2Petera 1:4 - DIEM PROTESTANTA

⁴ Izany voninahitr’Andriamanitra sy fahatsarany izany no nanomezana antsika ireo zavatra sarobidy sy lehibe tokoa nampanantenainy antsika, mba ho tonga mpiombona amin’ny fomban’Andriamanitra ianareo, rehefa afaka tamin’ny fahalòvana vokatry ny filàndratsy mihanaka eo amin’izao tontolo izao.

Baiboly Protestanta Malagasy 2011

⁴ Izany no nanomezana antsika ireo teny fikasana sady sarobidy no lehibe indrindra, mba ho tonga mpiombona amin’ny fomban’Andriamanitra amin’izany ianareo, rehefa afa-nandositra ny fahalovana izay eo amin’izao tontolo izao noho ny filana.

Dikateny Iombonana Eto Madagasikara

⁴ Izany voninahitr’Andriamanitra sy fahatsarany izany no nanomezana antsika ireo zavatra sarobidy sy lehibe tokoa nampanantenainy antsika, mba ho tonga mpiombona amin’ny fomban’Andriamanitra ianareo, rehefa afaka tamin’ny fahalòvana vokatry ny filàndratsy mihanaka eo amin’izao tontolo izao.

Baiboly Katolika

⁴ dia noho ireo koa no nanomezany antsika ny zava-dehibe sy sarobidy indrindra nampanantenaina antsika, mba ho tongan’izany ho mpiombona amin’ny fomban’Andriamanitra ianareo, rehefa afaka tamin’ny fahalòvan’ny filàn-dratsin’izao tontolo izao.

Baiboly Protestanta Malagasy

⁴ ary izany no nahatanterahany amintsika ireo teny fikasana sady soa no lehibe indrindra, mba ho tonga mpiray amin’ny fomban’Andriamanitra amin’izany hianareo, rehefa afa-nandositra ny fahalotoana izay eo amin’izao tontolo izao noho ny filana;

Malagasy Bible

⁴ ary izany no nahatanterahany amintsika ireo teny fikasana sady soa no lehibe indrindra, mba ho tonga mpiray amin'ny fomban'Andriamanitra amin'izany ianareo, rehefa afa-nandositra ny fahalotoana izay eo amin'izao tontolo izao noho ny filàna;

La Bible en Malgache

⁴ Izany no nanomezana antsika ireo teny fikasana sady sarobidy no lehibe indrindra, mba ho tonga mpiombona amin’ny fomban’Andriamanitra amin’izany ianareo, rehefa afa-nandositra ny fahalovana izay eo amin’izao tontolo izao noho ny filana.

2Petera 1:4 Rohy Ifampitohizana

Romana 9:4

Izy ireo no Israelita: natsangan’Andriamanitra ho zanany ary nomena ny voninahiny, manana ireo fanekempihavanana sy ny lalàna mbamin’ny fombam-pivavahana sy ireo fampanantenana;

2Korintiana 1:20

koa Izy no ilay «eny» mahatò ny fampanantenana rehetra nataon’Andriamanitra. Izany koa no anton’ny anononantsika ny «Amen» amin’ny alalan’i Jesoa Kristy ho voninahitr’Andriamanitra.

2Korintiana 3:18

Isika rehetra kosa dia tsy mba misaron-tava, fa toy ny fitaratra tarafin’ny voninahitry ny Tompo; ka dia miova endrika hanahaka ny Tompo isika, sady mitombo hatrany ny famirapiratantsika, araka ny asa tontosain’ilay Fanahin’ny Tompo.

2Korintiana 6:17

Izany no ilazan’ny Tompo hoe: «Mialà teo aminy ka misaraha aminy; aza mikasika zavatra tsy madio, dia horaisiko ianareo.

Galatiana 3:16

Tamin’i Abrahama sy tamin’ilay taranany kosa no nilazan’Andriamanitra ny fampanantenana. Ary ny Soratra Masina dia tsy manao hoe «tamin’ireo taranany», toy ny nanondro maro; fa hoe «tamin’ilay taranakao», toy ny manondro tokana: dia i Kristy izany.

Galatiana 6:8

eny, izay mamafy ny sitraky ny maha olona mpanota, dia hijinja fahaverezana avy amin’ny maha olona mpanota; fa izay mamafy ny sitraky ny Fanahy Masina, dia hijinja fiaina-maharitra mandrakizay avy amin’ny Fanahy Masina.

Efesiana 4:13

Izany no hahatonga antsika rehetra hiray amin’ny finoana sy amin’ny fahalalana tsara ilay Zanak’Andriamanitra; ka ho olondehibe isika, mahatratra ny halehiben’i Kristy sy heniky ny hafenoana omeny.

Kolosiana 3:10

ary efa notafînareo ny toetra vaovao: dia ny toetry ny olona havaozin’Andriamanitra hatrany araka ny endrik’Izy Mpahary azy, mba ho tonga amin’ny fahalalana tsara an’Andriamanitra.

Hebreo 12:10

Famaizana mandritra ny andro vitsivitsy ihany no nampiharin’ireo raintsika eto an-tany, araka izay heveriny fa mety; fa soa ho antsika kosa no amaizan’Andriamanitra antsika, dia ny mba hiombonantsika anjara amin’ny fahamasinany.

Hebreo 9:15

Ary noho izany, dia mpanalalana amina Fanekempihavanana Vaovao i Kristy, mba hahazoan’ireo voaantson’Andriamanitra ny lova mandrakizay efa nampanantenainy ho an’ny vahoakany. Tanteraka izany rehefa niharan’ny fahafatesana i Kristy mba hanavotra ny olona amin’ny fahotana vitany tamin’ny andron’ilay Fanekempihavanana voalohany.

Jakoba 1:27

Fa amin’Andriamanitra Ray ny fivavahana madio sy tsy misy tsiny dia izao: ny miahy ny kamboty sy ny mpitondratena amin’ny fahoriana mahazo azy ary ny miaro tena tsy ho voapentimpentin’izao tontolo izao.

2Petera 1:1

Avy amiko Simôna Petera ity taratasy ity, dia izaho mpanompon’i Jesoa Kristy sady apôstôliny. Mamangy anareo aho, dia ianareo izay nahazo finoana sarobidy tahaka ny anay, noho i Jesoa Kristy, Andriamanitsika sy Mpamonjy antsika, efa niantra antsika.

2Petera 3:13

Kanefa isika, araka ny fampanantenàn’Andriamanitra, dia miandry ny habakabaka vaovao sy tany vaovao izay honenan’ny fahamarinana soritan’Andriamanitra.

2Petera 3:9

Koa tsy ahemotry ny Tompo araka ny hevitry ny sasany akory ny fampanantenàny: saingy mahari-po aminareo Izy, satria tsy tiany hisy ho very fa mba hiroso hiala amin’ny toe-dratsy avokoa ny olona rehetra.

1Jaona 2:25

Ary ny zavatra nampanantenain’i Kristy antsika dia ny fiaina-maharitra mandrakizay.

1Jaona 3:2

Ry hava-malala, zanak’Andriamanitra isika ankehitriny, kanefa mbola tsy naseho izay ho tena toetrantsika rahatrizay. Saingy fantatsika fa rahatrizay hiseho i Kristy, dia ho tahaka Azy isika, satria hahita Azy araka ny maha Izy Azy.