Eksodosy 23:12 - DIEM PROTESTANTA

¹² «Enina andro no hanaovanareo ny raharahanareo fa amin’ny andro fahafito dia hitsahatra ianareo mba hahazoan’ny ombinareo sy ny borikinareo miala sasatra, ary mba hahazoan’ny mpanomponareo sy ny vahiny maka aina.

Baiboly Protestanta Malagasy 2011

¹² Henemana no hanaovanao ny raharahanao, fa amin’ny andro fahafito dia hitsahatra ianao mba hialan’ny ombinao sy ny borikinao sasatra, ary mba hakan’ny zanaky ny mpanompovavinao sy ny vahiny aina.

Dikateny Iombonana Eto Madagasikara

¹² «Enina andro no hanaovanareo ny raharahanareo fa amin’ny andro fahafito dia hitsahatra ianareo mba hahazoan’ny ombinareo sy ny borikinareo miala sasatra, ary mba hahazoan’ny mpanomponareo sy ny vahiny maka aina.

Baiboly Katolika

¹² «Mandritra ny henemana no hanaovanao ny asanao, fa amin’ny andro fahafito mitsahara, mba hiala sasatra ny omby aman’ampondranao, sy haka aina ny zanaky ny ankizivavinao sy ny vahiny.

Baiboly Protestanta Malagasy

¹² Henemana no hanaovanao ny raharahanao; fa amin’ny andro fahafito dia hitsahatra hianao, mba hialan’ny ombinao sy ny borikinao sasatra, ary mba hakan’ny zanaky ny ankizivavinao sy ny vahiny aina.

Malagasy Bible

¹² Henemana no hanaovanao ny raharahanao; fa amin'ny andro fahafito dia hitsahatra ianao, mba hialan'ny ombinao sy ny borikinao sasatra, ary mba hakan'ny zanaky ny ankizivavinao sy ny vahiny aina.

La Bible en Malgache

¹² Henemana no hanaovanao ny raharahanao, fa amin’ny andro fahafito dia hitsahatra ianao mba hialan’ny ombinao sy ny borikinao sasatra, ary mba hakan’ny zanaky ny mpanompovavinao sy ny vahiny aina.

Eksodosy 23:12 Rohy Ifampitohizana

Nehemia 13:16

Nisy Tirianina nonina tao Jerosalema, izay nitondra trondro sy entam-barotra isan-karazany hamidy andro sabata amin’ny mponin’i Jerosalema sy i Joda.

Eksodosy 16:23

ka hoy i Mosesy hoe: –Izany indrindra no nandidian’ny TOMPO anareo. Rahampitso dia sabata, andro fitsaharana voatokana ho an’ny TOMPO; koa andrahoy izay tokony handrahoina, ary ampangotrahy izay tokony hampangotrahina, fa ny ambiny kosa dia tehirizo ho tra-maraina.

Eksodosy 23:11

fa amin’ny taona fahafito dia tsy maintsy avelanareo hitsahatra tanteraka ny tany. Ny mahantra iray firenena aminareo amin’izay dia hahita hohanina, ary ny sisa dia hohanin’ny bibidia. Toy izany koa no hataonareo amin’ny tanimboalobokareo sy ny tanin’ôlivanareo.

Eksodosy 34:21

«Manana andro enina isan-kerinandro ianareo hiasanareo, fa amin’ny andro fahafito dia hitsahatra amin’ny raharahanareo ianareo na dia amin’ny fotoam-pamafazana sy fijinjana aza.

Eksodosy 35:2

misy andro enina hiasanareo isan-kerinandro, fa ny andro fahafito dia sabata, andro fitsaharana hatokanareo ho an’ny TOMPO. Koa izay olona rehetra manao raharaha amin’io andro io dia hovonoina ho faty.

Eksodosy 35:3

Na aiza na aiza honenanareo, dia tsy azonareo atao na dia ny mandrehitra afo aza amin’ny andro sabata.

Isaia 58:3

Kanefa manontany Ahy izy manao hoe: «Soa inona ho anay ny mifady hanina, raha tsy hitanao akory izany? Soa inona ho anay ny mampahory tena, raha tsy ahoanao akory izany?» Izao kosa no amaliako azy: Indro fa amin’ny andro ifadianareo hanina dia manenjika ny tombontsoanareo ihany ianareo ka manjakazaka amin’ny mpiasa rehetra eo aminareo.

Levitikosy 23:3

«Andro enina no hanaovan-draharaha; fa ny fahafito dia sabata tena andro fitsaharana, ka hasiana fanompoam-pivavahana hivorianareo. Aza manao raharaha akory ianareo, fa sabata hanajana Ahy TOMPO izany, na aiza na aiza onenanareo.

Marka 2:27

Ary hoy i Jesoa tamin’ny Farisianina: –Ny sabata no natao ho an’ny olona, fa tsy ny olona no natao ho an’ny sabata.

Lioka 13:14

Tezitra ny lehiben’ny sinagôga satria andro sabata no nanaovan’i Jesoa fanasitranana. Nandray fitenenana ny lehiben’ny sinagôga ary nilaza tamin’ny vahoaka hoe: –Andro enina no tokony hiasana; ka mandritra ireo andro ireo ianareo no tongava hositranina, fa tsy amin’ny andro sabata!