Estera 3:1 - DIEM PROTESTANTA

¹ Tatỳ aorian’izany, dia nomen’ny amperôra Kserksesa laharana ambony i Hamàna zanakalahin’i Hamedatà sady taranak’i Agaga, ka nasandrany hipetraka eo amin’ny toerana maha praiminisitra.

Baiboly Protestanta Malagasy 2011

¹ Rehefa afaka izany zavatra izany dia nasandratr’i Ahasoerosy mpanjaka i Hamana, zanak’i Hamedota agagita, ka nomeny voninahitra, ary ny toerany dia nataony ambony noho ny an’ny mpitarika hafa niaraka taminy.

Dikateny Iombonana Eto Madagasikara

¹ Tatỳ aorian’izany, dia nomen’ny amperôra Kserksesa laharana ambony i Hamàna zanakalahin’i Hamedatà sady taranak’i Agaga, ka nasandrany hipetraka eo amin’ny toerana maha praiminisitra.

Baiboly Protestanta Malagasy

¹ REHEFA afaka izany zavatra izany, dia nasandratr’i Ahasoerosy mpanjaka Hamana, zanak’i Hamedota Agagita, ka nomeny voninahitra, ary ny sezany nataony teo alohan’ny an’ny mpanapaka rehetra izay teo aminy.

Malagasy Bible

¹ Rehefa afaka izany zavatra izany, dia nasandratr'i Ahasoerosy mpanjaka Hamana, zanak'i Hamedota Agagita, ka nomeny voninahitra, ary ny sezany nataony teo alohan'ny an'ny mpanapaka rehetra izay teo aminy.

La Bible en Malgache

¹ Rehefa afaka izany zavatra izany dia nasandratr’i Ahasoerosy mpanjaka i Hamana, zanak’i Hamedota agagita, ka nomeny voninahitra, ary ny toerany dia nataony ambony noho ny an’ny mpitarika hafa niaraka taminy.

Estera 3:1 Rohy Ifampitohizana

Genesisy 41:40

Koa ianao no hitantana ny fanjakako, ary ny vahoakako rehetra dia hankato ny baikonao, ka ny maha mpanjaka ahy ihany no maha ambony ahy noho ianao.

Genesisy 41:55

Nony nanomboka mosarena ny tany Ejipta manontolo, dia nitaraina sakafo tany amin’ny Farao ny vahoaka; ka hoy ny Farao tamin’ny Ejiptianina rehetra: «Mankanesa any amin’i Jôsefa, ka ataovy izay holazainy aminareo.»

Ezra 7:14

Fa izaho sy izy fito lahy mpanolotsaiko dia maniraka anao any Jerosalema sy any Joda mba handinika raha mifanaraka amin’ilay lalànan’Andriamanitrao izay any an-tananao ny toetran’ny Jiosy.

Estera 1:14

Ny olon-kendry teo akaikin’ny amperôra indrindra dia ry i Karsenà sy i Setara, i Admatà sy i Tarsisy, i Meresa sy i Marsenà ary Memokàna, izay minisitra fito tamin’i Persia sy i Media; nitokiany ry zareo ka nitana toerana voalohany teo amin’ny fanjakana.

Estera 3:10

Dia nesorin’ny amperôra teny an-tanany ny peratra tombokase ka nomeny an’ilay fahavalon’ny Jiosy, dia i Hamàna zanakalahin’i Hamedatà sady taranak’i Agaga;

Estera 5:11

Ary nambaran’i Hamàna tamin’ireo ny hareny miavosa sy ny zanany maro mbamin’ny voninahitra rehetra nomen’ny amperôra azy ka nanandratany azy ho ambonin’ireo andriambaventy sy mpandraharaha.

Estera 7:6

Ka novalian’i Estera hoe: –Io Hamàna ratsy fanahy io no fahavalonay sy mpankahala anay! Dia raiki-tahotra teo anatrehan’ny amperôra sy ny mpanjakavavy i Hamàna.

Estera 8:3

Dia niteny teo anatrehan’ny amperôra indray i Estera sady niankohoka teo an-tongony ka nitomany sy nifona taminy mba hanafoana ny loza notetehin’i Hamàna taranak’i Agaga hamelezana ny Jiosy.

Salamo 12:8

TOMPO ô, mitana ny teninao Ianao ka hiambina anay mandrakariva tsy ho azon’ny karazan’olona toy izany,

Ohabolana 29:2

Rehefa ny olo-marina no mitondra, dia faly ny vahoaka; fa rehefa ny olon-dratsy no mifehy, dia misento ny vahoaka.

Mpitoriteny 10:6

Misy indraindray olona adala mitana toerana ambony, ary misy olo-manankaja voatazona amin’ny toerana ambany.

Daniela 6:2

Sitrak’i Dariôsa ny hanendry solotenan’andriamanjaka 120 izay hanapaka manerana ny fanjakana.

Nomery 24:7

mitobaka toy ny rano avy amin’ny fanovozana ka manondraka tsara ny saha voafafy. Mahery noho i Agaga ny mpanjaka israelita ka hihamatanjaka hatrany ny fanjakany.

1Samoela 15:33

Nefa hoy i Samoela taminy: –Ny sabatrao no tsy nananan’ny vehivavy maro ny zanany. Dia notetehin’i Samoela tamin’ny sabatra teo anatrehan’ny TOMPO tao Gilgala i Agaga.

1Samoela 15:8

Nataony jinja fary tamin’ny sabatra ny vahoaka rehetra, afa-tsy i Agaga mpanjakany izay natao sambobelona.