1Mpanjaka 1:33 - DIEM PROTESTANTA

³³ dia nobaikoiny hoe: –Vorio ny miaramila mpiambina ahy, dia ampitaingeno ny borikivaviko i Salômôna zanako, ka ento midina any Gihôna izy.

Baiboly Protestanta Malagasy 2011

³³ Hoy ny mpanjaka tamin’izy ireo: Ento miaraka aminareo ny mpanompon’ny tomponareo ary ampitaingeno ny ampondravaviko i Solomona zanako lahy ka ento midina any Gihona izy.

Dikateny Iombonana Eto Madagasikara

³³ dia nobaikoiny hoe: –Vorio ny miaramila mpiambina ahy, dia ampitaingeno ny borikivaviko i Salômôna zanako, ka ento midina any Gihôna izy.

Baiboly Katolika

³³ dia hoy ny mpanjaka tamin’ireo: «Ento miaraka aminareo ny mpanompon’ny tomponareo, ka ampitaingeno ny mole vaviko i Salômôna zanako, dia ento miditra mankany Gihôna.

Baiboly Protestanta Malagasy

³³ Ary hoy ny mpanjaka taminy: Ento miaraka aminareo ny mpanompon’ny tomponareo, ary ampitaingeno ny ampondravaviko Solomona zanako-lahy, ka ento midina any Gihona izy.

Malagasy Bible

³³ Ary hoy ny mpanjaka taminy: Ento miaraka aminareo ny mpanompon'ny tomponareo, ary ampitaingeno ny ampondravaviko Solomona zanakolahy, ka ento midina any Gihona izy.

La Bible en Malgache

³³ Hoy ny mpanjaka tamin’izy ireo: Ento miaraka aminareo ny mpanompon’ny tomponareo ary ampitaingeno ny ampondravaviko i Solomona zanako lahy ka ento midina any Gihona izy.

1Mpanjaka 1:33 Rohy Ifampitohizana

Genesisy 41:43

Nampitaingeniny teo amin’ny kalesiny faharoa izy; ary ireo mpihazakazaka nialoha azy dia niantsoantso hoe: «Mandohaleha!» Toy izany no nanomezan’ny Farao an’i Jôsefa ny fahefana tamin’i Ejipta manontolo.

2Samoela 13:29

Dia notanterahin’ny mpanompon’i Absalôma tamin’i Amnôna araka izay baikon’i Absalôma izany. Dia nitsangana avokoa ny zanakalahin’ny mpanjaka hafa ka samy nitaingina ny borikiny ary nandositra.

1Mpanjaka 1:38

Dia nidina nankany amin’i Salômôna i Tsadôka mpisorona sy i Natàna mpaminany ary i Benaià zanakalahin’i Jôiadà, niaraka tamin’ny Keretita sy ny Peletita mpiambina andriana ka nampitaingina azy ny borikivavin’i Davida, ary nitondra azy nankany Gihôna.

1Mpanjaka 1:5

Fa i Adônià zanakalahin’i Hagita kosa tamin’izay no nanandra-tena ho mpanjaka. Dia nanomana kalesy sy mpitaingin-tsoavaly ary lehilahy dimampolo ho mpihazakazaka eo anoloany izy.

1Mpanjaka 2:35

I Benaià zanakalahin’i Jôiadà no nasolon’ny mpanjaka azy ho filohan-tafika, ary i Tsadôka mpisorona kosa no nasolony an’i Abiatara.

1Tantara 29:22

Tamin’izany andro izany, dia tamin-pifaliana lehibe no nihinanan’ny olona sy nisotroany teo anatrehan’ny TOMPO. Dia nanaovana fanambaràna fanindroany ny maha mpanjaka an’i Salômôna ka natolotra azy teo anatrehan’ny TOMPO ny fahefana maha mpanjaka; ary natokana ho mpisorona kosa i Tsadôka.

2Tantara 32:30

I Hezekià ihany koa no nanampina ny lakan-drano ambony ao amin’ny loharanon’i Gihôna ka nampandeha azy ambanin’ny tany mba hidina mahitsy ho any andrefan’ny Tanànan’i Davida. Nambinina tamin’ny asany rehetra i Hezekià.

2Tantara 33:14

Taorian’izany i Manase dia nanao manda teo ivelan’ny Tanànan’i Davida, dia teo andrefan’ny loharanon’i Gihôna. Nitandavana nanaraka ny lohasahan-driaka izany manda izany ka tafapaka hatrany amin’ny Vavahadin’ny Hazandrano rehefa nanodidina an’i Hôfela; avo dia avo no nanaovany azy. Ary nanendreny komandin’ny miaramila ireo tanànamimanda rehetra tao Joda.

Levitikosy 19:19

«Tandremonareo koa ireto didiko ireto: «Aza avela hiray amin’ny hafa karazana noho izy ny biby fiompinao; aza fafazana voan-javatra roa karazana mifangaroharo ny tanimbolinao; ary aza mitondra fitafiana voatenona tamina kofehy roa karazana mifamahofaho.