2Petera 1:12 - DIEM PROTESTANTA

¹² Koa hazoto mandrakariva hampahatsiaro anareo an’izany zavatra izany aho, na dia efa mahalala aza ianareo sy efa miorina mafy amin’ny hafatra marim-pototra izay anananareo ankehitriny.

Baiboly Protestanta Malagasy 2011

¹² Koa hampahatsiaro anareo mandrakariva ny amin’izany zavatra izany aho, na dia efa fantatrareo aza ka efa tafaorina tsara amin’ny fahamarinana izay efa eo aminareo ianareo.

Dikateny Iombonana Eto Madagasikara

¹² Koa hazoto mandrakariva hampahatsiaro anareo an’izany zavatra izany aho, na dia efa mahalala aza ianareo sy efa miorina mafy amin’ny hafatra marim-pototra izay anananareo ankehitriny.

Baiboly Katolika

¹² Noho izany, hazoto mampahatsiaro anareo an’izany zavatra izany mandrakariva aho, na dia efa mahalala sy miorina mafy amin’ny fahamarinana efa ao aminareo aza ianareo.

Baiboly Protestanta Malagasy

¹² KOA hazoto mandrakariva hampahatsiaro anareo ny amin’izany zavatra izany aho, na dia efa fantatrareo aza, ka efa naorina tsara amin’ny fahamarinana izay efa eo aminareo.

Malagasy Bible

¹² Koa hazoto mandrakariva hampahatsiaro anareo ny amin'izany zavatra izany aho, na dia efa fantatrareo aza, ka efa naorina tsara amin'ny fahamarinana izay efa eo aminareo.

La Bible en Malgache

¹² Koa hampahatsiaro anareo mandrakariva ny amin’izany zavatra izany aho, na dia efa fantatrareo aza ka efa tafaorina tsara amin’ny fahamarinana izay efa eo aminareo ianareo.

2Petera 1:12 Rohy Ifampitohizana

Asan’ny Apostoly 16:5

Koa nihamatotra ara-pinoana ny Fiangonana rehetra ary nitombo isa hatrany isan’andro vaky.

Filipiana 3:1

Farany, ry havako, mifalia noho ianareo tafaray amin’ny Tompo. Tsy manahirana ahy ny mamerina aminareo indray ny teny nosoratako ho anareo, sady azonareo toky tsara amin’izay.

Kolosiana 1:5

Mby teo aminareo ny Vaovao Mahafaly, ary ny hafatra marina raketiny no nandrenesanareo ny zavatra antenaina izay voatahiry ho anareo any an-danitra. Ka ny finoanareo sy ny fitiavanareo dia vokatr’izany fanantenana izany.

Kolosiana 2:7

Aoka hahazo vahatra sy hiorina ao amin’i Kristy ianareo; aoka hihamafy hatrany ny finoanareo araka izay efa nampianarina anareo, ary aoka ho feno fisaorana an’Andriamanitra ianareo.

1Timoty 4:6

Raha izany torohevitra izany no arosonao ny havana iray finoana, dia ho mpanompo tsaran’i Kristy Jesoa ianao, ka hiharihary fa mivelona amin’ireo teny momba ny finoana sy ny fampianarana tsara izay efa narahinao ianao.

2Timoty 1:6

Izany no ampahatsiarovako ny hamelombelomanao indray ilay fanomezam-pahasoavana narotsak’Andriamanitra tao anatinao, fony aho nametra-tanana taminao.

Hebreo 10:32

Tsarovy ny nanjo anareo tamin’ny andro fahiny. Fa rehefa nohazavain’Andriamanitra ianareo, dia niharam-pijaliana sy niaritra ady mafy tokoa:

Hebreo 13:9

Aza mety havilivilin’ny fampianarana samihafa tsy araka an’i Kristy ianareo; tsara manko raha ampaherezina amin’ny fahasoavan’Andriamanitra ny fonareo, fa tsy amina fitsipika momba ny hanina izay tsy mahasoa ireo mahavatra azy.

1Petera 5:10

Rehefa avy niaritra fijaliana vetivety kosa ianareo, dia ilay Andriamanitra loharanon’ny fahasoavana rehetra, Izay niantso anareo ho amin’ny voninahiny mandrakizay ao amin’ny Kristy Jesoa, no handavorary sy hankahery anareo ary hanamafy sy hampiorina anareo.

1Petera 5:12

Amin’ny alalan’i Silasy, rahalahy mahatoky, no nanoratako fohifohy taminareo; mananatra anareo aho sy manambara aminareo fa izany no tena fahasoavan’Andriamanitra, ka tomoera tsara amin’izany.

2Petera 1:13

Saingy heveriko fa raha mbola amin’ity fiaina-mandalo ity koa aho, dia mety ny hanaitairako anareo amin’ny fampahatsiarovana izany.

2Petera 1:15

Ary dia hiezaka tokoa aho mba hisy hahatsiarovanareo izany zavatra izany mandrakariva, rehefa maty aho.

2Petera 3:1

Ry hava-malala, ity izao no taratasy faharoa soratako ho anareo.

2Petera 3:17

Ianareo kosa, ry hava-malala, dia efa nampahalalaina izany rahateo; koa mitandrema fandrao voataonan’ny hevi-dison’ireo ratsy fanahy, ka hiala amin’izay iorenanareo.

1Jaona 2:21

Tsy noho ianareo tsy mahafantatra ny hafatra marim-pototra no nanoratako taminareo, fa noho ianareo mahafantatra izany; ary fantatrareo koa fa tsy misy lainga avy amin’ilay hafatra marim-pototra.

2Jaona 1:2

satria mitoetra ao anatintsika ny hafatra marim-pototra sady homba antsika mandrakizay.

Joda 1:17

Ianareo kosa, ry hava-malala, tsarovy ny teny efa nolazain’ireo apôstôlin’i Jesoa Kristy Tompontsika;

Joda 1:3

Ry hava-malala, teo am-piezahana mafy hanoratra ho anareo ny amin’ny famonjena iombonantsika aho no nisy nahatery ahy hanoratra aminareo, mba hampirisika anareo hikely aina hiaro ny finoana izay efa natolotra tanteraka tamin’ny vahoakan’Andriamanitra.

Joda 1:5

Na dia efa fantatrareo aza ny zavatra rehetra, dia tiako hampahatsiarovina anareo ireto: rehefa novonjen’ny Tompo tanteraka ho afaka tany Ejipta ny vahokany, dia naringany ihany tatỳ aoriana izay tsy nino,