Eksodosy 3:11 - DIEM PROTESTANTA

¹¹ Fa hoy i Mosesy tamin’Andriamanitra: –Zinona moa aho no hankany amin’ny Farao ka hamoaka ny Israelita hiala avy any Ejipta?

Baiboly Protestanta Malagasy 2011

¹¹ Fa hoy i Mosesy tamin’Andriamanitra: Iza moa aho no hankany amin’i Farao ka hitondra ny Zanak’Israely hivoaka avy any Ejipta?

Dikateny Iombonana Eto Madagasikara

¹¹ Fa hoy i Mosesy tamin’Andriamanitra: –Zinona moa aho no hankany amin’ny Farao ka hamoaka ny Israelita hiala avy any Ejipta?

Baiboly Katolika

¹¹ Fa hoy i Môizy tamin’i Andriamanitra: «Inona moa aho no hankany amin’i Faraôna sy hitondra ny zanak’i Israely hivoaka avy any Ejipta?»

Baiboly Protestanta Malagasy

¹¹ Fa hoy Mosesy tamin’Andriamanitra: Iza moa aho no hankany amin’i Farao sy hitondra ny Zanak’Isiraely hivoaka avy any Egypta?

Malagasy Bible

¹¹ Fa hoy Mosesy tamin'Andriamanitra: Iza moa aho no hankany amin'i Farao sy hitondra ny Zanak'Isiraely hivoaka avy any Egypta?

La Bible en Malgache

¹¹ Fa hoy i Mosesy tamin’Andriamanitra: Iza moa aho no hankany amin’i Farao ka hitondra ny Zanak’Israely hivoaka avy any Ejipta?

Eksodosy 3:11 Rohy Ifampitohizana

2Samoela 7:18

Ary nankeo anatrehan’ny TOMPO tao an-tranolay i Davida mpanjaka, ka nipetraka sady nivavaka hoe: –Ry Tompo ANDRIANANAHARY ô, mba iza moa aho ary mba inona ny fianakaviako, no tonganao amin’ny toerana misy ahy izao?

1Mpanjaka 3:7

Ankehitriny, ry TOMPO Andriamanitro ô, efa nampanjaka ahy mpanomponao handimby an’i Davida raiko Ianao, kanefa izaho dia mbola tanora loatra ka tsy mahay mitondra akory.

1Mpanjaka 3:9

Koa omeo ahy mpanomponao ny saina mahiratra hifehezako ny vahoakanao sy hahaizako manavaka ny soa sy ny ratsy; fa, raha tsy eo izany, iza moa no hahay mifehy izao vahoakanao marobe izao?

1Tantara 29:14

Fa zinona moa aho, ary zinona moa ny mpiray firenena amiko, no hanan-kery hanolotra fanomezana an-tsitrapo toy izao? Eny, avy aminao ny zavatra rehetra; ary ny avy taminao ihany no nanomezanay Anao.

Eksodosy 6:12

Fa nanambara teo anatrehan’ny TOMPO i Mosesy hoe: –Na dia ny Israelita aza tsy nihaino ahy, koa ahoana no hihainoan’ny Farao ahy izay votsa vava ity?

Jeremia 1:6

Ary namaly aho hoe: –Indrisy, ry Tompo ANDRIANANAHARY ô, mbola tanora loatra aho ka tsy mahay mandahateny.

2Korintiana 2:16

fofona mahafaty tokoa izany ho an’ny very, fa fofona mahavelona tokoa ho an’ny voavonjy. Koa iza moa no antonona ho amin’izany asa izany?

2Korintiana 3:5

Izahay dia tsy mihambo hanana fahaleovana hahahevitra asa toy izany avy amin’ny tenanay; fa avy amin’Andriamanitra ny fahaleovana ananany.

Mpitsara 6:15

Dia novalian’i Gidehôna hoe: –Indrisy, Tompo ô, ahoana no ahazoako mamonjy an’i Israely? Kanefa ny fianakaviako no osa indrindra amin’ny fokon’i Manase ary izaho no tanora indrindra ao an-tranon’ny raiko.

1Samoela 18:18

Ka hoy ny navalin’i Davida an’i Saoly: –Ry mpanjaka, iza moa aho ary zinona ny fiainako sy ny fianakaviamben’ny raiko, no ho tonga vinantonao aho?