2Petera 3:7 - DIEM PROTESTANTA

⁷ Izao habakabaka sy tany ankehitriny izao kosa dia mbola ny tenin’Andriamanitra no mihazona azy, ka voatahiry hodorana amin’ny andro fitsarana izay natao hamerezana ny olona tsy niraiki-po tamin’Andriamanitra.

Baiboly Protestanta Malagasy 2011

⁷ fa izao lanitra sy tany ankehitriny izao dia voatahirin’izany teny izany ho amin’ny afo amin’ny andro fitsarana sy fandringanana ny ratsy fanahy.

Dikateny Iombonana Eto Madagasikara

⁷ Izao habakabaka sy tany ankehitriny izao kosa dia mbola ny tenin’Andriamanitra no mihazona azy, ka voatahiry hodorana amin’ny andro fitsarana izay natao hamerezana ny olona tsy niraiki-po tamin’Andriamanitra.

Baiboly Katolika

⁷ Ary raha ny amin’ny lanitra sy ny tany ankehitriny, dia mbola ny tenin’Andriamanitra ihany koa no mitana sy mitahiry azy hodorana amin’ny andro fitsarana sy fandringanana ny ratsy fanahy.

Baiboly Protestanta Malagasy

⁷ fa izao lanitra sy tany ankehitriny izao dia hazonin’izany teny izany ho amin’ny afo ka tehirizina ho amin’ny andro fitsarana sy fandringanana ny ratsy fanahy.

Malagasy Bible

⁷ fa izao lanitra sy tany ankehitriny izao dia hazonin'izany teny izany ho amin'ny afo ka tehirizina ho amin'ny andro fitsarana sy fandringanana ny ratsy fanahy.

La Bible en Malgache

⁷ fa izao lanitra sy tany ankehitriny izao dia voatahirin’izany teny izany ho amin’ny afo amin’ny andro fitsarana sy fandringanana ny ratsy fanahy.

2Petera 3:7 Rohy Ifampitohizana

Salamo 102:26

Fahiny elabe no nanorenanao ny tany sy nanamboaranao ny lanitra.

Salamo 50:3

Tonga ilay Andriamanitray ka tsy hangina Izy fa hiteny. Afo mandevona no mialoha Azy, tafio-drivotra mahery no manodidina Azy.

Isaia 51:6

Atopazo eny an-danitra ny masonareo, dia jereo koa ny tany etỳ ambany: ny lanitra ho levona toy ny setroka ary ny tany ho rotidrotika toy ny lamba, ka ho faty toy ny lalitra ny mponina eo aminy; fa ny famonjeko kosa haharitra mandrakizay ary ny fanafahako tsy mba ho rava.

Isaia 66:15

Satria indro ny TOMPO fa tamy ao anaty afo, miriotra toy ny rambon-danitra ny kalesiny. Misafoaka erỳ Izy mampihatra ny fahatezerany sy ny fandrahonany amin’ny lelafo miredareda.

Daniela 7:9

«Mbola nijery ihany aho, ka indreo nisy sezafiandrianana napetraka; ary nisy Antidahy iray tonga nipetraka. Ny fitafiany dia fotsy tahaka ny oram-panala; ny volon-dohany dia tahaka ny volon’ondry madio; ny sezafiandrianany dia lelafo; ary ny kodiarany dia afo mivaivay.

Zefania 3:8

Koa dia andrasonareo ny famaizako amin’ny andro hiaviako hiampanga anareo. Tapa-kevitra Aho hanangona ny firenena sy fanjakana mba hampidinako manontolo ny fahatezerako mirehidrehitra; ka handevona ny tany manontolo ny afon’ny fahasaro-piaroko.

Matio 10:15

Lazaiko marina aminareo fa amin’ny andro fitsarana dia ho azoazo kokoa ny sazy hihatra amin’i Sôdôma sy i Gômôra noho ny hihatra amin’izany tanàna izany!

Matio 11:22

Ka hoy Aho aminareo hoe: amin’ny andro fitsarana, dia ho azoazo kokoa ny sazy hihatra amin’i Tiro sy i Sidôna noho ny hihatra amin’i Kôrazìna sy i Betsaidà!

Matio 11:24

Ka hoy Aho aminareo hoe: amin’ny andro fitsarana dia ho azoazo kokoa ny sazy hihatra amin’i Sôdôma noho ny hihatra amin’i Kafarnahòma!

Matio 12:36

Ary lazaiko aminareo fa ny olona, amin’ny andro fitsarana dia hampamoahina momba ny teny tsy misy antony rehetra nataony:

Matio 24:35

Ho levona ny tany amana habakabaka, fa ny teniko tsy mba ho levona.

Matio 25:41

Ary dia izao kosa no holazain’ny Mpanjaka amin’izay eo ankaviany: «Mialà amiko ianareo voaozona, mandehana any amin’ny afo maharitra mandrakizay izay voavoatra ho an’ny devoly sy ny anjeliny.

Marka 6:11

Ary izay toerana tsy handraisan’ny olona anareo na tsy hihainoany anareo, dia ialao; ka ahintsano eo ny vovoka avy amin’ny tongotrareo ho fiampangana azy.

Jaona 12:48

Izay manamavo Ahy ka tsy mandray ny teniko, dia manana izay manameloka azy: ny teny izay nambarako ihany no hanameloka azy amin’ny andro farany;

Romana 2:5

Maditra ianao ary tsy mety mamerina ny fonao aminy, ka dia fahatezeran’Andriamanitra no avosanao ho an’ny tenanao. Fa ho avy ny andro hampisehoan’Andriamanitra ny fahatezerany sy hitsarany an-karihary ny olombelona ara-drariny,

1Korintiana 3:13

kanefa dia hiseho ny asan’ny tsirairay amin’ilay andro fitsarana izay hampiharihary izany. Fa amin’ny afo no hisehoan’izany andro izany, ka dia hosedrain’io afo io ny asa vitan’ny tsirairay hahitana izay hamafiny.

Filipiana 1:28

Aoka tsy ho azon’ireo mpanohitra ampitahorina ianareo na amin’inona na amin’inona: mariky ny fahaverezana izany ho azy; fa ho anareo kosa mariky ny famonjena, dia famonjena avy amin’Andriamanitra.

2Tesaloniana 2:3

Aza mety hofitahin’olona mihitsy ianareo; satria tsy ho tonga izany andro izany raha tsy efa mitranga ny fikomiana farany amin’Andriamanitra ary aseho ilay mpanao ratsy, ilay mirona amin’ny fahaverezana.

1Timoty 6:9

Fa izay te hanan-karena, dia voan’ny fakampanahy sy ny fandriky ny filàna maro tsy misy antony sady manimba, izay mandetika ny olona hihitsoka ao amin’ny fandringanana sy ny fahaverezana.

Hebreo 12:29

fa ilay Andriamanitsika dia afo mandevona.

2Petera 2:9

Araka izany, dia hain’ny Tompo ny manala ny mpiraiki-po aminy ho afaka amin’ny fitsapana manjo azy, sy ny mitahiry ny ratsy fanahy mba hosazîna amin’ny andro fitsarana,

2Petera 3:10

Ho avy tahaka ny mpangalatra ny andron’ny Tompo; ary amin’izany dia hirimorimo mafy ka hanjavona ny habakabaka sady ho levon’ny hafanana ireo karazan-javatra ao aminy, ary hodorana avokoa ny tany sy izay taozavatra ao aminy.

2Petera 3:12

Sady andrasanareo no hafainganinareo ny fiavian’ilay andron’Andriamanitra, izay andro hahamay ny habakabaka sy hahalevona azy ary hanempoan’ny hafanana ireo karazan-javatra ao aminy!

1Jaona 4:17

Izao no mahalavorary ny fitiavana eo anivontsika: hanan-toky isika amin’ny andro fitsarana, satria tahaka an’i Kristy isika eto amin’izao tontolo izao.

Joda 1:7

toy izany koa ny mponina tao Sôdôma sy Gômôra mbamin’ireo tanàna manodidina: nanao fitondrantena maloto izy ireo ary lasa nivarilavo amin’ny zavatra tsy tokony hatao, ka raiso ho fananarana satria afo maharitra mandrakizay no sazy mihatra aminy.

Apokalipsy 17:11

Ny biby, izay nanan-kery taloha nefa tsy manana intsony izao, dia ilay mpanjaka laharana fahavalo naman’ireo fito ireo ary mizotra ho amin’ny fandringanana.

Apokalipsy 17:8

Ny biby izay hitanao dia nanan-kery taloha, fa tsy manana intsony izao, ary efa hiakatra avy any amin’ny hantsambe mba hizotra ho amin’ny fandringanana. Dia ho gaga ny mponina ambonin’ny tany raha mahita ilay biby: satria nanan-kery izy io taloha, fa tsy manana intsony izao, nefa mbola hanan-kery indray. Ho gaga ny mponina ambonin’ny tany, izany hoe ny olona tsy voasoratra anarana ao amin’ny horonamboky mirakitra ny lisitr’ireo hanana ny fiaina-maharitra mandrakizay; io horonamboky io dia nisy hatramin’ny fiandohan’izao tontolo izao.

Apokalipsy 20:11

Dia hitako ity sezafiandrianana fotsy lehibe sy Ilay mipetraka eo amboniny. Ny tany amana habakabaka dia nandositra teo anatrehany, ka tsy hita intsony izay toerana nisy azy.

Apokalipsy 21:1

Dia nahita habakabaka vaovao sy tany vaovao aho; fa efa lasa ny habakabaka voalohany sy tany voalohany, ary ny ranomasina dia tsy misy intsony.