Eksodosy 18:12 - DIEM PROTESTANTA

¹² Nanolotra sorona dorana manontolo sy sorom-pihavanana tamin’Andriamanitra i Jetrao. Koa tonga i Aharôna sy ny loholon’i Israely rehetra hihinana ny sakafo masina niaraka tamin’ny rafozan’i Mosesy teo anatrehan’Andriamanitra.

Baiboly Protestanta Malagasy 2011

¹² Ary i Jetro, rafozan’i Mosesy, dia nitondra fanatitra dorana manontolo sy fanatitra hafa alatsa-dra ho an’Andriamanitra. Dia tonga i Arona sy ny loholon’ny Israely rehetra hiara-misakafo amin’ny rafozan’i Mosesy teo anatrehan’Andriamanitra.

Dikateny Iombonana Eto Madagasikara

¹² Nanolotra sorona dorana manontolo sy sorom-pihavanana tamin’Andriamanitra i Jetrao. Koa tonga i Aharôna sy ny loholon’i Israely rehetra hihinana ny sakafo masina niaraka tamin’ny rafozan’i Mosesy teo anatrehan’Andriamanitra.

Baiboly Katolika

¹² Dia nanolotra sorona dorana sy fanatitra tamin’Andriamanitra i Jetrô, rafozan’i Môizy. Ary i Aarôna mbamin’ny loholon’i Israely rehetra dia tonga niara-nisakafo tamin’ny rafozan’i Môizy avokoa teo anatrehan’Andriamanitra.

Baiboly Protestanta Malagasy

¹² Ary Jetro, rafozan’i Mosesy, nitondra fanatitra odorana sy fanatitra hafa alatsa-dra ho an’Andriamanitra; dia nankao Arona sy ny loholon’ny Isiraely rehetra hiara-mihinan-kanina amin’ny rafozan’i Mosesy teo anatrehan’Andriamanitra.

Malagasy Bible

¹² Ary Jetro, rafozan'i Mosesy, nitondra fanatitra dorana sy fanatitra hafa alatsa-drà ho an'Andriamanitra; dia nankao Arona sy ny loholon'ny Isiraely rehetra hiara-mihinan-kanina amin'ny rafozan'i Mosesy teo anatrehan'Andriamanitra.

La Bible en Malgache

¹² Ary i Jetro, rafozan’i Mosesy, dia nitondra fanatitra dorana manontolo sy fanatitra hafa alatsa-dra ho an’Andriamanitra. Dia tonga i Arona sy ny loholon’ny Israely rehetra hiara-misakafo amin’ny rafozan’i Mosesy teo anatrehan’Andriamanitra.

Eksodosy 18:12 Rohy Ifampitohizana

Genesisy 12:7

Niseho tamin’i Abrama ny TOMPO ka niteny taminy hoe: «Homeko ny taranakao ity tany ity.» Dia nanorina alitara ho an’ny TOMPO i Abrama teo amin’io toerana izay nisehoan’ny TOMPO taminy io.

Genesisy 26:25

Nanorina alitara teo i Itsehàka ka nivavaka tamin’Andriamanitra sady niantso Azy hoe TOMPO. Namelatra ny lainy izy ary nihady lavaka fantsakana hafa koa ireo mpanompony.

Genesisy 26:30

Dia nanao fanasana ho an’i Abimelèka i Itsehàka, ka nihinana sy nisotro izy.

Genesisy 31:54

Ary nanolotra sorona teo an-tendrombohitra i Jakôba ka nanasa ireto havany hiara-misakafo aminy. Ary rehefa avy nisakafo ny besinimaro, dia nandry teo an-tendrombohitra tamin’ny alina.

Genesisy 4:4

I Abela koa nitondra ireo voalohan-teraky ny ondriny hatao sorona ka nanolotra ny jaborany ho an’ny TOMPO. Ary ny Tompo nankasitraka an’i Abela sy ny fanatiny,

Genesisy 43:25

Nanomana ny fanomezana ireo mandra-piavin’i Jôsefa tamin’ny antoandro, satria efa reny fa hiara-misakafo aminy eo izy.

Genesisy 8:20

Dia nanangana alitara ho an’ny TOMPO i Noà, ka naka tamin’ireo biby fiompy sy voro-manidina madio rehetra ary nanolotra azy ho sorona dorana manontolo ho an’ny Tompo teo amin’ny alitara.

2Samoela 9:7

Dia hoy indray i Davida taminy: –Aza matahotra fa te hanisy soa anao noho ny amin’i Jônatàna rainao aho, ka hamerina aminao ny tany rehetra izay an’i Saoly raibenao; ary ianao dia hisakafo isan’andro eo amin’ny latabatro.

2Tantara 30:22

Ary ny teny nataon’i Hezekià dia nanohina ny fon’ireo levita rehetra izay feno fahazotoana tokoa ho an’ny TOMPO. Nihinana ny sakafo Paska nandritra ny herinandro ny olona ka sady nanolotra sorom-pihavanana no nisaotra ny TOMPO Andriamanitry ny razany.

Joba 1:5

Ary rehefa tapi-nihodina ny fanasana, dia nampiantsoin’i Jôba ny zanany mba hodiovina. Dia nifoha maraina be izy ny ampitso ka nanolotra sorona dorana manontolo araka ny isan’izy rehetra; fa hoy Jôba hoe: «Fandrao nanota na nandà an’Andriamanitra tao am-pony ny zanako.» Izany no nataon’i Jôba mandrakariva.

Joba 42:11

Dia tonga namangy an’i Jôba avokoa ny rahalahiny sy ny anabaviny mbamin’ny olom-pantany fahiny, ka niara-nihinana taminy tao an-tranony. Naneho fiombonana taminy koa ireo sady nampionona azy noho ny loza rehetra nalefan’ny TOMPO taminy. Ary samy nanolotra fanomezana vola kesita iray sy rojo volamena iray avy ho azy izy rehetra.

Joba 42:8

Koa ankehitriny makà ombilahy fito sy ondrilahy fito ianareo, dia mankanesa any amin’ny Jôba mpanompoko. Hatolotrareo ho sorona dorana manontolo noho ny fahotanareo ireo biby ireo; ary hifona ho anareo i Jôba mpanompoko. Fa ho sitrako ny vavak’i Jôba, ka tsy hamaly anareo araka ny hadalànareo Aho na dia tsy marina tahaka izay nolazain’i Jôba mpanompoko aza ny filàzanareo Ahy.

Eksodosy 18:13

Nony ampitso dia nipetraka mba hitsara ny adin’ny vahoaka i Mosesy. Nanomboka ny maraina ka mandra-paharivan’ny andro dia nijajirika teo ny olona mba hahazo miseho eo anatrehan’i Mosesy.

Eksodosy 2:16

Nanan-janaka fito mirahavavy ny mpisorona Jetrao tao Midiana. Tonga hantsaka rano ireo ary hameno ny tavin-drano mba hampisotroana ny ondry aman’osin-drainy.

Eksodosy 2:20

Ary hoy i Rehoela tamin’ny zanany vavy: –Aiza anefa izany lehilahy izany? Nahoana izy no nilaozanareo any? Ndeha alao izy mba hiara-misakafo amintsika.

Eksodosy 20:24

Alitara tany no hataonareo ho Ahy, ary eo amboniny no hanoloranareo ho Ahy ny ondry aman’osinareo sy ny ombinareo ho sorona dorana manontolo sy ho sorom-pihavanana. Ary Izaho dia ho tonga hitahy anareo amin’ny toerana rehetra izay anehoako ny fanatrehako.

Eksodosy 24:11

Tsy namely ireto olo-manga israelita ireto Andriamanitra, ka afaka nijery Azy ry zareo sady nihinana sy nisotro.

Eksodosy 24:5

Naniraka tovolahy israelita izy mba hanolotra sorona dorana manontolo ho an’ny TOMPO sady hitondra ombilahy hatao sorom-pihavanana.

Eksodosy 3:1

Niandry ny ondrin’i Jetrao rafozany, mpisorona tao Midiana i Mosesy. Indray andro, rehefa avy nitondra ny ondry aman’osy tany ankoatra ny taniefitra izy, dia tonga tao Hôreba tendrombohitr’Andriamanitra.

Eksodosy 33:7

Isak’izay nilasy an-toby ny Israelita, dia nalain’i Mosesy ny tranolay masina ka naoriny teny ivelan’ny toby, teny lavidavitra. Nantsoina hoe Tranolay fihaonana izany, satria izay rehetra te hanontany ny TOMPO dia mivoaka ny toby ka mankao amin’izany tranolay izany.

Daniela 10:3

Tsy nihinana sakafo matsiro aho, ary tsy nanendry hena sy divay sady tsy nihosotra zava-manitra mandra-pahatapitr’ireo telo herinandro ireo.

Nomery 10:29

Hoy i Mosesy tamin’i Hôbaba zanakalahin’i Rehoela izay terak’i Midiana sady rafozandahin’i Mosesy: –Mandeha hankany amin’ny tany izay nolazain’ny TOMPO homena anay izahay. Ndeha hiaraka aminay ianao fa homenay anjara amin’ny zava-tsoa nampanantenain’ny TOMPO ho an’i Israely.

Lioka 14:1

Indray sabata, nandroso hisakafo tao an-tranon’izay lohandohan’ny Farisianina izay i Jesoa, ka notsikilovin-dry zareo fatratra.

Lioka 14:15

Nandre izany ny anankiray tamin’ireo mpiara-misakafo teo ka niteny tamin’i Jesoa hoe: –Sambatra izay handray anjara amin’ilay fanasambe any amin’ny Fanjakàn’Andriamanitra!

1Korintiana 10:18

Jereo ny vahoaka Israely ara-tantara: Ireo mihinana amin’ny fanatitra atao sorona dia miombona amin’Andriamanitra Izay nanokanana ny alitara fisoronana.

1Korintiana 10:21

Tsy azonareo atao ny hisotro ny fisotro aroson’ny Tompo no sady hisotro ny fisotro aroson’ny demony; tsy azonareo atao ny hiombona anjara amin’ny sakafo aroson’ny Tompo no sady hiombona anjara amin’ny sakafo aroson’ny demony.

1Korintiana 10:31

Koa na mihinana na misotro ianareo, eny, na inona na inona ataonareo, dia ataovy ho voninahitr’Andriamanitra ny zavatra rehetra.

Deoteronomia 12:7

Ao ianareo sy ny ankohonanareo no hanao sakafo sy hifaly eo anoloan’ny Toeramasin’ilay TOMPO Andriamanitrareo noho ny fiharian-karena rehetra nitahiany anareo.

Deoteronomia 27:7

Hanolotra sorom-pihavanana koa ianareo, ka hihinana eo an-toerana sady hifaly eo anatrehan’ny TOMPO Andriamanitrareo.