Eksodosy 7:17 - DIEM PROTESTANTA

¹⁷ Noho izany, dia lazain’ny TOMPO fa hahafantatra ny maha IZY AZY ianao amin’ity indray mandeha ity. Hokapohiko amin’ity tehina eto an-tanako ity manko ny ranon’i Neily, dia hiova ho ra.

Baiboly Protestanta Malagasy 2011

¹⁷ Koa izao no lazain’NY TOMPO: Izao no hahafantaranao fa Izaho no TOMPO: Indro, ny tehiko etỳ an-tanako no hikapohako ny rano ao Neily ka ho tonga ra izany.

Dikateny Iombonana Eto Madagasikara

¹⁷ Noho izany, dia lazain’ny TOMPO fa hahafantatra ny maha IZY AZY ianao amin’ity indray mandeha ity. Hokapohiko amin’ity tehina eto an-tanako ity manko ny ranon’i Neily, dia hiova ho ra.

Baiboly Katolika

¹⁷ Ka izao no lazain’i Iaveh: Izao no hahafantaranao fa Izaho no Iaveh: hotapahiko amin’ity tehina an-tanako ity ny rano eo amin’ny ony, dia ho voaova ho ra;

Baiboly Protestanta Malagasy

¹⁷ Koa izao no lazain’i Jehovah: Izao no hahafantaranao fa Izaho no Jehovah: indro, ny tehiko etỳ an-tànako no hikapohako ny rano ao Neily, ka ho tonga ra izy.

Malagasy Bible

¹⁷ Koa izao no lazain'i Jehovah: Izao no hahafantaranao fa Izaho no Jehovah: indro, ny tehiko etỳ an-tanako no hikapohako ny rano ao Neily, ka ho tonga rà izy.

La Bible en Malgache

¹⁷ Koa izao no lazain’NY TOMPO: Izao no hahafantaranao fa Izaho no TOMPO: Indro, ny tehiko etỳ an-tanako no hikapohako ny rano ao Neily ka ho tonga ra izany.

Eksodosy 7:17 Rohy Ifampitohizana

1Mpanjaka 20:28

Dia nanatona ilay olon’Andriamanitra ka niteny tamin’ny mpanjakan’i Israely hoe: –Izao no lazain’ny TOMPO: «Satria nataon’ny Sirianina fa Andriamanitry ny tendrombohitra ihany ny TOMPO fa tsy mba Andriamanitry ny tany lemaka koa, dia hatolotro eo an-tananao ireo miaramila marobe ireo, ka ho fantatrao fa Izaho no TOMPO.»

2Mpanjaka 19:19

Fa ankehitriny kosa ry TOMPO Andriamanitray ô, vonjeo tsy ho azon’ny tanan’i Saneheriba izahay mba hahafantaran’ny fanjakana rehetra etỳ an-tany fa Ianao irery ihany, TOMPO ô, no Andriamanitra.»

Salamo 105:29

Novany ho ra ny oniny ka maty avokoa ny trondrony;

Salamo 78:44

novany ho ra ny rano teny an-dakandrano ka tsy azon’ny Ejiptianina nosotroina intsony;

Salamo 83:18

Aoka ho menatra sy ho raiki-tahotra izy hatrany amin’ny mandrakizay ka hangaihay sy ho ringana!

Salamo 9:16

Ny lavaka izay nohadîny ihany no nianjeran’ireo hafa firenena; ny fandrika harato nafeniny ihany no nahavoasingotra ny tongony.

Eksodosy 1:22

Fa ny Farao kosa dia nandidy ny vahoakany rehetra ka nanao hoe: –Atsipazo ao amin’ny ony Neily ny zazalahy hebreo rehetra raha vao teraka, fa ny zazavavy kosa avelao ho velona.

Eksodosy 10:2

Ary mba hahazoanao mitantara amin’ny zanaka aman-jafinao ny nampijaliako ny Ejiptianina ka nanatanterahako ireo zava-mahagaga tao amin’ny taniny. Ho fantatrareo amin’izay fa Izaho no TOMPO.

Eksodosy 4:9

Ary raha mbola tsy mino anao izy ka tsy mihaino anao amin’ireo famantarana roa ireo, dia makà rano avy ao Neily ka aidino amin’ny tany maina, fa ho tonga ra eo amin’ny tany io rano io.

Eksodosy 5:2

Dia hoy ny Farao: –Iza moa ny TOMPO no hoekeko, ka handefasako ny Israelita handeha? Tsy fantatro IZY, koa tsy halefako handeha ianareo!

Eksodosy 6:7

Halaiko ho vahoakako ianareo, ary Izaho ho Andriamanitrareo; dia ho fantatrareo fa Izaho TOMPO Andriamanitrareo no namoaka anareo hiala amin’ny asa an-terivozona nampanaovin’ny Ejiptianina.

Eksodosy 7:20

Dia notanterahin’i Mosesy sy i Aharôna izay nandidian’ny TOMPO azy; ary teo imason’ny Farao sy ny tandapany no nanaingan’i Aharôna ny tehiny ka nikapohany ny ranon’i Neily, dia niova ho ra ny rano rehetra tao amin’ny ony.

Eksodosy 7:5

Ho fantatry ny Ejiptianina amin’izay fa Izaho no TOMPO, rehefa haninji-tanana hamely azy Aho ka hamoaka ny Israelita hiala eo anivony.

Ezekiela 25:17

Famaizana mangotraka no famaliana mahatsiravina hamelezako azy; ka rehefa hampihariko aminy tokoa izany, dia hoekeny fa Izaho no TOMPO.»

Ezekiela 29:9

Ho tany rava sy lao i Ejipta; amin’izay dia hoekena fa Izaho no TOMPO. «Nolazainao fa anao i Neily ary ianao no namorona azy.

Ezekiela 30:19

Hampihariko ny didim-pitsarako hamelezana an’i Ejipta, ka hoekena amin’izay fa Izaho no TOMPO.»

Ezekiela 30:8

Ary rehefa hodorako amin’ny afo i Ejipta sady haringako ireo rehetra mpiaro azy, dia hoekena amin’izay fa Izaho no TOMPO.

Ezekiela 32:15

Hovàko ho tany ngazana i Ejipta, ka ny zavatra nameno azy dia hofongorako tsy hisy intsony ary haringako ny mponina rehetra ao aminy. Amin’izay dia hoekena fa Izaho no TOMPO.›

Ezekiela 32:6

Hampisotroiko ny ranao ny tany, ka ho rakotra azy ny tendrombohitra ary ho feno azy ny lalan-driaka.

Ezekiela 38:23

Toy izany no hanehoako eo imason’ny firenen-kafa marobe fa Izaho dia Andriamanitra lehibe sady masina; amin’izay dia hoeken’ireo fa Izaho no TOMPO.

Ezekiela 39:28

Amin’izay dia hoekeny fa Izaho no TOMPO Andriamaniny, rehefa hangoniko ho eo amin’ny taniny izy, ka tsy hisy havelako any amin’ireo firenena izay nanaovako sesitany azy na iray aza.

Daniela 4:17

Nahita hazo iray lehibe sy matanjaka ianao, ka ny haavony nahatakatra ny lanitra; ary tazana hatrany amin’ny tany tontolo izy.

Daniela 4:32

Ny mponina rehetra etỳ an-tany dia tsinontsinona ihany eo anoloany; araka izay sitrapony no ataony amin’ny anjely any an-danitra sy amin’ny mponina etỳ an-tany; tsy misy afaka manohitra ny fahefàny na manome tsiny azy amin’izay ataony.

Daniela 5:21

Noroahina hiala teo amin’ny olombelona izy, nanam-pironana tahaka ny an’ny biby, niara-nonina tamin’ny borikidia ary nihinana ahitra toy ny omby; sady kotsan’ny ando ny tenany, ambara-piekeny fa Andriamanitra Avo Indrindra no manapaka amin’ny fanjakan’ny olombelona ary manendry izay tiany hanjaka aminy.

Daniela 5:23

Fa nihantsy ny Tompon’ny lanitra ianao, raha nampaka ny tsatokaty voababo tao an-tempoliny ho eo anatrehanao; ka ny tenanao sy ny olo-manan-kajanao ary ireo vadinao mbamin’ny vaditsindranonao no nisotro divay taminy. Nankalazainao ireo andriamanitra volafotsy sy volamena, halimo sy vy ary vato aman-kazo izay tsy mahita na mandre na mahalala akory, fa ilay Andriamanitra Izay mihazona ny ainao sy miahy ny lalanao rehetra kosa tsy mba nomenao voninahitra.

Apokalipsy 11:6

Ireo no manam-pahefana hanidy ny lanitra, mba tsy hilatsahan’ny ranonorana mandritra ny andro hampitany ny hafatr’Andriamanitra; sady manam-pahefana amin’ny rano, ka mahova azy ho ra; ary manam-pahefana hamely ny tany amin’ny loza rehetra isaky ny te hanao izany.

Apokalipsy 8:8

Nitsoka trompetra ilay anjely faharoa, dia nisy toa tendrombohitra lehibe mirehitra afo nazera tany anaty ranomasina ka nanjary mena toy ny ra ny ampahatelon’ny ranomasina;