Eksodosy 32:8 - DIEM PROTESTANTA

⁸ Nalaky nivily hiala tamin’ny lalana izay nasaiko nalehany izy, fa nanamboatra sarivongana ombilahikely ho azy, sady niankohoka taminy ary nanao sorona ho azy. Nilaza aza izy hoe: «Ity no andriamanitsika izay namoaka antsika hiala tany Ejipta!»

Baiboly Protestanta Malagasy 2011

⁸ Nalaky nivily niala tamin’ny lalana izay nasaiko nalehany izy ka efa nandrendrika ombilahy kely ho azy; ary efa niankohoka teo anatrehany sy namono zavatra hatao fanatitra taminy izy ka niteny hoe: Io no andriamanitrao, ry Israely, izay nitondra anao niakatra avy tany amin’ny tany Ejipta.

Dikateny Iombonana Eto Madagasikara

⁸ Nalaky nivily hiala tamin’ny lalana izay nasaiko nalehany izy, fa nanamboatra sarivongana ombilahikely ho azy, sady niankohoka taminy ary nanao sorona ho azy. Nilaza aza izy hoe: «Ity no andriamanitsika izay namoaka antsika hiala tany Ejipta!»

Baiboly Katolika

⁸ Nalaky nivily niala tamin’ny lalana nasaiko hombàny; nanao zanak’omby anidina ho azy izy ireo, dia niankohoka teo anoloan’io sy nanolotra sorona taminy, ary nanao hoe: ‹Ry Israely, io no andriamanitrao, izay nitondra anao niakatra avy any amin’ny tany Ejipta.› »

Baiboly Protestanta Malagasy

⁸ Nalaky nivily niala amin’ny làlana izay nasaiko nalehany izy ka efa nanao ombilahy kely an-idina ho azy; ary efa niankohoka teo anatrehany sy namono zavatra hatao fanatitra taminy izy ka nanao hoe: Io no andriamanitrao, ry Isiraely, izay nitondra anao niakatra avy tany amin’ny tany Egypta.

Malagasy Bible

⁸ Nalaky nivily niala tamin'ny lalàna izay nasaiko nalehany izy ka efa nanao ombilahy kely anidina ho azy; ary efa niankohoka teo anatrehany sy namono zavatra hatao fanatitra taminy izy ka nanao hoe: Io no andriamanitrao, ry Isiraely, izay nitondra anao niakatra avy tany amin'ny tany Egypta.

La Bible en Malgache

⁸ Nalaky nivily niala tamin’ny lalana izay nasaiko nalehany izy ka efa nandrendrika ombilahy kely ho azy; ary efa niankohoka teo anatrehany sy namono zavatra hatao fanatitra taminy izy ka niteny hoe: Io no andriamanitrao, ry Israely, izay nitondra anao niakatra avy tany amin’ny tany Ejipta.

Eksodosy 32:8 Rohy Ifampitohizana

1Mpanjaka 12:28

Dia nitady hevitra i Jerôbohama mpanjaka ka nanao ombilahikely volamena roa, ary nilaza tamin’ny vahoaka hoe: –Efa be izay niakaranareo matetika tany Jerosalema izay, ry Israely ô, koa indreo ny andriamanitrareo izay nitondra anareo niala tany Ejipta.

Nehemia 9:18

Tamin’ny nanaovany ombilahikely anidina sy nilazany hoe: «Io no andriamanitrao izay nitondra anao niakatra avy tany Ejipta!», dia notevatevainy tokoa Ianao;

Salamo 106:19

Dia nanamboatra ombilahikely tao Hôreba ny razanay, ka niankohoka teo amin’ny sarivongana varahina.

Salamo 78:36

Saingy nanao teny fitaka hilaza lainga tamin’ny Tompo ireo;

Eksodosy 20:23

Koa aza ataonareo ho toy ny andriamani-bolafotsy na volamena Aho, ary aza manamboatra ireny ho anareo.

Eksodosy 22:20

«Aza mampijaly na mitsentsitra ny vahiny izay mipetraka ao aminareo, satria efa mba vahiny tany Ejipta koa ny tenanareo.

Eksodosy 32:4

Noraisin’i Aharôna ireny ka nempoiny ary nararany tamin’ny lasitra, dia nanaovany sarivongana ombilahikely iray. Dia nihoraka ny Israelita hoe: –Ity no andriamanitsika izay namoaka antsika hiala tany Ejipta!

Eksodosy 34:15

Koa aza manao fanekempihavanana mihitsy amin’ny mponina amin’izany tany izany. Rehefa manao fanompoam-pivavahana sy manolotra sorona amin’ireo andriamaniny manko izy, dia hanasa anareo handray anjara, ka hihinana amin’ireo sorona fanaony koa ianareo.

Isaia 46:6

Misy olona mandanilany foana ny volany; mandanja volamena sy volafotsy amin’ny mizana izy, dia manarama olona mpanefy firavaka mba hamboatra ireny ho andriamanitra izay hivavahany sady hiankohofany tokoa.

Jeremia 31:32

Kanefa tsy hitovy amin’ilay fanekempihavanana nataoko tamin’ireo razany fony Aho nandray an-tanana hamoaka azy avy tany Ejipta izany. Fa nivadihan’ireo iny, kanefa Izaho no tompony; teny hentitra avy amiko TOMPO izany.

Levitikosy 17:7

Ny sorona fanaon’ny Israelita dia tsy hatolony intsony ho an’ny fanahy ratsy miendrika osilahy, izay nanaovany fanompoan-tsampy. Lalàna raikitra ho azy ireo hatrany hatrany izany.

Deoteronomia 32:17

ny nanolorany sorona dia lolo izay tsy andriamanitra akory sady andriamanitra tsy fantany, andriamani-baovao niseho tatỳ aoriana sady tsy nohajain’ny razany.

Deoteronomia 9:12

Tamin’izay dia hoy ny TOMPO tamiko: «Mialà teto ianao, ka ndeha midina faingana; fa nihasimba ilay vahoaka izay nafahanao avy tany Ejipta, nalaky nivily niala tamin’ny sori-dàlana efa nasaiko nizorany ka nanao sarin-tsampy ho azy tamin’ny metaly nempoina!»

Deoteronomia 9:16

Nijery aho ka indreo tokoa fa nanota tamin’ny TOMPO ianareo, satria nanao ombilahikely tamin’ny metaly nempoina mba ho sampinareo ary nalaky nivily niala tamin’ny sori-dàlana izay efa nasain’ny TOMPO nizoranareo.

Josoa 22:15

Dia tonga tany amin’ny taranak’i Reobena sy taranak’i Gada ary antsasa-pokon’i Manase tany Gilehada ireo iraka ireo ka niresaka taminy

Mpitsara 2:17

Kanefa ny Israelita tsy nankatò ihany koa ireo mpitsara azy, fa nandeha nanao fanompoan-tsampy tamin’ireo andriamani-tsiizy ka niankohoka teo anatrehany. Nalaky niala ny lalana izay nizoran’ireo razany tamin’ny fankatoavana ny didin’ny TOMPO izy, fa tsy mba nanahaka azy.

Mpitsara 8:24

Saingy hoy indray i Gidehôna taminy: –Izaho anefa te hangataka zavatra aminareo: aoka ianareo samy hanome ahy haba iray, nalaina tamin’ny babonareo avy! Ny Midianita manko dia nitondra haba volamena toy ny lehilahy rehetra monina any an-taniefitra.