Eksodosy 3:9 - DIEM PROTESTANTA

⁹ Ankehitriny dia efa tonga eto amiko ny fitarainan’ny Israelita, ary efa hitako koa ny fahoriana izay ampijalian’ny Ejiptianina azy.

Baiboly Protestanta Malagasy 2011

⁹ Ary ankehitriny, indro, ny fitarainan’ny Zanak’Israely dia tonga atỳ Amiko, sady hitako koa ny fampahoriana izay ampahorian’ny Ejiptiana azy.

Dikateny Iombonana Eto Madagasikara

⁹ Ankehitriny dia efa tonga eto amiko ny fitarainan’ny Israelita, ary efa hitako koa ny fahoriana izay ampijalian’ny Ejiptianina azy.

Baiboly Katolika

⁹ Ary ankehitriny dia indro fa tafasondrotra hatrany amiko ny fitarainan’ny zanak’i Israely, ary efa hitako ny fahoriany atambesatry ny Ejiptianina amin’izy ireo.

Baiboly Protestanta Malagasy

⁹ Ary ankehitriny, indro, ny fitarainan’ny Zanak’Isiraely dia efa mby atỳ amiko, sady efa hitako koa ny fahoriana izay ampahorian’ny Egyptiana azy.

Malagasy Bible

⁹ Ary ankehitriny, indro, ny fitarainan'ny Zanak'Isiraely dia efa mby atỳ amiko, sady efa hitako koa ny fahoriana izay ampahorian'ny Egyptiana azy.

La Bible en Malgache

⁹ Ary ankehitriny, indro, ny fitarainan’ny Zanak’Israely dia tonga atỳ Amiko, sady hitako koa ny fampahoriana izay ampahorian’ny Ejiptiana azy.

Eksodosy 3:9 Rohy Ifampitohizana

Genesisy 16:11

Indro efa bevohòka ianao, ka hiteraka zazalahy; ary ny anarany hataonao hoe Jismahela, satria nohenoin’ny TOMPO ny fitarainanao.

Genesisy 31:12

Ka hoy izy tamiko: «Jereo fa ny lahy rehetra izay mikambana amin’ny ondrivavy na osivavy, dia sadìka sy maramara ary sada avokoa, satria efa hitako izay rehetra nataon’i Labàna taminao.

2Mpanjaka 13:4

Nifona tamin’ny TOMPO anefa i Jôahaza, dia nihaino azy IZY satria hitany ny fampahorian’ny mpanjakan’i Siria an’i Israely;

2Mpanjaka 20:5

hiverina ka hilaza amin’i Hezekià filohan’ny vahoakan’Andriamanitra hoe: –Izao no lazain’ny TOMPO Andriamanitr’i Davida razambenao: Reko ny vavakao ary hitako ny ranomasonao. Koa hositraniko ianao, ary raha afakampitso ihany dia hiakatra ao an-tranoko ianao.

Nehemia 9:9

Hitanao ny fahorian’ny razanay tany Ejipta sady renao ny fitarainany teo amoron’ny Ranomasin’ny Volotara;

Salamo 12:5

dia ireo izay manambara hoe: «Ny filàzanay no handresenay lahatra; hainay ny miteny, ka tsisy atahoranay!»

Salamo 9:14

Iantrao aho, TOMPO ô, ka jereo ny fahoriako, noho ny afitsoky ny mpankahala ahy; Ianao no misintona ahy ho afaka amin’ny hasomparan’ny fahafatesana.

Eksodosy 1:11

Dia nanendry lehiben’ny asa fanompoana ny Ejiptianina mba hampikoy ny Israelita amin’ny asa mafy. Koa nanangana ny tanàna Pitôma sy Rahamsesa ny Israelita mba ho fitahirizam-bokatra ho an’ny Farao.

Eksodosy 1:22

Fa ny Farao kosa dia nandidy ny vahoakany rehetra ka nanao hoe: –Atsipazo ao amin’ny ony Neily ny zazalahy hebreo rehetra raha vao teraka, fa ny zazavavy kosa avelao ho velona.

Eksodosy 1:8

Mpanjaka vaovao kosa no nanomboka nanjaka tany Ejipta tamin’izay ka tsy nahalala an’i Jôsefa.

Eksodosy 2:23

Tatỳ aoriana ela dia maty ny mpanjakan’i Ejipta. Nitoloko ny Israelita noho ny fanompoany ka niantso vonjy; ary tafakatra hatrany amin’Andriamanitra ny fitarainany noho ny fanompoana.

Eksodosy 2:25

Nijery ny Israelita Andriamanitra ka nahafantatra ny nanjo azy.

Eksodosy 3:7

Ary hoy ny TOMPO hoe: –Efa hitako tokoa ny fahorian’ny vahoakako any Ejipta ary efa reko ny fitarainany noho ny famelezan’ireo mpampahory azy; eny, fantatro ny fijaliany.

Mpitoriteny 4:1

Hitako koa ny tsy rariny rehetra atao eto ambonin’ny tany. Miantsoantso ireo voan’ny tsindry hazo lena, fa tsy mba misy afa-manampy azy. Eo am-pelatanan’ny mpamoritra manko ny fahefana, hany ka tsy mba misy afa-manampy azy.

Mpitoriteny 5:8

Tsara kokoa ho an’ny firenena ny manana mpanjaka izay mampandroso ny asa fambolena.

Amosa 4:1

Ianareo andriambavilanitr’i Samaria, izay mihamatavy tahaka ny ombivavin’i Basàna, henoy izao teniko izao: Manitsakitsaka ny madinika ianareo, sy mampahory ny mahantra, ary milaza amin’ny vadinareo hoe: «Mitondrà hosotrointsika!»

Deoteronomia 26:7

Dia nitarainanay ilay TOMPO Andriamanitry ny razambenay, ka nohenoiny ny feonay ary hitany fa nahantra sy nijaly sady nampahorîna izahay.

1Samoela 9:16

«Rahampitso, amin’ny ora toy izao, dia halefako ho atỳ aminao lehilahy iray avy amin’ny fokon’i Benjamîna; hatokanao ho filohan’ilay Israely vahoakako izy mba hanafahany azy amin’ny fahefàn’ny Filistinina. Fa efa hitako ny fahorian’ny vahoakako ary efa reko ny antso vonjiny.»