1Korintiana 4:1 - DIEM PROTESTANTA

¹ Aoka izahay hoheverina ho mpanompon’i Kristy sy ho mpitantana ireo tsiambaratelo momba an’Andriamanitra.

Baiboly Protestanta Malagasy 2011

¹ Koa aoka hataon’ny olona ho mpanompon’i Kristy sy mpitantana fananana ny amin’ny zavamiafina izay an’Andriamanitra izahay.

Dikateny Iombonana Eto Madagasikara

¹ Aoka izahay hoheverina ho mpanompon’i Kristy sy ho mpitantana ireo tsiambaratelo momba an’Andriamanitra.

Baiboly Katolika

¹ Aoka hataon’ny olona ho mpandraharahan’i Kristy izahay, sy mpitandrina ny misterin’Andriamanitra.

Baiboly Protestanta Malagasy

¹ Aoka hataon’ny olona ho mpanompon’i Kristy sy mpitandrina ny zava-miafina izay an’Andriamanitra izahay.

Malagasy Bible

¹ Aoka hataon'ny olona ho mpanompon'i Kristy sy mpitandrina'ny zava-miafina izay an'Andriamanitra izahay.

La Bible en Malgache

¹ Koa aoka hataon’ny olona ho mpanompon’i Kristy* sy mpitantana fananana ny amin’ny zavamiafina izay an’Andriamanitra izahay.

1Korintiana 4:1 Rohy Ifampitohizana

Matio 13:11

Dia novalian’i Jesoa hoe: –Ianareo no natao hahalala ny tsiambaratelo momba ny Fanjakàn’ny lanitra, fa ireo kosa tsy natao hahalala.

Matio 24:45

–Iza moa no mpanompo mahatoky sy mato-tsaina notendren’ny tompony ho mpandraharaha hifehy ireo mpanompony sady hanome azy ny anjara sakafony ara-potoana?

Marka 4:11

ka novaliany hoe: –Ianareo no efa nomena ny tsiambaratelo momba ny Fanjakàn’Andriamanitra; fa ho an’ireo any ivelany kosa dia manjary ankamantatra saro-pantarina ny zavatra rehetra,

Lioka 1:2

Ny nanovozan’ireo mpanoratra dia ny vavolombelona nahita maso hatrany am-boalohany sady niandraikitra ny fitoriana ny tenin’Andriamanitra ka nampita izany tamintsika.

Lioka 12:42

Ka hoy ny Tompo hoe: –Iza moa no mpanompo mahatoky sy mato-tsaina notendren’ny tompony ho mpandraharaha hifehy ireo mpanompony sady hanome azy ireo ny anjara sakafony ara-potoana?

Lioka 8:10

ka namaly hoe: –Ianareo no natao hahalala ny tsiambaratelo momba ny Fanjakàn’Andriamanitra; fa ho an’ny hafa kosa dia ankamantatra saro-pantarina no itenenana izany, hany ka «hijery izy fa tsy hahita ary hihaino fa tsy hahafantatra.»

Romana 11:25

Izao tsiambaratelo izao, ry havako, dia tiako ho fantatrareo tokoa, fandrao hihevi-tena ho hendry ianareo: misy mafy fo ny sasany amin’ny vahoaka Israely, mandrapiditry ny hafa firenena rehetra amin’ny famonjena.

Romana 16:25

Ho an’Andriamanitra anie ny voninahitra! Fa Izy no mahay mampahery anareo araka ny Vaovao Mahafaly ambarako, araka ny hafatra torîko momba an’i Jesoa Kristy, araka ny fanehoana tamiko ny tsiambaratelo takona hatrizay tao amin’Izy Andriamanitra.

1Korintiana 2:7

Fa ny torînay kosa dia fahendrena miafina ao amin’Andriamanitra: fahendrena izay takona amin’ny olombelona, kanefa voatendrin’Andriamanitra talohan’ny nisian’izao tontolo izao mba hahazoantsika voninahitra.

1Korintiana 3:5

Fa inona moa i Apôlao, ary inona moa i Paoly? Mpanompon’Andriamanitra fotsiny izahay, ka nahatonga anareo ho mpino samy araka izay nomen’ny Tompo hataonay avy:

1Korintiana 4:13

raha endrikendrehina, dia mamaly teny malefaka. Mova tsy tonga fakofakon’izao tontolo izao sy faraidin’ny olona rehetra izahay, mandraka ankehitriny.

1Korintiana 4:2

Ny hany takîna amin’ny mpitantana dia ny ho hita fa olona mahatoky.

2Korintiana 11:23

Mpanompon’i Kristy ve izy ireo? Hiteny toy ny very saina aho: eny, mpanompon’i Kristy koa aho, ary mihoatra noho izy ireo; fa nisasatra mafy kokoa aho, natao am-ponja matetika kokoa, nokapohina bebe kokoa, tambavahoana imbetsaka kokoa.

2Korintiana 12:6

Satria na dia te hirehareha aza aho, dia tsy ho adala fa ny marina no holazaiko; kanefa tsy manao izany aho, fandrao hisy olona hihevitra ahy ho mihoatra noho izay hitany amiko na reny avy amiko.

2Korintiana 4:5

Tsy ny tenanay manko no ambaranay rehefa mitoriteny izahay, fa i Jesoa Kristy Tompo; izahay kosa dia milaza ny tenanay ho mpanomponareo noho ny amin’i Jesoa.

2Korintiana 6:4

Fa ahariharinay kosa amin’ny zavatra rehetra fa mpanompon’Andriamanitra izahay, ka dia zakainay amim-pandeferana tokoa ny fahoriana sy ny fahaterena ary ny tebiteby:

Efesiana 1:9

Dia nampahafantarin’Andriamanitra antsika ilay tsiambaratelon’ny sitrapony, araka ny safidy noheveriny hotontosaina ao amin’ny Zanany.

Efesiana 6:19

Mivavaha ho ahy koa mba homen’Andriamanitra ny teny hotononiko rehefa hiloa-bava aho, ka dia ho sahy hampahafantatra ny tsiambaratelo raketin’ny Vaovao Mahafaly.

Kolosiana 2:2

Miezaka mafy aho mba ho tafaray tsara amin’ny fitiavana izy ireo ka hampaherezina ny fony ary mba hanan-toky be dia be vokatry ny fahazavan-tsaina omen’Andriamanitra; hany ka ho fantatr’izy ireo tsara ilay tsiambaratelon’Andriamanitra, dia i Kristy:

Kolosiana 4:3

Mivavaha koa ho anay, mba hataon’Andriamanitra afaka malalaka mitory ny teniny izahay, ka hanambara ny tsiambaratelo momba an’i Kristy. Fa ny fitoriana izany tsiambaratelo izany indrindra no mahavoafonja ahy izao.

1Timoty 3:16

Ary iaraha-miaiky fa lehibe ny tsiambaratelo nambara momba ny fivavahantsika: Niharihary ho olombelona i Kristy, nankatoavin’Andriamanitra tamin’ny herin’ny Fanahy masina ary niseho tamin’ny iraka; notorîna tany amin’ny firenena, ka ninoana eran’izao tontolo izao; nakarina any an-danitra tamim-boninahitra.

1Timoty 3:6

tsy tokony ho kristianina zazavao izy, fandrao hieboebo foana ka ho voaheloka tahaka ny nanjo ny devoly;

1Timoty 3:9

mitana tsara ny tsiambaratelo nambara momba ny finoana ka mitana izany amin’ny fieritreretana mahitsy.

Titosy 1:7

Eny, ny mpitondra Fiangonana dia mpandraharaha ny asan’Andriamanitra, ka tokony ho olona tsy manan-tsiny, tsy mitompo teny fantatra, tsy mora tezitra, tsy mpidoroka, tsy mahery vaika, tsy maloto fila harena;

1Petera 4:10

Samia mifanompo araka ny fanomezam-pahasoavana noraisinareo avy, mova tsy mpitandrim-pananana mitantana tsara ny fanomezana maro samy hafa avy amin’Andriamanitra.