Eksodosy 20:12 - DIEM PROTESTANTA

¹² «Hajao ny rainao sy ny reninao mba ho maro andro iainana ianao eo amin’ny tany izay omen’ny TOMPO Andriamanitrao ho anao.

Baiboly Protestanta Malagasy 2011

¹² Manajà ny rainao sy ny reninao mba ho maro andro ianao eo amin’ny tany izay omen’NY TOMPO Andriamanitrao anao.

Dikateny Iombonana Eto Madagasikara

¹² «Hajao ny rainao sy ny reninao mba ho maro andro iainana ianao eo amin’ny tany izay omen’ny TOMPO Andriamanitrao ho anao.

Baiboly Katolika

¹² «Manajà ny ray aman-dreninao mba ho lava andro ianao any amin’ny tany omen’i Iaveh Andriamanitrao anao.»

Baiboly Protestanta Malagasy

¹² Manajà ny rainao sy ny reninao mba ho maro andro hianao ao amin’ny tany izay omen’i Jehovah Andriamanitrao ho anao.

Malagasy Bible

¹² Manaja ny rainao sy ny reninao mba ho maro andro ianao ao amin'ny tany izay omen'i Jehovah Andriamanitrao ho anao.

La Bible en Malgache

¹² Manajà ny rainao sy ny reninao mba ho maro andro ianao eo amin’ny tany izay omen’NY TOMPO Andriamanitrao anao.

Eksodosy 20:12 Rohy Ifampitohizana

Genesisy 48:12

Nanaisotra azy mirahalahy teo an-dohalik’i Jakôba i Jôsefa, dia niankohoka tamin’ny tany.

Genesisy 50:12

Avy eo dia notanterahin’ireo zanakalahin’i Jakôba izay nanafaran-drainy azy.

1Mpanjaka 2:19

Dia nankany amin’i Salômôna mpanjaka i Baty-Seba hiteny aminy momba an’i Adônià. Ary nitsangana nitsena an’i Baty-Seba ny mpanjaka sady niondrika teo anatrehany; dia niverina nipetraka teo amin’ny sezafiandrianany izy ary nasainy nasiana sezafiandrianana iray ho an-dreniny teo ankavanany.

2Mpanjaka 2:12

Rehefa nijery izany i Elisà, dia niantsoantso hoe: –Ry dada ô, ry dada ô, mahery noho ireo kalesin’i Israely sy ny mpitaingin-tsoavaliny ianao! Nony tsy hitan’i Elisà intsony i Elià, dia notriariny roa ny fitafiany.

Eksodosy 21:15

«Izay mikapoka ny rainy na ny reniny dia tsy maintsy vonoina ho faty.

Eksodosy 21:17

«Izay manozona ny rainy na ny reniny dia tsy maintsy vonoina ho faty.

Ohabolana 15:5

Ny adala manamavo ny fananaran-drainy; fa izay mandray tsikera no hita ho hendry.

Ohabolana 17:6

Satroboninahitry ny antitra ny zafikeliny; ary reharehan’ny zanaka ny rainy.

Ohabolana 20:20

Raha misy manozona ny rainy na ny reniny, dia ho toy ny jiro maty ao anaty haizim-pito ny fiainany.

Ohabolana 28:24

Izay mandroba ny rainy sy ny reniny ka manao hoe: «Tsy fahotana izany», dia naman’ny jiolahy.

Ohabolana 3:16

Mahaela velona ny fahendrena etsy an-kilany ary mampahazo harena sy haja etsy an-daniny.

Ohabolana 30:11

Misy karazan’olona izay manozona ny rainy ary tsy mba mirary soa ho an-dreniny.

Ohabolana 30:17

Ny olona izay miandranandrana amin-dray sy mamingavinga ny fahanteran-dreny dia hopotsirin’ny goaikan-driaka ny masony ary hohanin’ny voromahery ny tenany.

Jeremia 35:18

Avy eo, dia hoy i Jeremià tamin’ny fokon’ny Rekabita: «Izao no lazain’ny TOMPOn’izao rehetra izao sady Andriamanitr’i Israely: Nitana ny hafatra azonareo tamin’i Jônadaba razanareo ianareo, ka nanatanteraka izany an-tsakany sy an-davany araka izay rehetra nanafarany anareo.

Jeremia 35:7

Aza manao trano ianareo na mamboly ny tany na mamboly voaloboka, na manana tanimboaloboka; fa anaty trano lay ihany no hipetrahanareo mandritra ny androm-piainanareo rehetra, dia ho ela velona ianareo any amin’ny tany izay ivahinianareo any.»

Ezekiela 22:7

Ao aminao dia tsy hajaina ny ray sy reny, tsentsefina ny vahiny, ampahorina ny kamboty sy ny mpitondratena,

Levitikosy 19:3

«Samia manaja ny ray aman-dreninareo, ary tandremo ny sabata nodidiako hitsaharana. Izaho no TOMPO Andriamanitrareo.

Levitikosy 19:32

«Mitsangàna ianao raha manoloana ny olona efa antitra ho fanomezam-boninahitra azy; izany no hanehoanao fanajana Ahy Andriamanitrao. Izaho no TOMPO.

Malakia 1:6

Hoy ny TOMPOn’izao rehetra izao aminareo mpisorona: «Ny zanaka manome voninahitra ny rainy, ary ny mpanompo manaja ny tompony. Koa raha Ray aho, aiza izay voninahitro? Ary raha Tompo aho, aiza izay hajako? Fa manamavo ny anarako ianareo, nefa manontany hoe: «Amin’inona no anamavoanay ny anaranao?».

Matio 19:19

hajao ny rainao sy ny reninao, ary tiavo ny namanao tahaka ny itiavanao ny tenanao!

Marka 10:19

Fantatrao ny didy hoe: «Aza mamono olona, aza maka vadin’olona, aza mangalatra, aza manao vavolombelona tsy marina», aza manambaka, «hajao ny rainao sy ny reninao.»

Marka 7:10

Fa hoy i Mosesy: «Hajao ny rainao sy ny reninao», ary koa: «Izay miteny ratsy ny rainy na ny reniny dia hatao maty tokoa.»

Lioka 18:20

Fantatrao ny didy hoe: «Aza maka vadin’olona; aza mamono olona; aza mangalatra; aza manao vavolombelona tsy marina; hajao ny rainao sy ny reninao!»

Efesiana 5:21

Aoka hifanoa ianareo noho ny fanajanareo an’i Kristy.

Deoteronomia 11:8

Koa tandremo avokoa ny didy izay ampitaiko aminareo anio mba hahery ianareo ka haka ho fanananareo ilay tany izay hiampitanareo sy hidiranareo,

Deoteronomia 11:9

ary mba ho maro andro ianareo any amin’io tany io izay nianianan’ny TOMPO tamin’ny razambenareo homena azy sy ny taranany, dia tany izay tondra-dronono sy tantely.

Deoteronomia 21:18

Mety hisy olona manana zanakalahy maditra sy manohitra, ka tsy mihaino ny tenin’ny ray aman-dreniny sady tsy zakany anarina.

Deoteronomia 25:15

Vatomizana sy famarana tonga ohatra sy ara-dalàna no aoka hotananareo mba ho maro andro iainana ianareo, any amin’ny tany izay omen’ny TOMPO Andriamanitrareo anareo.

Deoteronomia 27:16

«Ho voaozona anie izay manao tsinontsinona ny ray aman-dreniny!» Ary ny vahoaka rehetra hanao hoe: «Amen!»

Deoteronomia 32:47

Tsy zava-poana ho anareo izany fa fiainanareo; izany teny izany no hahamaro andro anareo any amin’ny tany izay efa halainareo ho fananana, rehefa tafita an’i Jôrdàna ianareo.

Deoteronomia 4:26

Raha manao izany ianareo, dia miantso ny lanitra sy ny tany ho vavolombelona aho anio no manambara fa vetivety foana dia ho fongotra tokoa ianareo tsy ho eo amin’ny tany izay efa hiampitanareo an’i Jôrdàna mba halainareo ho fananana; tsy ho maro andro honenana eo ianareo, fa haringana tokoa.

Deoteronomia 4:40

Dia tandremo ny lalànany sy ny didiny izay ampitaiko aminareo anio, mba hahita soa ianareo sy ny taranaka amam-paranareo ary mba ho maro andro ianareo any amin’ny tany izay omen’ny TOMPO Andriamanitrareo anareo amin’ny taona rehetra.

Deoteronomia 5:16

«Manajà ny rainao sy ny reninao, araka izay nandidiako anao, mba ho maro andro iainana ianao ary mba hahita soa any amin’ny tany omeko anao.

Deoteronomia 5:33

Fa ny lalana rehetra izay nosoritan’ny TOMPO Andriamanitrareo ho anareo no halehanareo mba ho velona ianareo ka hahita soa ary ho maro andro iainana any amin’ny tany izay halainareo ho fananana.

Deoteronomia 6:2

Ny tanjona kendrena, ho an’ny andro rehetra iainanareo, dia ny hanajanareo ny TOMPO Andriamanitrareo ka hitandremanareo ny lalànany sy didiny rehetra izay ampitaiko aminareo sy amin’ny taranakareo mba ho maro andro ianareo.

Kolosiana 3:20

Ianareo zanaka, maneke ny ray aman-dreninareo amin’ny zavatra rehetra, fa izany no ankasitrahin’ny Tompo.

Rota 3:6

Dia nidina nankany am-pamoloana izy ary nanao araka izay rehetra nodidian-drafozany azy.

1Samoela 22:3

Avy teo Hadolama i Davida, dia nankany Mitsepà any Môaba, ka hoy izy tamin’ny mpanjakan’i Môaba: –Avelao re, tompoko, ny ray aman-dreniko mba ho avy hipetraka eto aminao mandra-pahafantarako izay tian’Andriamanitra hatao amiko.