2Timoty 2:19 - DIEM PROTESTANTA

¹⁹ Kanefa ny fanorenana mafy nataon’Andriamanitra dia miorina tsara sady voasokitra eo ny teny hoe: «Fantatry ny Tompo ireo Azy», sy ny hoe «Aoka hiala amin’ny ratsy avokoa ny olona rehetra mitonona ho mpanaja ny Tompo!»

Baiboly Protestanta Malagasy 2011

¹⁹ Kanefa ny fanorenana mafy nataon’Andriamanitra dia miorina tsara sady manana izao tombo-kase izao: Ny Tompo mahalala ny azy, ary koa: Aoka ny olona rehetra izay manonona ny anaran’ny Tompo hiala amin’ny ratsy.

Dikateny Iombonana Eto Madagasikara

¹⁹ Kanefa ny fanorenana mafy nataon’Andriamanitra dia miorina tsara sady voasokitra eo ny teny hoe: «Fantatry ny Tompo ireo Azy», sy ny hoe «Aoka hiala amin’ny ratsy avokoa ny olona rehetra mitonona ho mpanaja ny Tompo!»

Baiboly Katolika

¹⁹ Tsara orina anefa ny fanorenana mafy nataon’Andriamanitra, sady voaisy tombokase hoe: Fantatry ny Tompo ny Azy, sy hoe: Aoka hiala amin’ny ratsy izay rehetra manonona ny Anaran’ny Tompo.

Baiboly Protestanta Malagasy

¹⁹ Kanefa ny fanorenana mafy nataon’Andriamanitra dia miorina tsara sady manana izao tombo-kase izao: ,,Ny Tompo mahalala ny azy’’, ary koa: ,,Aoka ny olona rehetra izay manonona ny anaran’ny Tompo hiala amin’ny ratsy.’’

Malagasy Bible

¹⁹ Kanefa ny fanorenana mafy nataon'Andriamanitra dia miorina tsara sady manana izao tombo-kase izao: "Ny Tompo mahalala ny azy", ary koa: "Aoka ny olona rehetra izay manonona ny anaran'ny Tompo hiala amin'ny ratsy."

La Bible en Malgache

¹⁹ Kanefa ny fanorenana mafy nataon’Andriamanitra dia miorina tsara sady manana izao tombo-kase izao: Ny Tompo mahalala ny azy, ary koa: Aoka ny olona rehetra izay manonona ny anaran’ny Tompo hiala amin’ny ratsy.

2Timoty 2:19 Rohy Ifampitohizana

Joba 28:28

Dia hoy Andriamanitra tamin’ny olona: «Ny fanajana ny Tompo, izany no Fahendrena; ary ny fialana amin’ny ratsy no fahalalana.»

Salamo 1:6

Tsimbinin’ny TOMPO tokoa ny fiainan’ny olo-marina, fa ny an’ny olon-dratsy kosa mankamin’ny fahaverezana.

Salamo 112:6

Tsy hihontsona na oviana na oviana ny olo-marina; haharitra mandrakizay ny fahatsiarovana azy.

Salamo 34:14

dia tsy maintsy mitandrina tsy hiteny ratsy ary koa mitandrina tsy hilaza fitaka,

Salamo 37:18

Ny TOMPO mitsimbina ny fiainan’ny manan-tsiny, ka ny tany zara lovany dia ho azy mandrakizay.

Salamo 97:10

Ianareo fatra-pitia ny TOMPO, mankahalà ny ratsy fa miaro ny ain’ireo mpivavaka aminy Izy ka manafaka azy tsy ho voatanan’ny olon-dratsy.

Ohabolana 10:25

Rehefa mipaoka ny rivo-maherin’ny fitsapana, dia indaosiny tsy ho eo intsony ny olon-dratsy; fa mahatanty lalandava izany kosa ny olo-marina.

Ohabolana 3:7

Aza manao ny tenanao ho hendry, fa hajao ny TOMPO ka ialao ny ratsy.

Isaia 14:32

Koa inona no havaly ireo iraky ny Filistinina? –Izao ihany: Ny TOMPO no nanorina an’i Tsiôna ary ao no hialofan’ireo mahantra amin’ny vahoakany.

Isaia 28:16

Koa izao no lazain’ny Tompo ANDRIANANAHARY: «Indro Aho hametraka vato iray ao Tsiôna mba hizahan-toetra anareo, dia vato fehizoro sarobidy natao ho fanorenana mafy; ka izay matoky azy tsy hihontsina.

Isaia 63:19

Efa ela izahay no vahoaka tsy nofehezinao sady tsy niantsoana ny anaranao intsony! Enga anie hotriarinao ny lanitra mba hidinanao, ka hihorohoro eo anatrehanao ny tendrombohitra!

Isaia 65:15

Eo amin’ny olom-boafidiko dia hatao ohatra ny anaranareo amin’ny fomba fanozonana toy izao: «Hovonoin’ny Tompo ANDRIANANAHARY tahaka an-dRanona na Ranona anie ianao!» Ho fanasoavana ny mpanompoko kosa dia anarana hafa no hotononina aminy.

Ezekiela 9:4

ka nanao taminy hoe: «Mandehana mamakivaky eran’ny tanànan’i Jerosalema, ka asio marika eny an-kandrin’izay rehetra mitaraina sy malahelo noho ny fomba rehetra maharikoriko atao eo aminy.»

Nahoma 1:7

Fa tsara ny TOMPO, fialofana amin’ny andro mahory Izy. Izy no miahy izay mialoka aminy,

Hagay 2:23

Kanefa amin’izany andro izany, dia hotolorako andraikitra ianao, ry Zerobabela mpanompoko sady zanakalahin’i Sealtiela. Hataoko sarobidy toy ny peratra tombokase ianao, fa efa voafidiko hisolotena Ahy. Izany no fampanantenana hentitra avy amiko TOMPOn’izao rehetra izao.»

Zakaria 3:9

Eo anatrehan’i Josoa no ametrahako vato anankiray, dia vato tokana misy maso fito mamiratra. Indro hasiako soratra eo aminy, ary indray andro monja no hanesorako ny helok’ity tany ity, hoy ny teny hentitra avy amiko TOMPOn’izao rehetra izao.

Nomery 16:5

ka niteny tamin’i Kôra sy ny namany hoe: –Rahampitso dia hasehon’ny TOMPO izay Azy sy izay masina ary izay afaka manakaiky Azy; dia izay hofidiny no hampanakaikeziny Azy.

Nomery 6:27

Rehefa hanonona ny anarako amin’ny Israelita toy izany ny mpisorona, dia hitahy azy tokoa Aho.

Matio 24:24

Olona misandoka ho Mesia sy ho mpaminany manko no hijoro, ka haneho famantarana lehibe sy zava-mahagaga hamitahany na dia ny olom-boafidin’Andriamanitra aza raha azony natao.

Matio 28:19

koa mandehana ianareo, ataovy mpianatro ny firenena rehetra; ka ataovy batisa ho amin’ny anaran’ny Ray sy ny Zanaka ary ny Fanahy Masina,

Matio 7:23

Ary amin’izay no hanambarako aminy hoe: «Tsy fantatro na oviana na oviana ianareo; mialà amiko, ianareo mpanao ratsy!»

Matio 7:25

latsaka ny ranonorana, nitosaka ny riaka, nifofofofo ny rivotra ka samy namely izany trano izany; nefa tsy nianjera izy, satria niorina teo ambony vatolampy.

Marka 12:16

Dia nitondrany, ka hoy i Jesoa taminy: –Sarin’iza io ary anaran’iza? Dia novalian’ireo hoe: –An’ny amperôra rômanina!

Marka 13:22

Fa olona misandoka ho Mesia sy ho mpaminany no hijoro, ka hanao famantarana sy zava-mahagaga hamitahany na dia ny olom-boafidin’Andriamanitra aza raha azony natao.

Lioka 13:27

Fa mbola hovaliany hoe: «Tsy fantatro mihitsy izay fiavianareo; mialà amiko, ry mpanao ratsy isany!»

Lioka 6:48

tahaka ny olona manorin-trano ka nihady lalina ary nandatsaka ny fototra am-batolampy; nony tondraka ny rano, dia notonafan’ny riaka ilay trano nefa tsy nihontsona noho izy tsara orina.

Jaona 10:14

Izaho no Mpiandry tsara: fantatro ny ondriko ary ny ondriko mahafantatra Ahy,

Jaona 13:18

Tsy ho anareo rehetra no itenenako, satria fantatro izay nofidiko; kanefa aoka ho tanteraka ny tenin’ny Soratra Masina hoe: «Ilay miara-mihina-mofo amiko no nanainga ny ombalahin-tongony hamely Ahy.»

Jaona 3:33

Izay mandray ny fijoroany ho vavolombelona dia manamarina fa azo antoka Andriamanitra.

Asan’ny Apostoly 11:26

Rehefa hitany izy, dia nentiny nankany Antiôkia. Nandany herintaona ngarangidina tao amin’io Fiangonana io izy roa lahy ary nampianatra vahoaka maro. Tao Antiôkia no voalohany niantsoana ny mpianatra hoe kristianina.

Asan’ny Apostoly 15:17

Dia hitady ny Tompo ny olona sisa, mbamin’ny hafa firenena rehetra izay efa voatokana ho fananako.

Asan’ny Apostoly 9:14

Ary nomen’ireo lohandoha-mpisorona fahefana izy no tonga eto, mba hamatotra izay rehetra miantso ny anaranao.

Romana 11:2

Tsia, Andriamanitra tsy nanary ny vahoakany, izay efa nofidiny rahateo. Ataoko fa fantatrareo izay lazain’ny Soratra Masina ao amin’ny tantaran’i Elià, fony i Elià nitaraina tamin’Andriamanitra ny amin’i Israely nanao hoe:

Romana 12:9

Aoka ny fitiavana tsy hisy fihatsarambelatsihy. Mankahalà ny ratsy; mifikira amin’ny tsara.

Romana 15:20

Ary tamin’izany, dia nataoko ho voninahitra ny mitory ny Vaovao Mahafaly tamin’izay toerana tsy mbola nandrenesan’olona ny momba an’i Kristy; fa tsy tiako ny hanorina eo amin’ny fototra nataon’ny sasany,

Romana 15:9

Ary izany koa dia mba hahazoan’ny hafa firenena manome voninahitra an’Andriamanitra noho ny famindrampony, araka izay voalazan’ny Soratra Masina hoe: «Izany no hiderako Anao any amin’ny hafa firenena sy hihirako ho voninahitry ny anaranao.»

Romana 8:28

Fantatsika fa Andriamanitra dia miasa hahatonga ny zavatra rehetra hahasoa ny olona tia Azy, dia ny olona nantsoiny araka ny fikasany rahateo.

Romana 9:11

Andriamanitra anefa, mba haharetan’ny fikasany, dia mifidy olona; ary ny fifidianana dia tsy miankina amin’ny asa vitan’ny olona fa miankina amin’ny fiantsoan’Andriamanitra azy. Koa tsy mbola teraka akory ireo zaza ireo ary tsy mbola nanao tsara na nanao ratsy, dia izao no tenin’Andriamanitra tamin’i Rebekà: «Ny zokiny no hanompo ny zandriny!»

1Korintiana 8:3

Fa izay manam-pitiavana an’Andriamanitra kosa dia fantatr’Andriamanitra.

2Korintiana 7:1

Koa raha manana ireo fampanantenana ireo isika, ry hava-malala, dia aoka isika hitandrin-tena hadio sy ho afaka amin’ny fahalotoana rehetra na ara-batana na ara-panahy, ka hiezaka ho masina tanteraka amin’ny fahatahorana an’Andriamanitra.

Galatiana 4:9

ankehitriny kosa, efa nahalala an’Andriamanitra ianareo. Mihoatra noho izany aza: efa nahalala anareo Andriamanitra, ka ahoana ianareo no miverina indray amin’ny herin-javatra tsy manam-pahefana azy ary tsy misy fotony, dia herin-javatra izay tianareo hotompoina hatrany am-boalohany indray?

Efesiana 2:20

Taotrano najoron’Andriamanitra ianareo, ka ny fanorenana dia ny apôstôly sy ny mpaminany; ary i Kristy Jesoa mihitsy no vato fehizoro.

Efesiana 3:15

Izay antom-pisian’ny fianakaviana rehetra any an-danitra sy etỳ an-tany.

Efesiana 4:30

Aza mampalahelo ny Fanahy Masin’Andriamanitra ianareo fa ny Fanahy Masina no tombokase nahatonga anareo ho fananan’Andriamanitra, mba ho tody amin’ny andro hanavotana tanteraka anareo.

1Timoty 3:15

Fa raha tratra ela aho, ity taratasy ity dia misy hahafantaranao izay fitondrantena tokony hataonao ao amin’ny ankohonan’Andriamanitra, izany hoe ny Fiangonan’ilay Andriamanitra velona, ny Fiangonana izay mampijoro sy manamafy orina ny hafatra marim-pototra.

1Timoty 6:19

dia hamory raki-tsoa ho an’ny tenany izy hanorenany tsara ny ho avy, ka hahazoany ny tena fiainana.

Hebreo 11:10

Fa i Abrahama dia niandry ilay tanàna mafy orina, ka Andriamanitra no tompo-marika tamin’izany sady nanao azy.

2Petera 3:14

Koa eo am-piandrasana izany, ry hava-malala, dia miezaha mafy mba ho tsy manan-tsiny amam-pondro ary hihavana tsara no hahitan’ny Tompo anareo.

1Jaona 2:19

Avy tamintsika ihany ireo no niala, saingy tsy namantsika; satria raha namantsika tokoa ireo, dia ho naharitra niaraka tamintsika. Fa ireo no niala, dia mba hampiharihary fa tsy namantsika avokoa ny olona rehetra.

Apokalipsy 17:8

Ny biby izay hitanao dia nanan-kery taloha, fa tsy manana intsony izao, ary efa hiakatra avy any amin’ny hantsambe mba hizotra ho amin’ny fandringanana. Dia ho gaga ny mponina ambonin’ny tany raha mahita ilay biby: satria nanan-kery izy io taloha, fa tsy manana intsony izao, nefa mbola hanan-kery indray. Ho gaga ny mponina ambonin’ny tany, izany hoe ny olona tsy voasoratra anarana ao amin’ny horonamboky mirakitra ny lisitr’ireo hanana ny fiaina-maharitra mandrakizay; io horonamboky io dia nisy hatramin’ny fiandohan’izao tontolo izao.

Apokalipsy 2:13

Fantatro izay onenanao, dia ao amin’izay itoeran’ny sezafiandrianan’i Satàna. Mifikitra mafy amiko ianao ka tsy mandà ny finoana Ahy, na dia tamin’ny andron’i Antipasy aza, izay vavolombeloko sady lehilahy mahatoky Ahy, dia ilay novonoina teo aminareo, teo amin’ity toerana onenan’i Satàna ity.

Apokalipsy 21:14

Nisy vatofanorenana 12 ny mandan’ilay tanàna; ka tamin’ireo vatofanorenana ireo dia nisy anarana 12, dia ny anaran’izy 12 lahy apôstôlin’ny Zanakondry.

Apokalipsy 22:4

sy hahita ny tavany ary hanana ny anaran’Andriamanitra voasoratra eo amin’ny handriny.

Apokalipsy 3:8

Fantatro ny asanao. Indro eo anatrehanao efa nasiako varavarana mivoha tsy misy mahahidy; satria kely hery ianao, kanefa nitandrina ny teniko ary tsy mba nandà Ahy.