2Timoty 1:9 - DIEM PROTESTANTA

⁹ Andriamanitra no namonjy antsika sy niantso antsika ho vahoakany, tsy noho ny asa vitantsika fa noho ny fandaharan’ny tenany ihany ary noho ny fahasoavany. Efa nomeny antsika tao amin’i Kristy Jesoa izany fahasoavana izany, fony tsy mbola nisy ary akory izao rehetra izao;

Baiboly Protestanta Malagasy 2011

⁹ dia izay namonjy antsika sy niantso antsika tamin’ny fiantsoana masina, tsy araka ny asantsika fa araka ny fikasany sy ny fahasoavany izay nomena antsika tao amin’i Kristy Jesosy hatry ny fony fahagola.

Dikateny Iombonana Eto Madagasikara

⁹ Andriamanitra no namonjy antsika sy niantso antsika ho vahoakany, tsy noho ny asa vitantsika fa noho ny fandaharan’ny tenany ihany ary noho ny fahasoavany. Efa nomeny antsika tao amin’i Kristy Jesoa izany fahasoavana izany, fony tsy mbola nisy ary akory izao rehetra izao;

Baiboly Katolika

⁹ izay namonjy antsika sy niantso antsika tamin’ny fiantsoana masina, tsy noho ny asantsika, fa araka ny fikasany sy ny fahasoavany izay nomeny antsika tao amin’i Kristy Jesoa, talohan’ny taona rehetra,

Baiboly Protestanta Malagasy

⁹ Izay namonjy antsika sy niantso antsika tamin’ny fiantsoana masina, tsy araka ny asantsika, fa araka ny fikasany sy ny fahasoavany izay nomena antsika tao amin’i Kristy Jesosy hatry ny fony fahagola;

Malagasy Bible

⁹ Izay namonjy antsika sy niantso antsika tamin'ny fiantsoana masina, tsy araka ny asantsika, fa araka ny fikasany sy ny fahasoavany izay nomena antsika tao amin'i Kristy Jesosy hatry ny fony fahagola;

La Bible en Malgache

⁹ dia izay namonjy antsika sy niantso antsika tamin’ny fiantsoana masina, tsy araka ny asantsika fa araka ny fikasany sy ny fahasoavany izay nomena antsika tao amin’i Kristy* Jesosy hatry ny fony fahagola.

2Timoty 1:9 Rohy Ifampitohizana

Matio 1:21

Ary ho tera-dahy izy ka i Jesoa no anarana hiantsoanao ny zaza: fa io zaza io no hamonjy ny vahoakany ho afaka amin’ny fahotany.

Lioka 10:21

Tamin’izay fotoana izay indrindra, dia henika ny hafaliana tao amin’ny Fanahy Masina i Jesoa ka nanao hoe: –Ray ô, Tompon’ny tany aman-danitra Ianao, ka misaotra Anao Aho fa ireo zavatra nafeninao tamin’ny hendry sy ny manan-tsaina dia nasehonao tamin’ny madinika. Eny, Ray ô, izany tokoa no sitrakao!

Jaona 17:24

Ray ô, tiako hiaraka amiko any amin’izay misy Ahy ireo nomenao Ahy mba hahita ny voninahitra nomenao Ahy noho Ianao efa tia Ahy talohan’ny nahariana izao tontolo izao.

Jaona 17:9

Ho azy ireo no ivavahako; tsy ho an’izao tontolo izao no ivavahako, fa ho an’ireo nomenao Ahy: satria Anao ireo,

Jaona 6:37

Izay rehetra omen’ny Ray Ahy no hanatona Ahy; ary izay hanatona Ahy dia tsy horoahiko any ivelany,

Asan’ny Apostoly 15:18

Izany no ambaran’ny Tompo, Izay efa nampahafantatra izany zavatra izany hatramin’ny fahagolan-tany.»

Asan’ny Apostoly 2:47

ary nidera an’Andriamanitra, hany ka mamy hoditra tamin’ny vahoaka rehetra. Ary ny olona izay notarihin’ny Tompo ho amin’ny famonjena dia nataony nanatevin-daharana an-dry zareo isan’andro vaky.

Romana 11:14

sao mba hahavelom-pialonana ireo havako ara-nofo, ka hahavonjeko ny sasany amin’izy ireo.

Romana 11:29

Satria tsy anenenan’Andriamanitra ny fanomezam-pahasoavany sy ny fiantsoany.

Romana 16:25

Ho an’Andriamanitra anie ny voninahitra! Fa Izy no mahay mampahery anareo araka ny Vaovao Mahafaly ambarako, araka ny hafatra torîko momba an’i Jesoa Kristy, araka ny fanehoana tamiko ny tsiambaratelo takona hatrizay tao amin’Izy Andriamanitra.

Romana 3:20

Koa tsy misy olombelona hoeken’Andriamanitra ho marina, noho izy manatanteraka ny lalàna; fa ny lalàna dia miasa hahafantaran’ny olombelona mazava hoe nanota izy.

Romana 9:11

Andriamanitra anefa, mba haharetan’ny fikasany, dia mifidy olona; ary ny fifidianana dia tsy miankina amin’ny asa vitan’ny olona fa miankina amin’ny fiantsoan’Andriamanitra azy. Koa tsy mbola teraka akory ireo zaza ireo ary tsy mbola nanao tsara na nanao ratsy, dia izao no tenin’Andriamanitra tamin’i Rebekà: «Ny zokiny no hanompo ny zandriny!»

Romana 9:24

Isika manko dia nantsoin’Andriamanitra, tsy avy tamin’ny Jiosy ihany fa avy tamin’ny hafa firenena koa,

1Korintiana 1:18

Eny, ny fitoriana momba an’i Kristy voahombo teo amin’ny hazofijaliana dia fahadalana amin’izay ho very, fa herin’Andriamanitra kosa amintsika izay hovonjena.

Efesiana 1:11

Tafaray amin’i Kristy izahay ka tonga anjara lovan’Andriamanitra; satria natokany rahateo izahay, fa izany no fandaharan’Ilay manao ny zavatra rehetra araka izay efa nokasain’ny sitrapony.

Efesiana 1:9

Dia nampahafantarin’Andriamanitra antsika ilay tsiambaratelon’ny sitrapony, araka ny safidy noheveriny hotontosaina ao amin’ny Zanany.

Efesiana 2:5

ka fony mbola maty ara-panahy isika noho ny fahadisoantsika, dia novelominy indray niaraka tamin’i Kristy. Fahasoavan’Andriamanitra no namonjena anareo!

Efesiana 3:11

Izany rahateo no fandaharana hatrizay hatrizay ka notanterahin’Andriamanitra tamin’ny alalan’i Kristy Jesoa Tompontsika.

Filipiana 3:14

Miezaka hahatratra ny tanjona aho mba hahazoako ny amboara, dia ny fiainana iraisana amin’i Kristy Jesoa ka iantsoan’Andriamanitra any ambony any.

1Tesaloniana 4:7

Fa Andriamanitra tsy niantso antsika hiaina amin’ny fahalotoana fa hiaina amin’ny fahamasinana.

1Timoty 1:1

Avy amiko Paoly ity taratasy ity, dia izaho apôstôlin’i Kristy Jesoa noho ny baikon’Andriamanitra Mpamonjy antsika sy i Kristy Jesoa fanantenantsika.

2Timoty 1:1

Avy amiko Paoly ity taratasy ity, dia izaho apôstôlin’i Kristy Jesoa noho ny sitrapon’Andriamanitra mba hitory ny fiainana nampanantenaina izay ananantsika tafaray amin’i Kristy Jesoa.

Titosy 1:2

dia fivavahana miorina amin’ny fanantenana ny fiaina-maharitra mandrakizay. Ilay Andriamanitra tsy mba mandainga dia nampanantena antsika izany fiainana izany, fony tsy mbola nisy ary akory izao rehetra izao;

Hebreo 3:1

Koa amin’izany, ry havana, efa voatokana ho an’Andriamanitra ianareo sady efa voaantsony hiombon’anjara amin’ny fiainana any an-danitra, ka diniho i Jesoa ilay irak’Andriamanitra sady Mpisorombe antoky ny finoana izay ekentsika.

1Petera 1:20

I Kristy dia efa voatendrin’Andriamanitra rahateo talohan’ny nahariana izao tontolo izao, saingy tamin’izao andro farany izao vao naseho noho ny aminareo;

1Petera 2:9

Fa ianareo kosa dia taranaka voafidy, fanjaka-mpisorona, firenena masina, vahoaka natao ho fananan’Andriamanitra, mba hitory ireo asa lehibe vitan’Andriamanitra Izay niantso anareo hiala tamin’ny haizina ho any amin’ny fahazavana mahagaga.

Apokalipsy 13:8

Hivavaka eo anoloany daholo ny mponina ambonin’ny tany, izany hoe ny olona tsy voasoratra anarana ao amin’ny horonamboky mirakitra ny lisitr’ireo hanana ny fiaina-maharitra mandrakizay. Io horonamboky io dia hatramin’ny fiandohan’izao tontolo izao no eo am-pelatanan’ilay Zanakondry Izay efa voavono ho faty.

Apokalipsy 17:8

Ny biby izay hitanao dia nanan-kery taloha, fa tsy manana intsony izao, ary efa hiakatra avy any amin’ny hantsambe mba hizotra ho amin’ny fandringanana. Dia ho gaga ny mponina ambonin’ny tany raha mahita ilay biby: satria nanan-kery izy io taloha, fa tsy manana intsony izao, nefa mbola hanan-kery indray. Ho gaga ny mponina ambonin’ny tany, izany hoe ny olona tsy voasoratra anarana ao amin’ny horonamboky mirakitra ny lisitr’ireo hanana ny fiaina-maharitra mandrakizay; io horonamboky io dia nisy hatramin’ny fiandohan’izao tontolo izao.