Daniela 4:32 - DIEM PROTESTANTA

³² Ny mponina rehetra etỳ an-tany dia tsinontsinona ihany eo anoloany; araka izay sitrapony no ataony amin’ny anjely any an-danitra sy amin’ny mponina etỳ an-tany; tsy misy afaka manohitra ny fahefàny na manome tsiny azy amin’izay ataony.

Baiboly Protestanta Malagasy 2011

³² ary ny mponina rehetra etỳ an-tany dia hatao tsinontsinona. Manao izay sitrapony amin’ireo tafika any an-danitra sy amin’ny mponina etỳ an-tany Izy. Ary tsy misy mahasakana Azy na miteny Aminy hoe: Inona ity ataonao?

Dikateny Iombonana Eto Madagasikara

³² Ny mponina rehetra etỳ an-tany dia tsinontsinona ihany eo anoloany; araka izay sitrapony no ataony amin’ny anjely any an-danitra sy amin’ny mponina etỳ an-tany; tsy misy afaka manohitra ny fahefàny na manome tsiny azy amin’izay ataony.

Baiboly Protestanta Malagasy

³² ary ny mponina rehetra etỳ an-tany hatao tsinontsinona; ary manao izay sitrapony amin’ireo maro be any an-danitra sy amin’ny mponina etỳ an-tany Izy; ary tsy misy mahasakana Azy, na manao aminy hoe: Inona no ataonao?

Malagasy Bible

³² ary ny mponina rehetra etỳ an-tany hatao tsinontsinona; ary manao izay sitrapony amin'ireo maro be any an-danitra sy amin'ny mponina etỳ an-tany Izy; ary tsy misy mahasakana Azy, na manao aminy hoe: Inona no ataonao?

La Bible en Malgache

³² ary ny mponina rehetra etỳ an-tany dia hatao tsinontsinona. Manao izay sitrapony amin’ireo tafika any an-danitra sy amin’ny mponina etỳ an-tany Izy. Ary tsy misy mahasakana Azy na miteny Aminy hoe: Inona ity ataonao?

Daniela 4:32 Rohy Ifampitohizana

2Tantara 33:13

ka nifona taminy. Dia nandeferan’ny TOMPO izy sy nohenoiny vavaka ary nampodîny ho any Jerosalema hanohy ny maha mpanjaka azy. Tamin’izay no nieken’i Manase fa ny TOMPO no hany Andriamanitra.

Joba 42:2

Fantatro fa mahay ny zava-drehetra Ianao, ary tsy misy maharara izay tianao hatao.

Joba 9:12

Raha misy zavatra voatazony, zovy no hampamotsotra azy an’izany? Zovy no hiteny aminy hoe: «Inona ity ataonao?»

Salamo 115:3

Ilay Andriamanitray dia any an-danitra, ka efany avokoa izay tiany hatao.

Salamo 135:6

Izay sitraky ny TOMPO, ataony avokoa na any an-danitra na etỳ an-tany, na any an-dranomasina sy any an-drano lalimbe.

Eksodosy 8:10

Nangonina ho an-tokotokony maro ireny, ka nanamaimbo ny tany.

Eksodosy 9:14

Fa amin’ity indray mandeha ity dia halefako hamely anao sy ny mpanomponao ary ny vahoakanao ny loza rehetra mba ho fantatrao fa tsy misy tahaka ahy eto ambonin’ny tany.

Eksodosy 9:29

Dia namaly azy i Mosesy hoe: –Raha vao mivoaka ny tanàna aho, dia hanandra-tanana amin’ny TOMPO hivavaka. Hitsahatra ny kotroka ary tsy hisy intsony ny havandra, mba hahafantaranao fa an’ny TOMPO ny tany.

Isaia 37:20

Fa ankehitriny kosa, ry TOMPO Andriamanitray ô, vonjeo tsy ho azon’ny tanan’i Saneheriba izahay mba hahafantaran’ny fanjakana rehetra etỳ an-tany fa Ianao irery ihany no TOMPO.»

Isaia 40:15

Eo anatrehan’ny TOMPO, indreo ny firenena fa toy ny rano indray mitete avy amin’ny siny, na toy ny fasika madinika iray eo ambony mizana; ary indreo ny mponina any amin’ny nosy fa ingaina toy ny vovotany maivan-kely.

Isaia 40:17

Toy ny tsinontsinona ny firenen-drehetra eo anatrehan’ny TOMPO; toy ny tsy misy sady zava-poana ireny aminy.

Isaia 45:3

Homeko anao ny raki-tsoany napetrany tao amin’ny toerana maizina sy ny harena nafeniny ao amin’ny mangingina, mba hahafantaranao fa Izaho no TOMPO Izay miantso anao amin’ny anaranao; Izaho no Andriamanitr’i Israely.

Jeremia 27:5

Izaho no nanao ny tany sy ny olona ary ny biby eny ambonin’ny tany tamin-kery lehibe sy tamim-pahefana tsy hay tohaina, ka manome azy ho an’izay tiako.

Daniela 2:21

Izy no tompon’ny fotoana sy ny tantara; Izy no manonga-mpanjaka sy mananga-mpanjaka; Izy no manome ny fahendrena ho an’ny hendry ary ny fahaiza-manavaka ho an’ny mahira-tsaina.

Daniela 4:31

Rehefa tapitra ny fetr’andro, izaho Nebokadnetsara dia niandrandra ny lanitra; ka nody tamiko indray ny saiko. Nisaotra ny Avo Indrindra Izay velona mandrakizay aho, ary nidera sy nankalaza Azy fa ny fanapahany dia maharitra mandrakizay ary ny fanjakany dia mihatra amin’ny taranaka mifandimby.

Daniela 5:21

Noroahina hiala teo amin’ny olombelona izy, nanam-pironana tahaka ny an’ny biby, niara-nonina tamin’ny borikidia ary nihinana ahitra toy ny omby; sady kotsan’ny ando ny tenany, ambara-piekeny fa Andriamanitra Avo Indrindra no manapaka amin’ny fanjakan’ny olombelona ary manendry izay tiany hanjaka aminy.

Josoa 4:24

Izany no hahafantaran’ny firenena rehetra ambonin’ny tany fa lehibe ny herin’ny TOMPO, ary hanajanareo mandrakizay ny TOMPO Andriamanitrareo!