Deoteronomia 10:17 - DIEM PROTESTANTA

¹⁷ Ilay TOMPO Andriamanitrareo no Andriamanitry ny andriamanitra sy Tompon’ny tompo, Andriamanitra lehibe sy mahery ary mahatahotra, tsy mba mizaha tavan’olona na mandray kolikoly;

Baiboly Protestanta Malagasy 2011

¹⁷ Fa NY TOMPO Andriamanitrareo no Andriamanitry ny andriamanitra sy Tompon’ny tompo, Andriamanitra lehibe sy mahery ary mahatahotra, izay tsy mizaha tavan’olona na mandray kolikoly;

Dikateny Iombonana Eto Madagasikara

¹⁷ Ilay TOMPO Andriamanitrareo no Andriamanitry ny andriamanitra sy Tompon’ny tompo, Andriamanitra lehibe sy mahery ary mahatahotra, tsy mba mizaha tavan’olona na mandray kolikoly;

Baiboly Katolika

¹⁷ I Iaveh Andriamanitrareo no Andriamanitry ny andriamanitra, Tompon’ny tompo, Andriamanitra lehibe mahery sy mahatahotra, tsy mba mizaha tavan’olona, na mandray kolikoly,

Baiboly Protestanta Malagasy

¹⁷ Fa Jehovah Andriamanitrareo no Andriamanitra Avo Indrindra sy Tompon’ny tompo, Andriamanitra lehibe sy mahery ary mahatahotra, Izay tsy mizaha tavan’olona, na mandray kolikoly;

Malagasy Bible

¹⁷ Fa Jehovah Andriamanitrareo no Andriamanitra Avo Indrindra sy Tompon'ny tompo, Andriamanitra lehibe sy mahery ary mahatahotra, Izay tsy mizaha tavan'olona, na mandray kolikoly;

La Bible en Malgache

¹⁷ Fa NY TOMPO Andriamanitrareo no Andriamanitry ny andriamanitra sy Tompon’ny tompo, Andriamanitra lehibe sy mahery ary mahatahotra, izay tsy mizaha tavan’olona na mandray kolikoly;

Deoteronomia 10:17 Rohy Ifampitohizana

2Tantara 19:7

Koa ho ao aminareo anie ny fanajana ny TOMPO! Tandremo sy ataovy izany, fa tsy tia heloka na fizahan-tavan’olona na fandraisan-kolikoly ny TOMPO Andriamanitsika.

Nehemia 1:5

ka nanao hoe: –Indrisy, ry TOMPO Andriamanitry ny lanitra, Andriamanitra lehibe sy mahatahotra! Mitandro ny fanekempihavanana sy famindrampo Ianao amin’izay mitia Anao sy mitandrina ny didinao;

Nehemia 4:14

Na aiza na aiza ianareo no mandre ny feon’anjomara, dia mivoria atỳ aminay; fa Andriamanitra no hiady ho antsika!

Nehemia 9:32

Koa ankehitriny, ry Andriamanitra ô, lehibe sady mahery no mahatahotra Ianao, ary mitandro ny fanekempihavananao sy fitiavanao. Aoka re tsy ho zavatra kely eo imasonao ny fahoriana rehetra efa nanjo ny vahoakanao tsivakivolo dia ny mpanjakanay sy mpanapaka anay, ny mpisoronay sy mpaminaninay, ary ny razanay mbamin’ny tenanay, manomboka tamin’ny andron’ireo mpanjakan’i Asiria ka mandrak’izao andro anio izao!

Joba 34:19

Tsy mitongilana amin’ny lehibe Izy na mampandefitra ny mahantra eo anoloan’ny mpanankarena, fa asan’ny tanany avokoa izy rehetra.

Salamo 99:3

Aoka ireo hidera ny anaranao izay lehibe sy mampitolagaga, satria masina tokoa Ianao!

Eksodosy 23:8

Aza mandray tsolotra fa ny tsolotra no mahajamba ny mason’ny mahiratra sy mamadika ny tenin’ny olo-marina.

Isaia 37:16

Ry TOMPOn’izao rehetra izao sady Andriamanitr’i Israely ô, Ianao Izay mipetraka eo ambony kerobima, Ianao irery no Andriamanitry ny fanjakana rehetra eto an-tany, satria Ianao no nanao ny lanitra sy ny tany.

Isaia 9:6

Hanao izay hanitarana ny fahefàny izy ary hampisy fiadanana tsy misy fetra. Ny sezafiandrianan’i Davida no hipetrahany ary ny fanjakany no hofeheziny ka haoriny sy hohamafisiny amin’ny rariny sy ny hitsiny, hatramin’izao ka ho mandrakizay. Izany no hotanterahin’ny TOMPOn’izao rehetra izao, vokatry ny firedaredam-pitiavany.

Jeremia 20:11

Kanefa Ianao, TOMPO ô, dia miaraka amiko hatrany toy ny mpiady ikoizana. Koa ireo mpanenjika ahy no ho lavo fa tsy haharesy ahy. Ho menatra izy satria tsy hahomby; fahafaham-baràka mandrakizay tsy hohadinoina izany.

Jeremia 32:18

Maneho fitiavana hatramin’ny taranaka faharivo Ianao; fa raha misy nanao fahadisoana kosa ny ray aman-dreny, dia ny zanany no asainao mizaka ny vokatr’izany. Andriamanitra lehibe sy mahery Ianao, ary TOMPOn’izao rehetra izao no anaranao.

Daniela 11:36

«Ary ny mpanjaka hanao araka izay sitrapony; dia hanandra-tena sy hihevi-tena ho ambonin’ny andriamanitra rehetra ka hiteny zava-mampivarahontsana hanohitra an’ilay Andriamanitry ny andriamanitra. Ary hanam-pahombiazana izy ambara-pihatran’ny fahatezeran’Andriamanitra, satria ho tanteraka izay efa voatendry.

Daniela 2:45

Izany no ambaran’ilay vato izay hitanao niendaka tamina tendrombohitra nefa tsy nendahan-tanana, ka nanapotika ny vy sy halimo mbamin’ny tanimanga sy volafotsy ary volamena. Nampahafantarin’Andriamanitra lehibe anao, ry mpanjaka ô, izay hiseho amin’ny hoavy. Tena marina ny nofinao ary azo antoka ny heviny.»

Daniela 2:47

Izay ny mpanjaka vao namaly an’i Daniela ka nanao hoe: –Marina tokoa fa ny Andriamanitrareo no Andriamanitry ny andriamanitra sy Tompon’ny mpanjaka ary mpanambara ny zava-miafina, matoa afaka nanambara tamiko izany zava-miafina izany ianao.

Marka 12:14

ka nony tonga teo ry zareo, dia nanao taminy hoe: –Mpampianatra ô, fantatray fa milaza ny marina Ianao sady tsy mampaninona anao izay mety ho hevitry ny hafa, ary tsy mizaha tavan’olona Ianao fa mampianatra tsotra ny lalana soritan’Andriamanitra. Koa azonay atao ve ny mandoa hetra ho an’ny amperôra rômanina sa tsia? Tokony handoa izahay sa tsy handoa?

Asan’ny Apostoly 10:34

Dia niteny i Petera ka nanao hoe: –Azoko tsara ankehitriny, fa tsy mba mijery tavan’olona Andriamanitra.

Romana 2:11

Fa tsy mba mizaha tavan’olona Andriamanitra.

Galatiana 2:6

Ireo noheverina ho tena tompon’andraikitra kosa, – na ahoana na ahoana fahefàny, dia tsy mampaninona ahy izany, satria Andriamanitra tsy mba mizaha tavan’olona! –, ireo tompon’andraikitra dia tsy nandidy ahy hampihatra fepetra hafa na inona na inona.

Efesiana 6:9

Ary ianareo tompo, manaova toy izany koa amin’ny mpanomponareo, ka atsaharo ny fandrahonana; satria fantatrareo fa na ianareo, na ny mpanomponareo, dia samy an’ilay Tompo Izay monina ao an-danitra sady tsy mba mizaha tavan’olona.

Deoteronomia 1:17

Aza mizaha tavan’olona amin’ny fitsarana, fa henoy na ny kely na ny lehibe; aza matahotra olona akory, fa an’Andriamanitra ny fitsarana.»

Deoteronomia 16:19

Aza manao fitsarana miangatra, aza mizaha tavan’olona, ary aza mandray kolikoly; fa ny kolikoly mahajamba ny mason’ny hendry ka mampamadika ny raharahan’ny manan-drariny.

Deoteronomia 24:17

Aza manao fitsarana miangatra amin’ny vahiny sy ny kamboty ary aza maka ny fitafian’ny mpitondratena ho antoka.

Deoteronomia 27:25

«Ho voaozona anie izay mandray kolikoly hahafaty olona tsy manan-tsiny!» Ary ny vahoaka rehetra hanao hoe: «Amen!»

Deoteronomia 7:21

Aza matahotra ireny firenena ireny ianareo, fa eo afovoanareo ilay TOMPO Andriamanitrareo, Andriamanitra lehibe sy mahatahotra.

Kolosiana 3:25

Fa izay manao ratsy dia hovaliana amin’izay ratsy nataony, fa tsy mba mizaha tavan’olona Andriamanitra.

1Timoty 6:15

Fa ny hisehoan’i Kristy, amin’ny fotoana voatendry, dia hotanterahin’Andriamanitra, ilay Andriana tokana sady loharanom-pahasambarana, ilay Mpanjakan’ny mpanjaka sady Tompon’ny Tompo:

Josoa 22:22

–Ny TOMPO no Andriamanitry ny andriamanitra, eny, ny TOMPO no Andriamanitry ny andriamanitra! Izy dia mahalala ary ny Israelita rehetra koa hahalala ny anton’ny nanorenanay io alitara io. Raha ho fikomiana na ho fivadihana amin’ny TOMPO izany, dia aoka tsy hovonjeny izahay anio!

1Petera 1:17

Ilay Andriamanitra, tsy mizaha tavan’olona fa mitsara ny tsirairay araka ny asany avy, dia antsoinareo hoe Ray; koa manàna fitondrantena feno fanajana Azy ianareo mandritra ny andro ivahinianareo etỳ an-tany.

Apokalipsy 17:14

Hiady amin’ny Zanakondry izy rehetra, nefa haharesy azy ny Zanakondry satria Izy no Tompon’ny tompo sy Mpanjakan’ny mpanjaka; ary haharesy miaraka amin’ny Zanakondry koa ireo olona voaantso sy voafidy, dia ireo mpino Azy.

Apokalipsy 19:16

Ary izao no anarana voasoratra teo amin’ny akanjobe nanarona ny feny: «Mpanjakan’ny mpanjaka sy Tompon’ny tompo.»