Eksodosy 12:2 - DIEM PROTESTANTA

² «Ity volana ity aminareo no ho volana voalohany, ka izy no hataonareo fiandohan’ny taona.

Baiboly Protestanta Malagasy 2011

² Ity volana ity no volana voalohany ho anareo; ho volana voalohany amin’ny taona ho anareo izany.

Dikateny Iombonana Eto Madagasikara

² «Ity volana ity aminareo no ho volana voalohany, ka izy no hataonareo fiandohan’ny taona.

Baiboly Katolika

² «Ity volana ity no aoka ho fiandoham-bolana ho anareo; dia ho voaloham-bolana amin’ny taona izany ho anareo.

Baiboly Protestanta Malagasy

² Ity volana ity ho voaloham-bolana ho anareo; dia ho voaloham-bolana amin’ny taona ho anareo izy.

Malagasy Bible

² Ity volana ity ho voaloham-bolana ho anareo; dia ho voaloham-bolana amin'ny taona ho anareo izy.

La Bible en Malgache

² Ity volana ity no volana voalohany ho anareo; ho volana voalohany amin’ny taona ho anareo izany.

Eksodosy 12:2 Rohy Ifampitohizana

Estera 3:7

Tamin’ny taona faha-12 nanjakan’i Kserksesa, volana voalohany na volana Nisàna, no nanaovana ny antsapaka (atao hoe Porîma) teo anatrehan’i Hamàna hahafantarana ny fotoanandro tokony hanatanterahana izany; ka rehefa notetezina ny andro sy ny volana, dia ny volana faha-12 na volana Adara no voatondron’ny antsapaka.

Eksodosy 12:1

Hoy ny TOMPO tamin’i Mosesy sy Aharôna tany Ejipta hoe:

Eksodosy 12:18

Manomboka ny harivan’ny andro faha-14 amin’ny volana voalohany ka hatramin’ny harivan’ny andro faha-21 amin’ny volana no hihinananareo ny mofo tsy misy leviora.

Eksodosy 12:3

Ambarao amin’ny fiangonana israelita manontolo hoe: Amin’ny fahafolon’ity volana ity dia samia maka zanakondry iray avy isan-trano na isam-pianakaviana.

Eksodosy 13:3

Dia hoy i Mosesy tamin’ny vahoaka: –Tsarovy ity andro anio ity: Fa tamim-pahefana mahery no namoahan’ny TOMPO anareo hiala tany Ejipta izay toera-nanandevozana anareo. Koa rehefa mankalaza izany ianareo, dia aoka tsy hihinana mofo misy leviora.

Eksodosy 13:4

fa tahaka izao andro amin’ny volana Abiba izao no niainganareo.

Eksodosy 23:15

Ny fety voalohany hankalazainareo dia ny fetin’ny mofo tsy misy leviora: mandritra ny fito andro voatondro amin’ny volana Abiba no hihinananareo ny mofo tsy misy leviora araka izay efa nandidiako anareo. Tamin’io volana io manko no nialanareo tany Ejipta; koa aza miseho eo amin’ny alitarako mitondra tanam-polo.

Eksodosy 34:18

«Ankalazao ny fetin’ny mofo tsy misy leviora; mandritra ny fito andro voatondro amin’ny volana Abiba no hihinananareo ny mofo tsy misy leviora araka izay efa nandidiako anareo. Fa volana Abiba toy izany no nialanareo tany Ejipta.

Eksodosy 40:17

ka ny andro voalohany tamin’ny volana voalohany, taona faharoa taorian’ny nialany tany Ejipta, no nananganana ny fonena-masina.

Ezekiela 45:18

Izao koa no lazain’ny Tompo ANDRIANANAHARY: «Amin’ny andro voalohan’ny volana voalohany dia hatao sorona ny ombilahy iray tsy misy kilema mba hanadiovana ny Toeramasina.

Ezekiela 45:21

«Ny andro faha-14 amin’ny volana voalohany no hanombohanareo mankalaza ny fetin’ny Paska. Haharitra fito andro izany, ka mandritra izany no hihinananareo mofo tsy misy leviora.

Levitikosy 23:5

«Ny volana voalohany, andro faha-14, rehefa hariva, dia fankalazana ny Paska hanajana Ahy TOMPO.

Nomery 28:16

«Ny andro faha-14, amin’ny volana voalohany isan-taona, no hankalazana ny fetin’ny Paska, ho voninahitry ny TOMPO.

Deoteronomia 16:1

Tandremo fa amin’ny volana Abîba no hankalazanareo ny Paska ho fanajana ny TOMPO Andriamanitrareo. Volana Abîba manko no nitondran’ny TOMPO Andriamanitrareo anareo niala tany Ejipta tamin’ny alina.