Eksodosy 23:14 - DIEM PROTESTANTA

¹⁴ «Fety telo no hankalazainareo isan-taona ho fanomezam-boninahitra Ahy.

Baiboly Protestanta Malagasy 2011

¹⁴ Intelo isan-taona no hanaovanao andro firavoravoana ho Ahy.

Dikateny Iombonana Eto Madagasikara

¹⁴ «Fety telo no hankalazainareo isan-taona ho fanomezam-boninahitra Ahy.

Baiboly Katolika

¹⁴ «Intelo isan-taona no hanaovanao fety fankalazana Ahy.

Baiboly Protestanta Malagasy

¹⁴ Intelo isan-kerintaona no hanaovanao andro firavoravoana ho Ahy.

Malagasy Bible

¹⁴ Intelo isan-kerintaona no hanaovanao andro firavoravoana ho Ahy.

La Bible en Malgache

¹⁴ Intelo isan-taona no hanaovanao andro firavoravoana ho Ahy.

Eksodosy 23:14 Rohy Ifampitohizana

1Mpanjaka 9:25

Intelo isan-taona i Salômôna no nanolotra sorona dorana manontolo sy sorom-pihavanana teo amin’ny alitara izay naoriny ho an’ny TOMPO. Ary nampandoro vovo-javamanitra koa izy ho fanajana ny TOMPO. Izany no nampiasany ny tempoly.

2Tantara 8:13

Araka ny didin’i Mosesy dia nanatitra izay fanao isan’andro i Salômôna tamin’ny sabata sy ny voaloham-bolana ary ny fety lehibe telo isan-taona, izany hoe ny fety fihinanana mofo tsy misy leviora, ny fetin’ny Pentekôsta ary ny fetin’ny Tranotomboka.

Eksodosy 23:17

Koa intelo isan-taona izany ny lehilahy rehetra aminareo no ho tonga hiseho eo anatrehako TOMPO Andriamanitrareo.

Eksodosy 34:17

«Aza manao andriamanitra sarivongana ho anareo.

Eksodosy 34:18

«Ankalazao ny fetin’ny mofo tsy misy leviora; mandritra ny fito andro voatondro amin’ny volana Abiba no hihinananareo ny mofo tsy misy leviora araka izay efa nandidiako anareo. Fa volana Abiba toy izany no nialanareo tany Ejipta.

Ezekiela 46:9

Fa rehefa ny vahoaka kosa no tonga hiankohoka amiko TOMPO amin’ny fotoan-dehibe, izay miditra amin’ny vavahady avaratra dia hivoaka amin’ny vavahady atsimo; ary izay miditra amin’ny vavahady atsimo dia hivoaka amin’ny vavahady avaratra. Tsy hisy olona hiverina amin’izay vavahady nidirany fa samy hivoaka amin’ny vavahady an-daniny.

Levitikosy 23:16

ka amin’ny ampitson’ny sabata fahafito dia dimampolo andro no ho voaisanareo. Amin’io andro io dia manolora fanatitra vaovao ho Ahy TOMPO indray ianareo;

Levitikosy 23:34

mba hamepetra ny Israelita hoe: «Ny andro faha-15, amin’ny volana fahafito, no hiantombohan’ny fankalazana ny Tranotomboka, ho fanajana Ahy TOMPO mandritra ny fito andro.

Levitikosy 23:4

«Ireto kosa no fankalazana manetriketrika hafa naraikitro ka hasiana fanompoam-pivavahana koa amin’ny fotoany avy:

Levitikosy 23:5

«Ny volana voalohany, andro faha-14, rehefa hariva, dia fankalazana ny Paska hanajana Ahy TOMPO.

Deoteronomia 16:1

Tandremo fa amin’ny volana Abîba no hankalazanareo ny Paska ho fanajana ny TOMPO Andriamanitrareo. Volana Abîba manko no nitondran’ny TOMPO Andriamanitrareo anareo niala tany Ejipta tamin’ny alina.

Deoteronomia 16:16

Intelo isan-taona ny lehilahy rehetra aminareo no hiseho eo anatrehan’ny TOMPO Andriamanitrareo any amin’ny toerana izay hofidiny, dia amin’ny fankalazana ny mofo tsy misy leviora sy ny fankalazana ny Pentekôsta ary ny fankalazana ny Tranotomboka. Ary aoka tsy ho tanam-polo no hisehoany eo anatrehan’ny Toeramasin’ny TOMPO;

1Samoela 1:3

Isan-taona i Elkanà dia nandao an’i Ramà tanànany mba hivavaka sy hanao sorona amin’ny TOMPOn’izao rehetra izao tany Silao; mpisoron’ny TOMPO tao koa i Hôfnỳ sy i Pinehasa zanakalahin’i Helỳ.