Deoteronomia 1:17 - DIEM PROTESTANTA

¹⁷ Aza mizaha tavan’olona amin’ny fitsarana, fa henoy na ny kely na ny lehibe; aza matahotra olona akory, fa an’Andriamanitra ny fitsarana.»

Baiboly Protestanta Malagasy 2011

¹⁷ Aza mizaha tavan’olona amin’ny fitsarana fa henoy toy ny lehibe ny kely; aza matahotra olona akory, fa an’Andriamanitra ny fitsarana; ary raha misy raharaha sarotra loatra aminareo dia ento etỳ amiko mba hohenoiko.

Dikateny Iombonana Eto Madagasikara

¹⁷ Aza mizaha tavan’olona amin’ny fitsarana, fa henoy na ny kely na ny lehibe; aza matahotra olona akory, fa an’Andriamanitra ny fitsarana.»

Baiboly Katolika

¹⁷ Aza mizaha tavan’olona amin’ny fitsarànareo; henoy toy ny lehibe ny kely; aza matahotra olona na iza na iza, fa an’Andriamanitra ny fitsarana; ary izay zavatra sarotra loatra aminareo, ento aty anatrehako ho henoko.

Baiboly Protestanta Malagasy

¹⁷ Aza mizaha tavan’olona amin’ny fitsarana, fa henoy ny kely toy ny lehibe; aza matahotra olona akory, fa an’Andriamanitra ny fitsarana; ary izay sarotra loatra aminareo dia ento etỳ amiko ka hohenoiko.

Malagasy Bible

¹⁷ Aza mizaha tavan'olona amin'ny fitsarana, fa henoy ny kely toy ny lehibe; aza matahotra olona akory, fa an'Andriamanitra ny fitsarana; ary izay sarotra loatra aminareo dia ento etỳ amiko ka hohenoiko.

La Bible en Malgache

¹⁷ Aza mizaha tavan’olona amin’ny fitsarana fa henoy toy ny lehibe ny kely; aza matahotra olona akory, fa an’Andriamanitra ny fitsarana; ary raha misy raharaha sarotra loatra aminareo dia ento etỳ amiko mba hohenoiko.

Deoteronomia 1:17 Rohy Ifampitohizana

Genesisy 18:25

Tsia, sanatria aminao ny hanao izany! Raha hovonoinao miaraka amin’ny meloka ny marina, dia hitovy ny marina sy ny meloka. Sanatria Anao izany! Ianao Izay mpitsara ny tany tontolo ve no tsy hitandro ny rariny.

2Samoela 14:14

Eny, tsy maintsy ho faty isika rehetra, ka ho tahaka ny rano raraka an-tany tsy azo raofina intsony. Saingy tsy mbola izany no irîn’Andriamanitra ho an’i Absalôma izao; ny heveriny kosa dia mba tsy ho lavitra Azy ilay voaroaka.

2Tantara 19:5

Nanendreny mpitsara tamin’ny isan-tanànamimanda eran’ny tanin’i Joda

2Tantara 19:6

sady nohafatrafarany hoe: –Tandremo izay hataonareo, satria tsy araka ny olona fa araka ny TOMPO no hitsaranareo; sady ny Tompo mihitsy no hiaraka aminareo rehefa mitsara ianareo.

Joba 31:34

Tsia, tsy natahotra ny vavam-bahoaka aho na nanahy ny fanaratsian’ny fokonolona, ka hoe hangina ary tsy sahy hivoaka ny trano.

Salamo 82:2

«Mandra-pahoviana no hanaovanareo fitsarà-mitanila ka hanafahanareo foana ny olon-dratsy? Fiatoana

Eksodosy 18:18

Samy ho reraka mihitsy na ianao na ireto olona tonga atỳ aminao. Mavesatra loatra aminao izao andraikitra izao ka tsy ho vitanao samirery!

Eksodosy 18:22

Ireo no hitsara ny vahoaka isan’andro, ka ny raharaha lehibe no hoentiny any aminao, fa ny raharaha madinika dia halaminy ihany. Amin’izay dia hihamaivana ny andraikitrao fa miara-mitondra aminao ireo.

Eksodosy 18:26

Ireo no nitsara ny vahoaka isan’andro amin’ny zavatra madinika mampifanolana azy; ny raharaha lehibe dia nentiny tany amin’i Mosesy, fa ny raharaha madinika dia nalaminy ihany.

Ohabolana 18:5

Tsy tsara ny miandany amin’ny olon-dratsy mba hahatonga ny marina ho resy amin’ny fitsarana.

Ohabolana 24:23

Izao koa dia mbola avy amin’ny hendry: Tsy tsara ny manao fitsarà-mitanila.

Ohabolana 28:21

Tsy tsara ny mizaha tavan’olona; kanefa na dia sombi-mofo ihany aza dia mety hanotan’ny olona amin’izany.

Ohabolana 29:25

Mampidi-doza ny fahatahorana olona; fa izay matoky ny TOMPO kosa no voaaro.

Jeremia 1:17

Fa ianao kosa, ry Jeremià, misikìna, mitsangàna ka ambarao azy izay rehetra nandidiako anao. Aza matahotra azy ianao fandrao hataoko raiki-tahotra eo anatrehany.

Levitikosy 19:15

«Aza manao izay tsy marina amin’ny fitsarana: ny mahantra, aza ananana tombom-pitia; ny lehibe, aza ananana hena-maso; fa ara-drariny no aoka hitsaranareo ny mpiray firenena aminareo.

Malakia 2:9

Koa dia hampirisihiko ny vahoakan’i Israely rehetra haniratsira sy hanao tsinontsinona anareo, satria tsy nitandrina ny sori-dalako ianareo sady nizaha tavan’olona tamin’izay fanapahan-kevitrareo».

Matio 22:16

Ary naniraka ny mpianany mbamin’ny Herôdianina ry zareo ho any amin’i Jesoa, ka hoy ireto iraka hoe: –Mpampianatra ô, fantatray fa olo-marina Ianao ary mampianatra tsotra ny lalana soritan’Andriamanitra; sady tsy mampaninona Anao izay mety ho hevitry ny hafa, satria tsy mizaha tavan’olona Ianao.

Marka 12:14

ka nony tonga teo ry zareo, dia nanao taminy hoe: –Mpampianatra ô, fantatray fa milaza ny marina Ianao sady tsy mampaninona anao izay mety ho hevitry ny hafa, ary tsy mizaha tavan’olona Ianao fa mampianatra tsotra ny lalana soritan’Andriamanitra. Koa azonay atao ve ny mandoa hetra ho an’ny amperôra rômanina sa tsia? Tokony handoa izahay sa tsy handoa?

Lioka 20:21

Dia nanontanian’ireo iraka i Jesoa nataony hoe: –Mpampianatra ô, fantatray fa mahitsy fiteny sy fampianatra Ianao sady tsy mizaha tavan’olona fa mampianatra tsotra ny lalana soritan’Andriamanitra.

Romana 2:11

Fa tsy mba mizaha tavan’olona Andriamanitra.

Efesiana 6:9

Ary ianareo tompo, manaova toy izany koa amin’ny mpanomponareo, ka atsaharo ny fandrahonana; satria fantatrareo fa na ianareo, na ny mpanomponareo, dia samy an’ilay Tompo Izay monina ao an-danitra sady tsy mba mizaha tavan’olona.

Deoteronomia 10:17

Ilay TOMPO Andriamanitrareo no Andriamanitry ny andriamanitra sy Tompon’ny tompo, Andriamanitra lehibe sy mahery ary mahatahotra, tsy mba mizaha tavan’olona na mandray kolikoly;

Deoteronomia 16:19

Aza manao fitsarana miangatra, aza mizaha tavan’olona, ary aza mandray kolikoly; fa ny kolikoly mahajamba ny mason’ny hendry ka mampamadika ny raharahan’ny manan-drariny.

Deoteronomia 24:17

Aza manao fitsarana miangatra amin’ny vahiny sy ny kamboty ary aza maka ny fitafian’ny mpitondratena ho antoka.

Deoteronomia 25:1

Mety misy olona anankiroa manana ady ka mankeo amin’ny fitsarana; dia tsaraina izy roroa ka homen-drariny izay manan-drariny ary hohelohina kosa izay meloka.

Kolosiana 3:25

Fa izay manao ratsy dia hovaliana amin’izay ratsy nataony, fa tsy mba mizaha tavan’olona Andriamanitra.

1Tesaloniana 2:4

fa Andriamanitra no efa nizaha toetra anay ka nanankina taminay ny Vaovao Mahafaly, ary dia araka izany no itenenanay: tsy mila sitraka amin’olombelona izahay, fa amin’Andriamanitra Izay mizaha toetra ny fonay.

Jakoba 2:9

Kanefa raha mijery tavan’olona ianareo, dia manota sady mpandika ny lalàna ka melohiny.

1Petera 1:17

Ilay Andriamanitra, tsy mizaha tavan’olona fa mitsara ny tsirairay araka ny asany avy, dia antsoinareo hoe Ray; koa manàna fitondrantena feno fanajana Azy ianareo mandritra ny andro ivahinianareo etỳ an-tany.

1Samoela 16:7

Nefa hoy ny TOMPO taminy: «Aza sodokan’ny tarehiny sy ny tsanganany ianao, fa tsy nifidy azy Aho akory. Tsy mba mitsara toy izay ataon’olombelona Aho. Ny olona mijery ivelany fotsiny ihany, fa Izaho TOMPO kosa mahita hatramin’ny atin’ny fo.»

1Samoela 2:25

Raha diso amin’ny olona toa azy ny olona iray, dia Andriamanitra no hitsara ny adiny; fa raha diso amin’ny TOMPO kosa ny olona iray, dia mba iza àry no hitsara? Tsy noraharahain’izy ireo anefa izany tenin-drainy izany, satria efa sitraky ny TOMPO rahateo ny hahafaty azy.