Eksodosy 3:4 - DIEM PROTESTANTA

⁴ Rehefa hitan’ny TOMPO fa nanatona mba hizaha i Mosesy, dia tao afovoan’ny roimemy Izy no niantso azy nanao hoe: –Ry Mosesy! Ry Mosesy! Ka hoy ny navaliny Azy: –Inty aho.

Baiboly Protestanta Malagasy 2011

⁴ Rehefa hitan’NY TOMPO fa nivily mba hizaha izy dia niantso azy avy tao afovoan’ny roimemy Andriamanitra ka niteny hoe: Ry Mosesy! Ry Mosesy! Dia hoy izy: Inty aho!

Dikateny Iombonana Eto Madagasikara

⁴ Rehefa hitan’ny TOMPO fa nanatona mba hizaha i Mosesy, dia tao afovoan’ny roimemy Izy no niantso azy nanao hoe: –Ry Mosesy! Ry Mosesy! Ka hoy ny navaliny Azy: –Inty aho.

Baiboly Katolika

⁴ Hitan’i Iaveh fa niolaka hijery izy; dia niantso azy Andriamanitra teo afovoan’ny zava-maniry milobolobo, nanao hoe: «Ry Môizy! ry Môizy!» Ka hoy ny navaliny: «Inty aho.»

Baiboly Protestanta Malagasy

⁴ Ary rehefa hitan’i Jehovah fa nivily hizaha izy, dia niantso azy tao afovoan’ny roimemy Andriamanitra ka nanao hoe: Ry Mosesy, ry Mosesy! Dia hoy izy: Inty aho.

Malagasy Bible

⁴ Ary rehefa hitan'i Jehovah fa nivily hizaha izy, dia niantso azy tao afovoan'ny roimemy Andriamanitra ka nanao hoe: Ry Mosesy, ry Mosesy! Dia hoy izy: Inty aho.

La Bible en Malgache

⁴ Rehefa hitan’NY TOMPO fa nivily mba hizaha izy dia niantso azy avy tao afovoan’ny roimemy Andriamanitra ka niteny hoe: Ry Mosesy! Ry Mosesy! Dia hoy izy: Inty aho!

Eksodosy 3:4 Rohy Ifampitohizana

Genesisy 22:1

Taorian’izany toe-javatra izany, dia nizaha toetra an’i Abrahama Andriamanitra ka niantso azy hoe: –Ry Abrahama! Dia namaly i Abrahama hoe: –Inty aho.

Genesisy 22:11

Fa niantso azy avy any an-danitra ny anjelin’ny TOMPO ka nanao hoe: –Abrahama ô! Abrahama ô! Hoy kosa ny navalin’i Abrahama azy: –Inty aho.

Genesisy 28:16

Taitra tamin’ny torimasony i Jakôba ka nanao hoe: –Tena eto amin’ity toerana ity tokoa ny TOMPO, fa izaho no tsy nahalala.

Genesisy 46:2

Nony alina dia niteny taminy tao anaty fahitana Andriamanitra ka nanao hoe: –Ry Jakôba! Ry Jakôba! Ary hoy ny navalin’i Jakôba Azy: –Inty aho!

Salamo 62:11

–Aza mitoky amin’ny fanaovana an-keriny, aza miankina amin’ny fangalarana. Raha mitombo fananana ianareo, aza mba miraiki-po amin’izany.

Eksodosy 19:3

Ary niakatra ny tendrombohitra i Mosesy hihaona amin’Andriamanitra. Dia niantso an’i Mosesy avy tao an-tampon-tendrombohitra ny TOMPO ka nanao taminy hoe: –Izao no hambaranao amin’ny taranak’i Jakôba, dia ny Israelita.

Eksodosy 3:2

Tao izy no nisehoan’ny anjelin’ny TOMPO tanaty lelafo teo afovoan’ny roimemy anankiray. Hitan’i Mosesy fa mirehitra afo ny roimemy, kanefa tsy nisy nahalevonana.

Eksodosy 33:12

Hoy i Mosesy tamin’ny TOMPO: –Jereo ange, TOMPO ô! Ianao nandidy ahy mba hitarika ity vahoaka ity, nefa tsy nanondro izay tianao halefa hanampy ahy. Ianao ihany no nilaza fa fantatrao mihitsy aho ary nahazo fanambinana teo imasonao.

Eksodosy 4:5

Koa hoy ny TOMPO hoe: –Izany dia mba hahatonga ny Israelita hatoky fa efa niseho taminao Aho TOMPO Andriamanitry ny razany, Andriamanitr’i Abrahama sy i Itsehàka ary i Jakôba.

Levitikosy 1:1

Niantso an’i Mosesy ny TOMPO ka niteny taminy avy ao amin’ny Tranolay fihaonana

Asan’ny Apostoly 10:13

Dia nisy feo nanao taminy hoe: –Mitsangàna, ry Petera, mamonoa ka mihinàna!

Asan’ny Apostoly 10:3

Indray tolakandro, tokony ho tamin’ny telo, dia nisehoam-pahitana izy ary nisy anjelin’Andriamanitra tazany mazava tsara niditra tao an-tranony ka niteny taminy hoe: –Ry Kôrnely!

Asan’ny Apostoly 9:4

Niankarapoka tamin’ny tany i Saoly sady nandre feo nanao taminy hoe: –Saoly, Saoly, nahoana no manenjika Ahy ianao?

Deoteronomia 33:16

Enga anie ny zava-tsoan’izany tany mahavokatra izany sy ny fanambinan’Ilay nitoetra tao amin’ny Roimemy hitosaka eo amin’ny taranak’i Jôsefa, dia ny taranak’ilay navahana tamin’ny rahalahiny!

1Samoela 3:10

Ary avy ny TOMPO, dia nitsangana teo, ka niantso toy ny fanaony hoe: «Ry Samoela, ry Samoela!» Dia hoy izy namaly: –Mitenena fa mihaino ny mpanomponao.

1Samoela 3:4

dia niantso an’i Samoela ny TOMPO, ary izy namaly hoe: «Inty aho, tompoko»;

1Samoela 3:6

Niantso azy fanindroany ny TOMPO hoe: «Ry Samoela!» Dia nitsangana i Samoela ka nankany amin’i Helỳ ary niteny taminy hoe: –Niantso ahy ianao, koa intỳ aho! –Tsy niantso anao aho, anaka, fa miverena matory.

1Samoela 3:8

Niantso fanintelony an’i Samoela ny TOMPO, koa dia nitsangana indray izy nankany amin’i Helỳ ka nanao taminy hoe: –Niantso ahy ianao, koa intỳ aho! Izay vao fantatr’i Helỳ fa ny TOMPO no niantso ny zaza.