ny haavony; ary raha maraina dia angataho amin’ny mpanjaka mba hahantona eo i Môrdôkay. Avy eo dia mandehana amin-kafaliana ianao miaraka amin’ny amperôra ho any amin’ny fanasana. Ary sitrak’i Hamàna izany hevitra izany ka dia nampanamboariny tokoa ilay hazo.

Estera 6:14

Mbola niresaka amin’i Hamàna eo ry zareo no tonga ireo tandapa nirahin’ny amperôra ka nitondra faingana an’i Hamàna ho any amin’ny fanasana izay efa nomanin’i Estera.

Estera 6:2

Ka hita voasoratra tao fa i Môrdôkay no nanambara ny amin’i Bigtana sy i Taresa, roa lahy anisan’ny tandapan’ny amperôra, dia ireo mpiambina teo am-baravaran’ny efitranony kanefa nitady hamono an’i Kserksesa.

Estera 8:7

Dia hoy ny amperôra Kserksesa tamin’i Estera mpanjakavavy sy tamin’i Môrdôkay ilay Jiosy: –Indro efa nahantona tamin’ny hazo i Hamàna satria naninji-tanana hamely ny Jiosy; sady ireo fananany koa, ry Estera, efa nomeko anao.

Estera 9:14

Nasain’ny amperôra natao izany ary navoaka tao Sosany ny didy; ka dia nahantona izy folo lahy zanak’i Hamàna.

Estera 9:25

Saingy nankeo anatrehan’i Kserksesa i Estera, ka namoaka didy an-tsoratra ny amperôra mba hafotitra amin’i Hamàna ihany ny hevi-dratsy nokasainy hampiharina amin’ny Jiosy ary mba hahantona amin’ny hazo ny tenany sy ny zanany lahy.

Salamo 141:10

Enga anie ireo olon-dratsy ireo no hiara-datsaka anaty haratony, fa izaho kosa ho afaka amin’izany!

Salamo 35:8

Ho voan’ny loza tsy ampoizina anie izy, ka ho tratry ny fandrika nataony ihany sy hianjera amin’ny longoa nohadîny!

Salamo 73:19

Oadray! Fongana indray mipi-maso izy, levona matin’ny horohoro tampoka.

Daniela 6:24

Tamin’izay dia faly tokoa ny mpanjaka, ka nasainy nakarina avy ao an-davaka i Daniela; rehefa tafakatra izy, dia tsy nahitana ratra akory satria natoky an’ilay Andriamaniny.

Daniela 6:7

Dia dodona nankany amin’ny mpanjaka ireo mpitantan-draharaha ambony sy solotenan’andriamanjaka, ary nanao taminy hoe: –Ho ela velona anie ianao, ry Dariôsa mpanjaka!

1Samoela 17:51

Dia nihazakazaka nankeny amin’i Gôliata i Davida ka nanatsoaka ny sabatr’i ilay rapeto tamin’ny tranony ary nanapaka ny lohany. Koa rehefa hitan’ny Filistinina fa maty ilay maherifony, dia nitsoaka nandositra izy ireo.