Efesiana 2:3 - DIEM PROTESTANTA

³ Izahay rehetra koa dia anisan’ireo olona ireo, fa nanao fitondrantena araka ny filàndratsin’ny maha olona mpanota izahay fahiny ka nanao izay danin’ny kibo sy saim-pantatra. Noho izany toetranay izany, dia natao hiharan’ny fahatezeran’Andriamanitra tahaka ny hafa koa izahay.

Baiboly Protestanta Malagasy 2011

³ Teo amin’ireo no nitondrantsika rehetra tena koa fahiny tamin’ny filan’ny nofontsika ka nanaovantsika ny danin’ny nofo sy ny saina; ary araka ny toetsika dia voatendry ho amin’ny fahatezerana toy ny hafa koa isika.

Dikateny Iombonana Eto Madagasikara

³ Izahay rehetra koa dia anisan’ireo olona ireo, fa nanao fitondrantena araka ny filàndratsin’ny maha olona mpanota izahay fahiny ka nanao izay danin’ny kibo sy saim-pantatra. Noho izany toetranay izany, dia natao hiharan’ny fahatezeran’Andriamanitra tahaka ny hafa koa izahay.

Baiboly Katolika

³ Ary tsy misy hivoasana amin’izany koa no toetranay rehetra fony izahay nanaraka ny filàn’ny nofonay, sy niliba araka ny danin’ny kibo aman-tsaim-pantatray, ka dia zanaky ny fahatezerana toy ny sasany koa izahay, araka ny toetranay tamin’izany.

Baiboly Protestanta Malagasy

³ teo amin’ireo no nitondrantsika rehetra tena koa fahiny tamin’ny filan’ny nofontsika, ka nanaovantsika ny danin’ny nofo sy ny saina; ary araka ny toetsika dia zanaky ny fahatezerana toy ny sasany koa isika.

Malagasy Bible

³ teo amin'ireo no nitondrantsika rehetra tena koa fahiny tamin'ny filan'ny nofontsika, ka nanaovantsika ny danin'ny nofo sy ny saina; ary araka ny toetsika dia zanaky ny fahatezerana toy ny sasany koa isika.

La Bible en Malgache

³ Teo amin’ireo no nitondrantsika rehetra tena koa fahiny tamin’ny filan’ny nofontsika ka nanaovantsika ny danin’ny nofo sy ny saina; ary araka ny toetsika dia voatendry ho amin’ny fahatezerana toy ny hafa koa isika.

Efesiana 2:3 Rohy Ifampitohizana

Genesisy 5:3

Rehefa feno 130 taona i Adama, dia niteraka zazalahy manahaka azy sy mitovy endrika aminy ary nantsoiny hoe Seta.

Genesisy 6:5

Ary hitan’ny TOMPO fa nitombo haratsiana ny olombelona teto an-tany, ka ny faniriana rehetra tao am-pony dia nirona ho amin’ny ratsy ihany mandavanandro.

Genesisy 8:21

Ary nony ren’ny TOMPO ilay hanitra ankasitrahiny, dia hoy IZY anakampo hoe: «Tsy mba hanozona ny tany intsony Aho noho ny amin’ny olombelona. Eny, manomboka amin’ny fahatanorany, dia mirona ho amin’ny ratsy ny fon’ny olombelona; koa tsy hamely ny miaina rehetra intsony toy izay nataoko Aho.

Joba 14:4

Misy madio ateraky ny tsy madio ve? Tsy misy na dia iray akory aza.

Joba 25:4

Ahoana no hahamarina ny olombelona eo anatrehan’Andriamanitra? Ary ahoana no hahadio izay tera-behivavy?

Salamo 51:5

Eny, miaiky ny fahadisoako aho sady tsaroako lalandava ny fahotako.

Isaia 53:6

Isika rehetra dia tahaka ny ondry nania, fa samy efa nandeha tamin’ny lalantsika avy; ka nahatran’ny TOMPO tamin’ilay Mpanompony avokoa ny vokatry ny fahadisoantsika rehetra.

Marka 4:19

saingy ny fiahiana ny fiainana etoana sy ny fanodokan’ny harena ary ny fitsiriritana hafa rehetra, samy miditra ao aminy, ka mangeja ny teny tsy ho afa-mamoa.

Jaona 1:13

izy ireo dia nateraka tsy araka ny fomban’olombelona miankina amin’ny sitrapon-dehilahy, fa araka ny fomban’Andriamanitra.

Jaona 8:44

Ny devoly no ray niavianareo, ka ny filàndratsin’ny rainareo no satrinareo hatao. Ny devoly dia mpamono olona hatrany am-boalohany; ary tsy nitoetra tamin’ny marina izy, satria ny marina tsy ao aminy. Raha mandainga izy, dia miteny araka ny toetrany satria mpandainga izy sady rain’ny mpandainga.

Asan’ny Apostoly 14:16

Tamin’ny andro lasa dia navelan’Andriamanitra samy hanaraka ny lalana mahadiavolana ny fony avy ny firenena rehetra;

Romana 1:24

Izany no nanoloran’Andriamanitra ny olona ho andevozin’ny filàn’ny fony, ka handotoany tena amin’ny tsy fanao mahavoafady.

Romana 11:30

Fa ianareo tsy nanaiky an’Andriamanitra fahiny, nefa nahazo famindrampo kosa ankehitriny noho ny tsy faneken’ny Jiosy.

Romana 13:14

Fa itafio ny fiadian’i Jesoa Kristy Tompo, ka aza mety hotarihin’ny maha olona mpanota ho amin’ny filàndratsy.

Romana 2:14

Eny, tsy manana ny lalànan’i Mosesy ny hafa firenena; nefa raha misy amin’izy ireo manatanteraka fotsiny amin’izao ny voalazan’ny lalàna, dia izy ireo ihany no lalàna ho an’ny tenany, na dia tsy manana ny lalànan’i Mosesy aza.

Romana 5:10

Eny, fony fahavalon’Andriamanitra aza isika, dia nampihavanina taminy noho ny fahafatesan’ny Zanany; vao mainka izao isika efa nampihavanina tamin’Andriamanitra izao, dia tena hovonjena tokoa noho ny fahaveloman’ny Zanany.

Romana 5:9

Koa, amin’izao isika efa tonga olo-marina eo imason’Andriamanitra noho ny ra nafoin’i Kristy izao, dia vao mainka hovonjena amin’ny alalan’i Kristy tsy hiharan’ny fahatezeran’Andriamanitra.

Romana 6:12

Noho izany àry, dia aoka tsy havela hanjaka ao amin’ny tenanareo mety maty ny fahotana, ka tsy hanaraka ny filàny ianareo.

Romana 7:18

Satria ny tsara, fantatro fa tsy monina ato anatiko, izany hoe ao amin’ny maha olona mpanota ahy. Mba misy ato amiko ihany ny fikasana hanao ny tsara, fa ny fanatanterahana azy no tsy misy:

Romana 9:22

Na dia te haneho ny fahatezerany sy te hampahafantatra ny heriny aza Andriamanitra, dia be fahari-po ka nandefitra tamintsika izay fanaka mendrika hirehetan’ny fahatezerany sy tokony hosimbana.

1Korintiana 4:7

Iza moa no nanondrotra anao ho ambonin’ny sasany? Inona no anananao ka tsy noraisinao tamin’Andriamanitra? Ary raha nandray tamin’Andriamanitra ianao, nahoana no dia mirehareha hoatra ny tsy nandray?

2Korintiana 7:1

Koa raha manana ireo fampanantenana ireo isika, ry hava-malala, dia aoka isika hitandrin-tena hadio sy ho afaka amin’ny fahalotoana rehetra na ara-batana na ara-panahy, ka hiezaka ho masina tanteraka amin’ny fahatahorana an’Andriamanitra.

Galatiana 3:22

Kanefa voalazan’ny Soratra Masina fa voageja teo ambany fahefan’ny fahotana avokoa izao rehetra izao, hany ka ilay fanomezana nampanantenain’Andriamanitra dia hatolotra an’ireo mino, noho ny finoana niainan’i Jesoa Kristy.

Efesiana 2:2

Niaina araka ny fomban’izao tontolo izao ianareo; narahinareo ilay mpanapaka ny fahefana mifehy eny amin’ny rivotra, dia ilay fanahy izay miasa ankehitriny ao amin’ireo olona tsy manaiky an’Andriamanitra.

Efesiana 4:22

Noho izany aoka hialanareo ny toetrareo taloha nifandraika tamin’ny fitondrantenanareo fahiny, dia ilay toetra mihasimba noho ny fitaky ny filàndratsy.

Kolosiana 1:21

Ianareo koa dia lavitra an’Andriamanitra fahiny sady fahavalony, noho ny ratsy nosaininareo sy nataonareo.

1Tesaloniana 4:13

Ry havana, tianay ho fantatrareo ny marina momba ireo efa nodimandry mba tsy halahelovanareo toy ny olona sasany tsy manana fanantenana.

1Tesaloniana 5:6

Koa aza mba matory tahaka ny sasany, fa aoka hiambina sy hahonon-tena.

1Timoty 6:9

Fa izay te hanan-karena, dia voan’ny fakampanahy sy ny fandriky ny filàna maro tsy misy antony sady manimba, izay mandetika ny olona hihitsoka ao amin’ny fandringanana sy ny fahaverezana.

Titosy 3:3

Fa isika koa taloha mba adala, tsy nanaiky, naniasia; efa nandevozin’ny filàna sy fahafinaretana isan-karazany isika, lany andro tamin’ny haratsiam-panahy sy ny fialonana, sady ankahalain’olona no mankahala olona.

1Petera 1:14

Aoka ho fatra-panaiky an’Andriamanitra ianareo, ka aza manaraka ny filàndratsinareo fahiny, fony ianareo mbola tao anatin’ny tsy fahalalana.

2Petera 2:14

Ny haka vadin’olona ary ny tsy hitsaha-manota amin’izany no imasoany; ny mpino tsy miorina tsara, angoleny; ary liana fitiavan-karena loatra ny fony: eny, olona hiharan’ny loza nambaran’Andriamanitra ireo!

2Petera 2:18

Teny manodoka sy tsy misy heviny no ataony; ka ny filàndratsin’ny maha olona mpanota, dia ny fitondrantena maloto, no entiny mamitaka ny olona izay vao nandao ny fiainana diso lalana.

1Jaona 2:16

Satria ny zavatra rehetra izay ao amin’izao tontolo izao, izany hoe ny filàndratsin’ny maha olona mpanota sy ny fitsiriritan-javatra hitan’ny maso ary ny rehaka momba izao fiainana izao, dia tsy avy amin’ny Ray, fa avy amin’izao tontolo izao.

1Jaona 2:8

Didy vaovao ihany koa no soratako aminareo, dia ilay hita marina eo amin’i Kristy sy eo aminareo, satria misava ny haizina ary efa mamiratra ny fahazavana tena izy.