Eksodosy 21:2 - DIEM PROTESTANTA

² «Raha mividy mpanompo hebreo ianareo, dia ho enin-taona no hanompoany anareo; fa amin’ny taona fahafito dia hivoaka ho olona afaka maimaim-poana izy.

Baiboly Protestanta Malagasy 2011

² Raha mividy andevo hebreo ianao dia enin-taona no hanompoany, ary amin’ny taona fahafito kosa dia hiala izy ka ho afaka madiodio.

Dikateny Iombonana Eto Madagasikara

² «Raha mividy mpanompo hebreo ianareo, dia ho enin-taona no hanompoany anareo; fa amin’ny taona fahafito dia hivoaka ho olona afaka maimaim-poana izy.

Baiboly Katolika

² Rehefa hividy mpanompo hebrio ianao, enin-taona no hanompoany, fa amin’ny taona fahafito dia hiala izy ka afaka tsy mandoa na inona na inona.

Baiboly Protestanta Malagasy

² Raha mividy andevo Hebreo hianao, dia enin-taona no hanompoany, ary amin’ny taona iahafito dia hiala ho afaka fotsiny izy.

Malagasy Bible

² Raha mividy andevo Hebreo ianao, dia enin-taona no hanompoany, ary amin'ny taona fahafito dia hiala ho afaka fotsiny izy.

La Bible en Malgache

² Raha mividy andevo hebreo ianao dia enin-taona no hanompoany, ary amin’ny taona fahafito kosa dia hiala izy ka ho afaka madiodio.

Eksodosy 21:2 Rohy Ifampitohizana

Genesisy 27:28

Homen’Andriamanitra anao anie ny andon’ny lanitra sy ny tsiron’ny tany ary ny vary aman-divay betsaka!

Genesisy 27:36

Dia hoy i Hesao tamin-drainy: –Tsy mandia tokoa ve ny anarany hoe Jakôba, «Ilay mpisoloky?» Fa efa nisoloky ahy indroa izy izao; efa nalainy ny fizokiako, ary ankehitriny lasany koa ny tsodrano tokony ho ahy! Moa tsy mba misy tsodrano notahirizinao ho ahy ve?

2Mpanjaka 4:1

Indray andro dia nisy vehivavy vadina lehilahy anisan’ny andia-mpaminany, tonga nitaraina tamin’i Elisà nanao hoe: –Maty ny vadiko mpanomponao, ary fantatrao fa nanaja ny TOMPO izy. Tonga ao anefa ny tompon-trosa haka ny zanako roa lahy mba handevoziny.

Nehemia 5:8

sady niteny taminy hoe: –Izahay, araka izay tratry ny fanananay, dia efa nanavotra ny mpiray firenena aminay, izany hoe ireo Jiosy namidy tamin’ny hafa firenena; fa ianareo kosa mivarotra ny mpiray firenena aminareo, ka amintsika samy isika ihany no ivarotanareo azy. Dia sina ry zareo fa tsy nahita havaly.

Eksodosy 12:44

«Ny mpanompo izay novidina dia mahazo mandray anjara amin’ny sakafo rehefa voafora.

Eksodosy 21:3

Raha tsy nanam-bady izy no tonga mpanomponareo, dia izy irery ihany no handeha; fa raha nanam-bady izy, dia handeha miaraka aminy koa ramatoa vadiny.

Eksodosy 21:7

«Raha misy olona mivarotra ny zanany vavy ho mpanompovavy, dia tsy ho afaka araka ny fepetra momba ny mpanompolahy io mpanompovavy io.

Eksodosy 22:3

«Raha misy omby na boriky na ondry na osy nangalarina ka tratra mbola velona eo amin’ilay mpangalatra, dia haveriny amin’ny tompony avo roa heny iny.

Levitikosy 25:54

Raha tsy misy hanavotana an’ilay mpiray firenena aminareo, dia ho afaka teo an-tanan’ny tompony izy mbamin’ny zanany amin’ny taona Jobily.

Matio 18:25

Ary noho izy tsy nanan-kaloa, dia nasain’ny tompony hamidy ho andevo ny tenan’ilay mpanompo mbamin’ny vady aman-janany ary hamidy koa ny fananany rehetra, mba handoavana ny trosa.

1Korintiana 6:20

fa novidîn’Andriamanitra lafo ho fananany ianareo. Noho izany, ampiasao hanomezam-boninahitra an’Andriamanitra ny tenanareo.

Deoteronomia 15:1

Isaky ny fito taona dia hanao famoizan-trosa ianareo,

Deoteronomia 15:18

Aoka tsy ho mafy aminareo ny hamotsotra ny mpanomponareo ho afaka, satria nahazoanareo avo sasaka mihoatra noho izay vitan’ny mpikarama ny nanompoany anareo enin-taona. Eny, votsory izy, dia hotahîn’ny TOMPO Andriamanitrareo ianareo amin’izay rehetra ataonareo.

Deoteronomia 31:10

Dia nanome didy azy i Mosesy ka nanao hoe: –Isaky ny fito taona, amin’ny taona famotsoran-trosa, mandritra ny fankalazana ny Tranotomboka, no hamakianareo ny teny raketin’ity Lalàna ity. Amin’izay ny Israelita rehetra ho tonga hiseho eo anatrehan’ny TOMPO Andriamanitrareo any amin’ny toerana hofidiny, ka aoka ity Lalàna ity hovakînareo aminy mba hohenoiny.