Eksodosy 18:1 - DIEM PROTESTANTA

¹ Ary ren’i Jetrao, mpisorona tao Midiàna sady rafozan-dahin’i Mosesy, izay rehetra nataon’ny TOMPO ho an’i Mosesy sy ilay Israely vahoakany, dia ny namoahany azy niala tany Ejipta.

Baiboly Protestanta Malagasy 2011

¹ Ary ren’i Jetro, rafozan’i Mosesy, mpisorona tany Midiana, izay rehetra nataon’Andriamanitra ho an’i Mosesy sy ny Israelita olony, dia ny nitondran’NY TOMPO ny Israely nivoaka avy tany Ejipta.

Dikateny Iombonana Eto Madagasikara

¹ Ary ren’i Jetrao, mpisorona tao Midiàna sady rafozan-dahin’i Mosesy, izay rehetra nataon’ny TOMPO ho an’i Mosesy sy ilay Israely vahoakany, dia ny namoahany azy niala tany Ejipta.

Baiboly Katolika

¹ Ren’i Jetrô, mpisorona ao Madiàna, rafozan’i Môizy, ny soa rehetra nataon’Andriamanitra tamin’i Môizy sy i Israely vahoakany, ny namoahan’i Iaveh an’i Israely tany Ejipta.

Baiboly Protestanta Malagasy

¹ ARY efa ren’i Jetro, mpisorona tao Midiana, rafozan’i Mosesy, izay rehetra nataon’Andriamanitra ho an’i Mosesy sy ny Isiraely olony, dia ny nitondran’i Jehovah ny Isiraely nivoaka avy tany Egypta.

Malagasy Bible

¹ Ary efa ren'i Jetro, mpisorona tao Midiana, rafozan'i Mosesy, izay rehetra nataon'Andriamanitra ho an'i Mosesy sy ny Isiraely olony, dia ny nitondran'i Jehovah ny Isiraely nivoaka avy tany Egypta.

La Bible en Malgache

¹ Ary ren’i Jetro, rafozan’i Mosesy, mpisorona tany Midiana, izay rehetra nataon’Andriamanitra ho an’i Mosesy sy ny Israelita olony, dia ny nitondran’NY TOMPO ny Israely nivoaka avy tany Ejipta.

Eksodosy 18:1 Rohy Ifampitohizana

Salamo 105:43

Dia navoakany ny vahoaka voafidiny, ka niravo sy nanao horakora-pifaliana;

Salamo 105:5

Tsarovy ny asa mahagaga nataony, dia ny zava-mahatalanjona vitany sy ny didim-pitsarana navoakany,

Salamo 106:2

Iza no afaka hilaza ny asa lehibe vitan’ny TOMPO ka hampanako ny fiderana manontolo sahaza Azy?

Salamo 34:2

Hisaotra ny TOMPO lalandava aho ary tsy hitsahatra hidera Azy ny vavako.

Salamo 44:1

Tao amin’ny tahirin-kiran’ny filohan’antoko-mpihira; tononkalo fananarana nataon’ireo terak’i Kôra.

Salamo 78:4

dia tsy hafeninay amin’ny zanakay koa; eny, hampitainay amin’ny taranaka ho avy ny zavatra tokony hiderana ny TOMPO ary koa ny asa mahery sy mahagaga nataony.

Eksodosy 2:16

Nanan-janaka fito mirahavavy ny mpisorona Jetrao tao Midiana. Tonga hantsaka rano ireo ary hameno ny tavin-drano mba hampisotroana ny ondry aman’osin-drainy.

Eksodosy 2:18

Nody tany amin’i Rehoela rainy izy fito mirahavavy, ka nanontaniany hoe: –Nahoana no nalaky nody ianareo androany?

Eksodosy 2:21

Nanaiky hipetraka tao amin’i Rehoela io i Mosesy. Nomen’ilay rangahy ho vadin’i Mosesy i Tsipôrà zanany vavy.

Eksodosy 3:1

Niandry ny ondrin’i Jetrao rafozany, mpisorona tao Midiana i Mosesy. Indray andro, rehefa avy nitondra ny ondry aman’osy tany ankoatra ny taniefitra izy, dia tonga tao Hôreba tendrombohitr’Andriamanitra.

Eksodosy 4:18

Nandeha niverina tany amin’i Jetrao rafozany i Mosesy ka nanao taminy hoe: –Mba avelao aho handeha hiverina any amin’ireo mpiray firenena amiko any Ejipta, hijery raha mbola velona ihany izy ireo na tsia. Dia hoy i Jetrao taminy: –Mandehana soa aman-tsara!

Eksodosy 6:6

Noho izany, dia lazao amin’ny Israelita hoe: «Izaho no TOMPO! Havoakako hiala amin’ny asa an-terivozona ampanaovin’ny Ejiptianina ianareo sy hoafahako amin’ny fanompoana azy; ka amin’ny heriko tsy hay tohaina sy amin’ny famaizana lehibe no hanavotako anareo.

Jeremia 33:9

Ary hahafaly Ahy ny hanonona ny anaran’i Jerosalema, ka ho voninahitro sy haingoko eo imason’ny firenen-kafa rehetra ambonin’ny tany izy. Ary rehefa handre ny soa rehetra izay hataoko amin’i Jerosalema, ireo firenena ireo, dia hangovitry ny tahotra manoloana ny soa rehetra sy ny fiadanam-be izay hataoko aminy.»

Zakaria 8:23

Amin’izay andro izay, hoy Izaho TOMPOn’izao rehetra izao, dia hisy vahiny folo izay samy hafa fiteny hihazona Jiosy iray amin’ny sisin’akanjony, ka hitambezo aminy hoe: ‹Mba te handeha hiaraka aminareo izahay, satria efa renay fa momba anareo Andriamanitra›.»

Nomery 10:29

Hoy i Mosesy tamin’i Hôbaba zanakalahin’i Rehoela izay terak’i Midiana sady rafozandahin’i Mosesy: –Mandeha hankany amin’ny tany izay nolazain’ny TOMPO homena anay izahay. Ndeha hiaraka aminay ianao fa homenay anjara amin’ny zava-tsoa nampanantenain’ny TOMPO ho an’i Israely.

Asan’ny Apostoly 14:27

Nony tonga tao Antiôkia izy roa lahy, dia namory ny Fiangonana, ka nitantara ny zavatra rehetra nampanaovin’Andriamanitra azy ary koa nitantara ny namohan’Andriamanitra varavarana ho an’ny hafa firenena mba hahazoany mino.

Asan’ny Apostoly 15:12

Dia nangina ny mpivory rehetra, ka nihaino an’i Barnabà sy i Paoly nitantara ny famantarana sy zava-mahagaga rehetra nampanaovin’Andriamanitra azy tany amin’ny hafa firenena.

Romana 15:18

Fa tsy misy sahiko lazaina, raha tsy izay notontosain’i Kristy tamin’ny alalako mba hitaomana ny hafa firenena hanaiky an’Andriamanitra: dia izay notontosain’i Kristy tamin’ny teny sy asa,

Josoa 2:10

Efa renay ny fomba nataon’ny TOMPO hanamainana ny Ranomasin’ny Volotara teo anoloan’ny razanareo niala tany Ejipta. Efa renay koa fa novonoinareo i Sihôna sy i Hôga izay mpanjaka amôrita anankiroa tany andafy atsinanan’i Jôrdàna ka nafoinareo ho an’ny TOMPO ny fananany rehetra.

Josoa 9:9

Dia novalian’ireo hoe: –Avy any an-tany lavitra be izahay, tompoko, no tonga noho ny lazan’ny TOMPO Andriamanitrareo; efa renay manko izay rehetra nataony tany Ejipta

Mpitsara 1:16

Ary ny Kenita, taranaky ny rafozan-dahin’i Mosesy, dia niainga avy tao Jerikao, tanàna be rofia. Niainga niaraka tamin’ny vatan-dehilahin’i Joda izy ka nandeha nanorim-ponenana tany amin’ny taniefitr’i Joda tao atsimon’i Harada ary niara-nonina tamin’ny Hamalekita.

Mpitsara 4:11

Tao akaikin’i Kedesa no nisy an’i Hebera lehilahy kenita. Noho izy tafasaraka tamin’ireo Kenita hafa taranak’i Hôbaba zaodahin’i Mosesy, dia nanorin-day teo akaikin’ny terebintan’i Tsahananîma izy.