Daniela 6:26 - DIEM PROTESTANTA

²⁶ Taorian’izany i Dariôsa mpanjaka dia nanoratra ho an’ny vahoaka avy amin’ny foko sy firenena ary samy hafa fiteny rehetra izay monina ambonin’ny tany tontolo hoe: –Hitombo anie ny fiadananareo!

Baiboly Protestanta Malagasy 2011

²⁶ Taorianan’izany dia nanoratra ho amin’ny fokom-pirenena sy ny firenena sy ny samihafa fiteny rehetra izay monina ambonin’ny tany rehetra i Dariosy mpanjaka hoe: Hitombo anie ny fiadananareo!

Dikateny Iombonana Eto Madagasikara

²⁶ Taorian’izany i Dariôsa mpanjaka dia nanoratra ho an’ny vahoaka avy amin’ny foko sy firenena ary samy hafa fiteny rehetra izay monina ambonin’ny tany tontolo hoe: –Hitombo anie ny fiadananareo!

Baiboly Protestanta Malagasy

²⁶ Tamin’izany Dariosa mpanjaka dia nanoratra ho amin’ny fokom-pirenena sy ny firenena sy ny samy hafa fiteny rehetra izay monina ambonin’ny tany rehetra hoe: Hitombo anie ny fiadananareo.

Malagasy Bible

²⁶ Tamin'izany Dariosa mpanjaka dia nanoratra ho amin'ny fokom-pirenena sy ny firenena sy ny samy hafa fiteny rehetra izay monina ambonin'ny tany rehetra hoe: Hitombo anie ny fiadananareo.

La Bible en Malgache

²⁶ Taorianan’izany dia nanoratra ho amin’ny fokom-pirenena sy ny firenena sy ny samihafa fiteny rehetra izay monina ambonin’ny tany rehetra i Dariosy mpanjaka hoe: Hitombo anie ny fiadananareo!

Daniela 6:26 Rohy Ifampitohizana

Ezra 1:3

Koa aoka ianareo rehetra anisan’ny vahoakan’ny Tompo mba hiakatra any Jerosalema, ao amin’ny tanin’i Joda, ka hanorina indray ny tranon’ny TOMPO Andriamanitr’i Israely, dia ilay Andriamanitra Izay ivavahana ao Jerosalema. Homba anareo anie ilay Andriamanitrareo!

Ezra 7:21

«Izaho, Artakserksesa amperôra, dia manao izao didy izao ho anareo rehetra mpitahiry harem-panjakana any andafy andrefan’ny ony Eofrata; iny i Hezrà mpisorona, izay mpahay lalàna fatra-pahalala ny lalànan’ilay Andriamanitry ny lanitra; na inona na inona ilainy ka takîny aminareo, dia hotanterahina tsy misy tomika izany.

Salamo 119:120

Mihorohoro ny nofoko noho ny aminao, fa atahorako tokoa ny fitsipikao.

Salamo 146:10

Hanjaka mandrakizay ny TOMPO, dia ny Andriamanitrao, ry Tsiôna ô, amin’ny taona mifandimby. Haleloià!

Salamo 2:11

Tompoy amin-tahotra ny TOMPO ary ekeo amin-kovitra ny fahefàny, fandrao hirehitra tampoka ny hatezerany ka ho fatin’ny fikasanareo ianareo. Sambatra izay rehetra mialoka aminy.

Salamo 29:10

Ny TOMPO no mitoetra ho mpifehy na dia ny rano tsy hita faritra aza; mitoetra ho mpanjaka mandrakizay IZY.

Salamo 42:2

Tahaka ny diera maniry ranovelona no aniriako Anao, Andriamanitra ô.

Isaia 66:2

Fa izao rehetra izao dia nataon’ny tanako, ka dia Ahy avokoa izao rehetra izao; teny hentitra avy amiko TOMPO izany. Kanefa ny olona tsinjoviko dia ny mahantra sy ny torotoro fanahy ary ny mandray ny teniko amin-kovitra.

Isaia 9:7

Namoaka didim-pitsarana ny Tompo ho fanoherana ny taranak’i Jakôba, ka ny fanjakan’i Israely no niharan’izany.

Jeremia 10:10

Fa ny TOMPO kosa no tena Andriamanitra, Andriamanitra velona sy Mpanjaka mandrakizay. Rehefa tezitra Izy, dia mihorohoro ny tany; ary ny firenena dia tsy mahatanty ny fahavinirany.

Daniela 2:44

«Amin’ny andron’ireo mpanjaka ireo ilay Andriamanitry ny lanitra no hanangana fanjakana izay tsy ho rava na oviana na oviana; ary ny fiandrianany tsy ho lasan’ny firenen-kafa. Io fanjakana io no hanorotoro sy handevona ireo fanjakana rehetra talohany, fa izy kosa hitoetra mandrakizay.

Daniela 3:29

Noho izany dia mamoaka izao didy izao ho an’ny foko sy firenena ary samy hafa fiteny rehetra aho hoe: «Izay manao teny tsy voahevitra ny amin’ny Andriamanitr’i Sadràka sy i Mesàka ary i Habeda-Negao dia hotetitetehina ary hatao fanariam-pako ny tranony; fa tsy misy andriamani-kafa mahavonjy tahaka izao.»

Daniela 4:3

Ary nanome baiko aho mba hoentina eo anatrehako avokoa ny olon-kendrin’i Babilôna rehetra hampahafantatra ahy ny hevitry ny nofy.

Daniela 4:34

Koa ankehitriny, izaho Nebokadnetsara dia midera sy mankalaza ary manome voninahitra ilay Mpanjakan’ny lanitra; fa marina izay ataony rehetra, mahitsy ny asany rehetra. Ary hainy aetry aza izay mitondra tena amim-piavonavonana.

Daniela 6:20

Fa raha vao nangiran-dratsy ny andro, dia nifoha ny mpanjaka ka nandeha faingana nankany amin’ny lavaky ny liona.

Daniela 7:14

Ary nomena azy ny fanapahana sy ny voninahitra ary ny fanjakana, mba hanompo azy ny foko sy firenena ary ny samy hafa fiteny rehetra. Ny fanapahany dia haharitra mandrakizay ka tsy hanam-petra, ary ny fanjakany tsy ho rava na oviana na oviana.

Daniela 7:27

Ny fahefà-manjaka sy ny fiandrianana ary ny fahalehibiazan’ny fanjakana rehetra eny ambanin’ny lanitra dia homena ny vahoakan’ilay Andriamanitra Avo Indrindra; ka ny fahefà-manjakan’io vahoaka io dia haharitra mandrakizay ary ny fiandrianana rehetra dia hanompo sy hankato azy.

Malakia 3:6

«Eny, Izaho TOMPO dia tsy miova; fa tsy mitsahatra kosa ny maha taranak’i Jakôba anareo.

Matio 6:13

aza avela ho azon’ny fakampanahy izahay, fa manafaha anay amin’ilay Ratsy! [Anao ny fanjakana sy ny hery, Anao ny voninahitra mandrakizay! *Amen.]

Lioka 1:33

dia hanjaka mandrakizay amin’ny vahoaka Israely Izy ary tsy hanam-pahataperana ny Fanjakàny.

Lioka 12:5

Fa hasehoko anareo izay tokony hatahoranareo: matahora an’Andriamanitra Izay manam-pahefana hamarina anareo any amin’ny lohasahan’afo rehefa novonoiny ianareo; eny, hoy Aho aminareo, Izy ihany no atahory.

Asan’ny Apostoly 17:25

Tsy hoe orin-javatra Andriamanitra ka tompoin’olombelona, satria Izy ihany no manome ny aina sy ny fofon’aina mbamin’ny zavatra rehetra ho an’ny olombelona tsy an-kanavaka.

Romana 9:26

Ary eo amin’ny toerana nilazana taminy hoe: ‹tsy vahoakako ianareo›, dia eo indrindra no hiantsoana azy hoe: ‹zanak’Andriamanitra velona›. »

Deoteronomia 5:26

Satria iza moa tamin’ny olombelona rehetra no efa nandre tahaka anay ny feon’ilay Andriamanitra velona niteny avy tao anatin’ny afo, ka velona aina ihany?

1Tesaloniana 1:9

Fa izy rehetra dia milaza ny momba anay ka mitantara ny nidiranay tatỳ aminareo sy ny nialanareo tamin’ny sampinareo ka nitodihanareo tamin’Andriamanitra, mba hanompoanareo ilay Andriamanitra velona sady marina.

Hebreo 12:29

fa ilay Andriamanitsika dia afo mandevona.

Jakoba 1:17

ny fanomezan-tsoa rehetra sy ny fanomezana lavorary rehetra dia avy any ambony, ka midina avy amin’Andriamanitra Ray, mpahary ny fanazavana eny amin’ny habakabaka, Ilay tsy manam-piovaovana ary tsy misy aloka avy amin’ny fihodinana.

Apokalipsy 11:15

Dia nitsoka trompetra ny anjely fahafito, ka nisy feo mahery tany an-danitra nanao hoe: «Efa lasan’ny Tompontsika sy ilay Mesiany ny fanjakana amin’izao tontolo izao, ka ho fanjakana maharitra mandrakizay izany!»

Apokalipsy 4:10

dia miankohoka eo anoloan’Ilay mipetraka eo ambony sezafiandrianana afovoany koa ireo loholona 24, mitsaoka ilay Velona mandrakizay mandrakizay sady manipy ny satroboninahiny eo anoloan’ilay sezafiandrianana ka manao hoe:

Apokalipsy 5:14

Dia novalian’ny zava-miaina efatra hoe: «Amen!» Ary ny loholona kosa niankohoka sy nitsaoka.

1Samoela 17:26

Dia hoy i Davida tamin’ny miaramila iray teo akaikiny: –Hatao ahoana tsara hoe izay maharesy io Filistinina io ka mahafaka an’i Israely amin’izao fahafaham-baràkany izao? Fa iza moa io Filistinina mpanompo sampy io no sahy mihantsy ny tafik’ilay Andriamanitra velona?

1Samoela 17:36

Raha izany no nahafatesan’ny mpanomponao ny liona sy ny bera, dia ho tahaka izany koa no hanjo io Filistinina mpanompo sampy io, satria nihantsy ny tafik’ilay Andriamanitra velona izy.