Eksodosy 25:30 - DIEM PROTESTANTA

³⁰ Eo ambonin’io latabatra io no hametrahana ny mofo atolotra ho Ahy, ka hisy tsy tapaka eo anatrehako izany.

Baiboly Protestanta Malagasy 2011

³⁰ Asio mofo atao fanatitra eo ambonin’ny latabatra, ho eo anatrehako mandrakariva.

Dikateny Iombonana Eto Madagasikara

³⁰ Eo ambonin’io latabatra io no hametrahana ny mofo atolotra ho Ahy, ka hisy tsy tapaka eo anatrehako izany.

Baiboly Katolika

³⁰ Hasianao ny mofo alahatra, izay ho eo anatrehako mandrakariva eo ambony latabatra.»

Baiboly Protestanta Malagasy

³⁰ Ary asio mofo aseho eo ambonin’ny latabatra ho eo anatrehako mandrakariva.

Malagasy Bible

³⁰ Ary asio mofo aseho eo ambonin'ny latabatra ho eo anatrehako mandrakariva.

La Bible en Malgache

³⁰ Asio mofo atao fanatitra eo ambonin’ny latabatra, ho eo anatrehako mandrakariva.

Eksodosy 25:30 Rohy Ifampitohizana

1Mpanjaka 7:48

Nampanaovin’i Salômôna koa ny kojakoja volamena rehetra izay nilaina tao amin’ny tranon’ny TOMPO: dia ny alitara volamena; ny latabatra fametrahana ny mofo aterina ho an’Andriamanitra;

1Tantara 23:29

mamboatra ny mofo apetraka eo anatrehan’Andriamanitra, manomana ny lafarinina tsara indrindra hatao fanatitra, mahandro ny mofo manify tsy misy leviora sy ny mofo endasina amin’ny lapoaly ary ny mofo hafa isan-karazany, manamarina ny famarana sy fandrefesana rehetra.

1Tantara 9:32

Ary i Benaià, taranak’i Kehata sady anankiray tamin’ireo levita, no tonian’ny mofo apetraka eo anatrehan’Andriamanitra ka namboatra azy isan-tsabata.

2Tantara 13:11

Isa-maraina sy isan-kariva ireo no mampanetona ny sorona dorana manontolo sy ny vovo-javamanitra ho an’ny TOMPO na koa mandahatra eo amin’ny latabatra madio ny mofo atolotra ho an’Andriamanitra; ary isan-kariva ireo no mampirehitra ny jiro eo amin’ny fitoeran-jiro volamena. Izahay manko mitandrina izay nasain’ny TOMPO Andriamanitray hotandremana; fa ianareo kosa nandao Azy.

2Tantara 2:3

Fa indro aho efa hanao trano ho voninahitry ny TOMPO Andriamanitro, dia trano izay hatokako ho Azy; ao no handoroana vovo-javamanitra eo anatrehan’ny Tompo sy hasiana ny mofo apetraka tsy tapaka ary hanolorana sorona dorana manontolo, dia ny sorona dorana manontolo isa-maraina sy isan-kariva ary koa izay fanao amin’ny sabata sy amin’ny voaloham-bolana ary amin’ny fetin’ny TOMPO Andriamanitray; ho fepetra raikitra ho an’ny Israelita izany.

2Tantara 2:4

Ny tempoly hataoko dia ho lehibe, satria lehibe noho ny andriamanitra rehetra ilay Andriamanitray.

Eksodosy 35:13

ny latabatra voatokana sy ny baony ary ny fitaovana rehetra miaraka aminy mbamin’ny mofo fanolotra an’Andriamanitra;

Eksodosy 39:36

–ny latabatra voatokana sy ny baony ary ny fitaovana rehetra miaraka aminy mbamin’ny mofo fanolotra ho an’Andriamanitra;

Eksodosy 40:23

ary nalahatra teo amboniny ny mofo fanolotra ny TOMPO, araka izay efa nandidian’ny TOMPO an’i Mosesy.

Eksodosy 40:4

Ao no haiditra ny latabatra voatokana ka halamina eo amboniny ny mofo fanolotra ho Ahy; ao koa no haiditra ny fitoeran-jiro ka harehitra ny jirony.

Ezekiela 41:22

amin’ny alitara hazo izay mirefy iray metatra sy sasany ny haavony ary iray metatra ny sakany. Misy zorony sy fanambaniny ary sisiny hazo. Ka hoy ralehilahy tamiko: «Io no latabatra eo anatrehan’ny TOMPO.»

Malakia 1:12

Fa ianareo kosa manevateva izany amin’ny filazànareo fa ny alitaran’ny TOMPO dia tsy mendri-kaja, ary ny sakafo aterina eo dia tsizarizary.

Malakia 1:7

Mitondra hanina tsy mendrika Ahy eo amin’ny alitarako ianareo, nefa manontany hoe: «Amin’inona no anaovanay zavatra tsy mendrika Anao?» Ka hoy Aho hoe: Amin’ny fanimbazimbanareo ny alitarako!

Nomery 4:7

Hamelatra lamba volomparasy eo amin’ny latabatry ny mofo aseho izy ka hametraka ny lovia, ny kaopy, ny tsatokaty ary ny zinga fampidinan-divay; hapetrany eo koa ny mofo izay haseho lalandava eo anatrehako.

Matio 12:4

Niditra tao an-tranon’Andriamanitra ry i Davida, ka nihinana ny mofo apetraka eo anatrehan’Andriamanitra izy mbamin’ny olona niaraka taminy; kanefa izany mofo izany tsy azon’izy ireo hanina fa natao ho an’ny mpisorona irery ihany!

Hebreo 9:2

Fa nisy tranolay voavoatra, dia ny tranolay voalohany izay antsoina hoe Toeramasina: tao no nisy ny fitoeran-jiro sy ny latabatra fametrahana ny mofo atolotra ho an’Andriamanitra.

1Samoela 21:4

Koa inona no sakafo misy ato aminao izao? Omeo mofo dimy na izay misy aho.

1Samoela 21:5

Fa hoy ilay mpisorona tamin’i Davida: –Tsy manana mofo tsotra aho, fa mofo voatokana ho an’Andriamanitra ihany. Nefa azoko omena ihany ianao raha tàhiny ka tsy niray tamim-behivavy ireo tovolahy ireo tato ho ato.

1Samoela 21:6

Ka hoy ny navalin’i Davida azy: –Izany tokoa, fa tsy niray tamim-behivavy izahay, toy ny taloha ihany rehefa niantafika aho; ka masina ny kitapon’ireo tovolahy namako. Ary na dia tsy masina aza ity dia hiantafika indray maka ity, dia ho masina ihany izy anio amin’ny mofo hatao anaty kitapo.