2Samoela 18:9 - DIEM PROTESTANTA

⁹ Nifanehatra tampoka tamin’ny miaramilan’i Davida i Absalôma raha iny nitaingina boriky iny izy. Nitsofoka tany an-tsefatsefaky ny rantsan’ny hazo terebinta lehibe ilay ampondra, ka voasaringotry ny terebinta ny lohan’i Absalôma; ary lasa nanohy dia ilay boriky, fa izy kosa nihantona teo anelanelan’ny lanitra sy ny tany.

Baiboly Protestanta Malagasy 2011

⁹ Nifanehatra tamin’ny mpanompon’i Davida i Absaloma. Nitaingina ampondra izy ary nandeha teo ambanin’ny rantsan-kazo mikirindro tamin’ny hazo terebinta ny ampondra. Voahazon’ny hazo terebinta ny lohan’i Absaloma ka nikiraviravy teo anelanelan’ny lanitra sy ny tany izy, satria lasa ny ampondra nitaingenany.

Dikateny Iombonana Eto Madagasikara

⁹ Nifanehatra tampoka tamin’ny miaramilan’i Davida i Absalôma raha iny nitaingina boriky iny izy. Nitsofoka tany an-tsefatsefaky ny rantsan’ny hazo terebinta lehibe ilay ampondra, ka voasaringotry ny terebinta ny lohan’i Absalôma; ary lasa nanohy dia ilay boriky, fa izy kosa nihantona teo anelanelan’ny lanitra sy ny tany.

Baiboly Katolika

⁹ Sendra teo anoloan’ny mpanompon’i Davida i Absalôma. Nitaingina mole i Absalôma ary nitsofoka tao anatin’ny rantsan’ny terebinta mikirindro ny mole, dia voasingotry ny terebinta ny lohany, dia tafahantona teo anelanelan’ny lanitra sy ny tany izy, ary ny mole nitondra azy dia lasa nandroso.

Baiboly Protestanta Malagasy

⁹ Ary Absaloma nifanehatra tamin’ny mpanompon’i Davida. Ary nitaingina ampondra izy, ary ny ampondra nandeha teo ambanin’ny rantsan-kazo mikirindro tamin’ny hazo terebinta, ka voahazon’ny hazo terebinta ny lohan’i Absaloma, ka dia nikiraviravy teo anelanelan’ny lanitra sy ny tany izy; fa lasa ny ampondra nitaingenany.

Malagasy Bible

⁹ Ary Absaloma nifanehatra tamin'ny mpanompon'i Davida. Ary nitaingina ampondra izy, ary ny ampondra nandeha teo ambanin'ny rantsan-kazo mikirindro tamin'ny hazo terebinta, ka voahazon'ny hazo terebinta ny lohan'i Absaloma, ka dia nikiraviravy teo anelanelan'ny lanitra sy ny tany izy; fa lasa ny ampondra nitaingenany.

La Bible en Malgache

⁹ Nifanehatra tamin’ny mpanompon’i Davida i Absaloma. Nitaingina ampondra izy ary nandeha teo ambanin’ny rantsan-kazo mikirindro tamin’ny hazo terebinta* ny ampondra. Voahazon’ny hazo terebinta ny lohan’i Absaloma ka nikiraviravy teo anelanelan’ny lanitra sy ny tany izy, satria lasa ny ampondra nitaingenany.

2Samoela 18:9 Rohy Ifampitohizana

2Samoela 13:29

Dia notanterahin’ny mpanompon’i Absalôma tamin’i Amnôna araka izay baikon’i Absalôma izany. Dia nitsangana avokoa ny zanakalahin’ny mpanjaka hafa ka samy nitaingina ny borikiny ary nandositra.

2Samoela 14:26

Isaky ny mifarana ny taona dia hetezany ny volon-dohany satria mavesatra loatra aminy. Koa rehefa lanjainy izany dia mahatratra roa kilao araka ny fandanjan’ny mpanjaka.

2Samoela 17:23

Nony hitan’i Ahitôfela fa tsy narahina ny heviny, dia nasiany lasely ny borikiny, ary lasa izy nody tany an-tanàna fonenany. Rehefa avy nanafatra ny ankohonany izy, dia nananton-tena ary maty ka nalevina tao amin’ny fasan-drainy.

2Samoela 18:10

Nahita azy ny lehilahy iray ka nilaza tamin’i Jôaba hoe: –Hitako mihantona amin’ny terebinta i Absalôma.

2Samoela 18:14

Koa hoy i Jôaba hoe: –Tsy handany andro aminao eto aho! Dia noraisiny ny lefona telo ka natrobany ny fon’i Absalôma, raha ilay izy mbola velona ka nihantona tamin’ny terebinta iny.

2Samoela 18:8

Nitatra eran’ny firenena ny ady, ka be ny maty tany an’ala tamin’izay noho ny maty an’ady.

Joba 31:3

Tsy loza va no anjaran’ny ratsy fanahy, ary fahoriana ho an’ny mpanao heloka?

Ohabolana 20:20

Raha misy manozona ny rainy na ny reniny, dia ho toy ny jiro maty ao anaty haizim-pito ny fiainany.

Ohabolana 30:17

Ny olona izay miandranandrana amin-dray sy mamingavinga ny fahanteran-dreny dia hopotsirin’ny goaikan-driaka ny masony ary hohanin’ny voromahery ny tenany.

Jeremia 48:44

Izay mandositra noho ny fampihorohoroana dia ho latsaka ao anatin’ny longoa; ary izay tafakatra avy ao amin’ny longoa dia ho voan’ny fandrika harato. Izany no hampihariko amin’i Môaba rehefa migadona ny taona hamaliako azy, hoy ny teny hentitry ny TOMPO.

Matio 27:5

Sady nanipy ny vola tao amin’ny Toeramasina i Jodasy no niala teo, ary dia lasa nananton-tena.

Marka 7:10

Fa hoy i Mosesy: «Hajao ny rainao sy ny reninao», ary koa: «Izay miteny ratsy ny rainy na ny reniny dia hatao maty tokoa.»

Galatiana 3:13

I Kristy dia nanavotra anay Jiosy ho afaka amin’ny ozona tanisain’ny lalàna; fa nanjary niharan’ny ozona Izy ho famonjena anay satria hoy ny Soratra Masina hoe: «Voaozona izay rehetra mihantona amin’ny hazo!»

Deoteronomia 21:23

Tsy havelanareo hiloaka alina eo amin’ny hazo izany faty izany, fa tsy maintsy halevinareo androtriny ihany, satria voaozon’Andriamanitra ny faty mihantona amin’ny hazo; koa aza lotoina ny tany izay omen’ny TOMPO Andriamanitrareo ho fanananareo.

Deoteronomia 27:16

«Ho voaozona anie izay manao tsinontsinona ny ray aman-dreniny!» Ary ny vahoaka rehetra hanao hoe: «Amen!»

Deoteronomia 27:20

«Ho voaozona anie izay miray amin’ny vadin-drainy fa mahavery zo aman-kasina an-drainy izany!» Ary ny vahoaka rehetra hanao hoe; «Amen!»