2Tantara 19:6 - DIEM PROTESTANTA

⁶ sady nohafatrafarany hoe: –Tandremo izay hataonareo, satria tsy araka ny olona fa araka ny TOMPO no hitsaranareo; sady ny Tompo mihitsy no hiaraka aminareo rehefa mitsara ianareo.

Baiboly Protestanta Malagasy 2011

⁶ ka niteny tamin’izy ireo hoe: Tandremo izay hataonareo; fa tsy ho an’olona no hitsaranareo fa ho an’NY TOMPO, sady momba anareo ao amin’ny fitsarana Izy.

Dikateny Iombonana Eto Madagasikara

⁶ sady nohafatrafarany hoe: –Tandremo izay hataonareo, satria tsy araka ny olona fa araka ny TOMPO no hitsaranareo; sady ny Tompo mihitsy no hiaraka aminareo rehefa mitsara ianareo.

Baiboly Katolika

⁶ Ka nilaza tamin’ny mpitsara izy nanao hoe: «Tandremo izay hataonareo, fa tsy ho an’olombelona no hitsaranareo, fa ho an’i Iaveh; izy no homba anareo rehefa mitsara ianareo.

Baiboly Protestanta Malagasy

⁶ ka nanao taminy hoe: Tandremo izay hataonareo; fa tsy ho an’olona no hitsaranareo, fa ho an’i Jehovah, sady momba anareo ao amin’ny fitsarana Izy.

Malagasy Bible

⁶ ka nanao taminy hoe: Tandremo izay hataonareo; fa tsy ho an'olona no hitsaranareo, fa ho an'i Jehovah, sady momba anareo ao amin'ny fitsarana Izy.

La Bible en Malgache

⁶ ka niteny tamin’izy ireo hoe: Tandremo izay hataonareo; fa tsy ho an’olona no hitsaranareo fa ho an’NY TOMPO, sady momba anareo ao amin’ny fitsarana Izy.

2Tantara 19:6 Rohy Ifampitohizana

1Tantara 28:10

Indro efa nofidin’ny TOMPO ianao izao mba hanorina tempoly ho Toeramasiny; dia mahereza ka mahefà.»

Mpitoriteny 5:8

Tsara kokoa ho an’ny firenena ny manana mpanjaka izay mampandroso ny asa fambolena.

Levitikosy 19:15

«Aza manao izay tsy marina amin’ny fitsarana: ny mahantra, aza ananana tombom-pitia; ny lehibe, aza ananana hena-maso; fa ara-drariny no aoka hitsaranareo ny mpiray firenena aminareo.

Lioka 12:15

Dia hoy i Jesoa tamin’ny vahoaka: –Mitandrema! Aoka tsy ho voan’ny fangoronan-karena isan-karazany ianareo, fa ny ain’olona tsy miankina amin’ny habetsahan’ny fananany!

Lioka 21:8

Dia novaliany hoe: –Tandremo sao voafitaka ianareo. Fa maro no ho avy hisandoka ny anarako sady hanao hoe: «Izaho no Mesia», ary «Tonga ny fotoana!» Aza mba manaraka an’ireny.

Asan’ny Apostoly 22:26

Nony nandre izany teny izany ilay kapiteny, dia nandeha nampandre ny komandy sady nilaza hoe: –Inona ity hataonao? Olona mizaka ny zom-pirenena rômanina io lehilahy io.

Asan’ny Apostoly 5:35

ary hoy izy tamin’ny mpivory: –Ry lehilahy israelita, tandremo tsara izay hataonareo amin’ireo olona ireo.

Deoteronomia 1:17

Aza mizaha tavan’olona amin’ny fitsarana, fa henoy na ny kely na ny lehibe; aza matahotra olona akory, fa an’Andriamanitra ny fitsarana.»

Josoa 22:5

Izao anefa: Imasoy tsara ny hanatanteraka ny didy aman-dalàna rehetra izay nampitain’i Mosesy mpanompon’ny TOMPO taminareo, ka hitiavanareo ny TOMPO Andriamanitrareo, hizoranareo amin’ny lalana rehetra nosoritany, hitandremanareo ny didiny, hifikiranareo aminy ary hanompoanareo Azy amin’ny fonareo manontolo sy amin’ny fanahinareo manontolo.