2Tantara 26:1 - DIEM PROTESTANTA

¹ Vao 16 taona i Hozià no nalain’ny vahoaka jodeanina rehetra ka notendreny ho mpanjaka handimby an’i Amatsià rainy.

Baiboly Protestanta Malagasy 2011

¹ Ary ny vahoakan’ny Joda rehetra dia naka an’i Ozia, izay enina amby folo taona, ka nampanjaka azy handimby an’i Amazia rainy.

Dikateny Iombonana Eto Madagasikara

¹ Vao 16 taona i Hozià no nalain’ny vahoaka jodeanina rehetra ka notendreny ho mpanjaka handimby an’i Amatsià rainy.

Baiboly Katolika

¹ I Oziasa izay efa 16 taona, no nalain’ny vahoaka rehetra amin’i Jodà, ka nampanjakainy handimby an’i Amasiasa rainy.

Baiboly Protestanta Malagasy

¹ ARY ny vahoaka rehetra tamin’ny Joda naka an’i Ozia, izay enina ambin’ny folo taona, ka nampanjaka azy handimby an’i Amazia rainy.

Malagasy Bible

¹ Ary ny vahoaka rehetra tamin'ny Joda naka an'i Ozia, izay enina ambin'ny folo taona, ka nampanjaka azy handimby an'i Amazia rainy.

La Bible en Malgache

¹ Ary ny vahoakan’ny Joda rehetra dia naka an’i Ozia, izay enina amby folo taona, ka nampanjaka azy handimby an’i Amazia rainy.

2Tantara 26:1 Rohy Ifampitohizana

2Mpanjaka 14:1

Tamin’ny taona faharoa nanjakan’i Jôasy zanakalahin’i Jôahaza sady mpanjakan’i Israely no tonga mpanjakan’i Joda i Amatsià zanakalahin’i Jôasy;

2Mpanjaka 14:21

Vao 16 taona i Hazarià no nalain’ny vahoaka Jodeanina rehetra ka notendreny ho mpanjaka handimby an’i Amatsià rainy.

1Tantara 3:12

i Amatsià zanakalahin’i Jôasy, i Hazarià zanakalahin’i Amatsià, i Jôtama zanakalahin’i Hazarià,

2Tantara 22:1

Ary ny mponin’i Jerosalema nampanjaka an’i Ahazià, faralahin’i Jôrama, handimby azy; fa ny zokiny rehetra efa matin’ny andian’olona mpanaraka ny Arabo hatrany an-toby avokoa. Izany no nahatonga an’i Ahazià ho mpanjakan’i Joda.

2Tantara 25:28

Dia nampodina an-kalesy tarihin-tsoavaly ny fatiny, ka nalevina tao amin’ny fasam-pianakaviany tao an-drenivohitr’i Joda.

2Tantara 26:2

Rehefa lasa nodimandry any amin’ny razany kosa ity rainy, dia i Hozià no nampody ny seranana Elata ho an’ny fanjakan’i Joda sy nanamboatra azy indray.

2Tantara 33:25

Fa mba nataon’ny mponin’i Joda maty kosa izay rehetra nikomy tamin’i Amôna mpanjaka; ka dia i Jôsià zanany lahy no voatendriny ho mpanjaka handimby azy.

Isaia 1:1

Fanambaràn’i Isaià, zanakalahin’i Amôtsa, ny amin’i Joda sy i Jerosalema. Nanafaran’ny Tompo azy izany, tamin’ny andron’i Hozià sy i Jôtama ary i Ahaza sy i Hezekià mpanjakan’i Joda.

Hosea 1:1

Ny teny izay nampitain’ny TOMPO tamin’i Hôsea zanakalahin’i Beerỳ tamin’ny andron’i Hozià sy i Jôtama sy i Ahaza ary i Hezekià mpanjakan’i Joda, sy tamin’ny andron’i Jerôbohama zanakalahin’i Jôasy sady mpanjakan’i Israely.

Amosa 1:1

Tenin’i Hamôsa izay anankiray tamin’ireo mpiompy tao Tekôa. Roa taona talohan’ny horohorontany, dia fahitana no nahafantarany an’ireo teny manakiana ny fanjakan’i Israely ireo, fony mpanjaka tao Joda i Hozià ary mpanjaka tao Israely i Jerôbohama zanakalahin’i Jôasy.