1Timoty 1:1 - DIEM PROTESTANTA

¹ Avy amiko Paoly ity taratasy ity, dia izaho apôstôlin’i Kristy Jesoa noho ny baikon’Andriamanitra Mpamonjy antsika sy i Kristy Jesoa fanantenantsika.

Baiboly Protestanta Malagasy 2011

¹ I Paoly, apostolin’i Kristy Jesosy araka ny didin’Andriamanitra, Mpamonjy antsika, sy Kristy Jesosy fanantenantsika,

Dikateny Iombonana Eto Madagasikara

¹ Avy amiko Paoly ity taratasy ity, dia izaho apôstôlin’i Kristy Jesoa noho ny baikon’Andriamanitra Mpamonjy antsika sy i Kristy Jesoa fanantenantsika.

Baiboly Katolika

¹ Izaho Paoly, Apôstôlin’i Jesoa Kristy, araka ny didin’Andriamanitra Mpamonjy antsika, sy i Jesoa Kristy fanantenantsika,

Baiboly Protestanta Malagasy

¹ PAOLY, Apostolin’i Kristy Jesosy araka ny didin’Andriamanitra, Mpamonjy antsika, sy Kristy Jesosy fanantenantsika,

Malagasy Bible

¹ Paoly, Apostolin'i Kristy Jesosy araka ny didin'Andriamanitra, Mpamonjy antsika, sy Kristy Jesosy fanantenantsika,

La Bible en Malgache

¹ I Paoly, apostolin’i Kristy* Jesosy araka ny didin’Andriamanitra, Mpamonjy antsika, sy Kristy Jesosy fanantenantsika,

1Timoty 1:1 Rohy Ifampitohizana

Salamo 106:21

Hadinony Andriamanitra mpamonjy azy, Ilay nanao zava-dehibe tany Ejipta,

Isaia 12:2

Indro Andriamanitra namonjy ahy, matoky Azy aho ka tsy mangovitra intsony. Ny TOMPO no heriko sy fidèrako, fa Izy no mpamonjy ahy.»

Isaia 43:11

Izaho dia Izaho ihany no TOMPO, ka tsy misy mpamonjy afa-tsy Izaho.

Isaia 43:3

Satria Izaho no TOMPO Andriamanitrao, ilay Masin’i Israely mpamonjy anao. Nomeko hanavotana anao i Ejipta; ary nataoko solonao i Etiôpia sy i Sebà.

Isaia 45:15

Kanefa marina fa Andriamanitra miafina Ianao, ry Andriamanitr’i Israely sady mpamonjy ô!

Isaia 45:21

Manaova fanambaràna, ary ento ny porofo, manaova fikaonan-doha miaraka ianareo! Iza no nampahalala hatry ny ela izay mitranga ankehitriny? Iza no nanambara izany mialoha? Moa tsy Izaho TOMPO va? Koa tsy misy Andriamanitra afa-tsy Izaho; Izaho no hany Andriamanitra marina sy mamonjy.

Isaia 49:26

Ireo olona mpampahory anao kosa hampihinaniko ny nofon’ny tenany ihany ary hataoko mamon’ny ran’ny tenany ihany toy ny mimamo amin’ny divay vaovao. Amin’izay dia ho fantatry ny olona rehetra fa Izaho TOMPO no mpamonjy anao, ary Izaho ilay Maherin’i Jakôba no mpanavotra anao.»

Isaia 60:16

Ny firenen-kafa sy ny mpanjakany no hamahana sy hamelona anao; ka ho fantatrao fa Izaho TOMPO no mpamonjy anao, Izaho ilay Maherin’i Jakôba no Mpanavotra anao.

Isaia 63:8

Hoy ny TOMPO ny amin’ny Israelita hoe: «Tena vahoakako tokoa ianareo, zanaka tsy handiso fanantenana Ahy.» Ka dia tonga Mpamonjy azy ireo ny Tompo

Hosea 13:4

Fa Izaho no TOMPO Andriamanitrao, hatry ny fony ianao tany Ejipta; ary ianao dia tsy mahafantatra andriamani-kafa ankoatrako sy mpamonjy afa-tsy Izaho.

Lioka 1:47

ary ny aiko miravo amin’Andriamanitra Mpamonjy ahy,

Lioka 2:11

Mpamonjy no teraka ho anareo anio ao an-tanànan’i Davida, dia i Kristy Tompo.

Asan’ny Apostoly 9:15

Fa hoy ny Tompo taminy: –Mandehana, fa io lehilahy io dia nofidiko sy hampiasaiko mba hampahafantatra Ahy amin’ireo hafa firenena sy amin’ny mpanjaka ary amin’ny vahoaka Israely.

Romana 1:1

Avy amiko Paoly mpanompon’i Kristy Jesoa ity taratasy ity, dia izaho nantsoin’Andriamanitra ho apôstôly, ary natokany mba hampahafantatra ny Vaovao Mahafaly avy aminy.

1Korintiana 1:1

Avy amiko Paoly ity taratasy ity, dia izaho voaantso ho apôstôlin’i Kristy Jesoa noho ny sitrapon’Andriamanitra. Mamangy anareo isan’ny Fiangonan’Andriamanitra atỳ Kôrinto aho, ary mamangy anareo koa i Sôstena havantsika. Voatokana ho an’Andriamanitra sy voaantso ho anisan’ny vahoakany ianareo satria efa tafaray amin’i Kristy Jesoa. Eny, anisan’ny vahoakan’Andriamanitra ianareo miaraka amin’izay rehetra miantso ny anaran’i Jesoa Kristy Tompontsika, na aiza na aiza, fa sady Tompon’izy rehetra i Kristy no Tompontsika koa.

1Korintiana 9:17

Raha safidim-poko no anaovako izany, dia tokony hahazo valisoa aho; fa raha baiko no anaovako izany, dia andraikitra nankinin’Andriamanitra tamiko.

2Korintiana 1:1

Avy amiko Paoly ity taratasy ity, dia izaho apôstôlin’i Kristy Jesoa noho ny sitrapon’Andriamanitra. Mamangy anareo isan’ny Fiangonan’Andriamanitra atỳ Kôrinto mbaminareo vahoakan’Andriamanitra rehetra manerana an’i Akaîa aho. Mamangy anareo koa i Timôty havantsika.

Galatiana 1:1

Avy amiko Paoly ity taratasy ity, dia izaho tonga apôstôly tsy tamin’ny tendrin’olombelona na tamin’ny alalan’ny olombelona, fa noho i Jesoa Kristy ary noho Andriamanitra Ray Izay nanangana azy ho velona avy any amin’ny maty.

Galatiana 1:11

Ampahafantariko anareo, ry havana, fa ny Vaovao Mahafaly notorîko taminareo dia tsy zavatra novolavolain’olombelona.

Kolosiana 1:27

Ny vahoakany tokoa no nirin’Andriamanitra hampahafantarina ny maha sarobidy sy maha be voninahitra izany tsiambaratelo anasoavana ny firenena rehetra izany, dia intỳ: ao anatinareo i Kristy, antoky ny voninahitra homena anareo.

2Tesaloniana 2:16

Enga anie i Jesoa Kristy Tompontsika sy ilay Andriamanitra Raintsika Izay efa tia antsika ka nanome antsika fampiononana mandrakizay sy fanantenana tsara tamin’ny alalan’ny fahasoavany

1Timoty 1:12

Velom-pisaorana an’i Kristy Jesoa Tompontsika aho, fa nomeny hery hahatontosako ny fanompoako. Velom-pisaorana Azy aho fa nataony mahatoky ka notendreny hanompo Azy,

1Timoty 2:3

Izany no tsara sady sitrak’Andriamanitra, Mpamonjy antsika,

1Timoty 2:7

Ary ny hitory izany no nanendrena ahy ho mpitoriteny sady apôstôly, ho mpampianatra ny finoana tena izy amin’ny hafa firenena. Milaza ny marina aho fa tsy mandainga.

1Timoty 4:10

Eny, izany no ikelezanay aina sy iezahanay, satria ny fanantenanay dia efa napetrakay amin’Andriamanitra velona, Izay Mpamonjy ny olona rehetra, indrindra fa ireo mino.

Titosy 1:3

ka tamin’ny fotoanandro voatendriny no nahariharin’Andriamanitra ny teniny, dia ny hafatra izay nankinina tamiko ka torîko araka ny baikon’Andriamanitra Mpamonjy antsika.

Titosy 2:10

tsy hangalatra ny zavany, fa haneho toetra mahatoky tokoa, mba hahazo voninahitra amin’ny zavatra rehetra ny fampianarana momba ilay Andriamanitra Mpamonjy antsika.

Titosy 2:13

Toy izany no tokony hiandrasantsika ny hasambarana antenaintsika sy ny andro hisehoan’ny voninahitr’i Jesoa Kristy, ilay Andriamanitra lehibe sady Mpamonjy antsika.

Titosy 3:4

Fa nony efa naneho ny hamoram-pony sy ny fitiavany olona ilay Andriamanitra Mpamonjy antsika,

Titosy 3:6

Fa nandrotsahan’Andriamanitra be dia be ny Fanahy Masina isika tamin’ny alalan’i Kristy Jesoa Mpamonjy antsika,

1Petera 1:21

Izy no mahatonga anareo hino an’Andriamanitra, Ilay nanangana Azy ho velona avy any amin’ny maty sy nanome voninahitra Azy, mba hifantohan’ny finoanareo sy ny fanantenanareo amin’Andriamanitra.

1Petera 1:3

Hankalazaina anie ilay Andriamanitra sady Rain’i Jesoa Kristy Tompontsika! Be famindrampo tokoa Andriamanitra, ka niteraka antsika indray tamin’ny alalan’i Jesoa Kristy Izay natsangany ho velona avy any amin’ny maty. Izany no ananantsika fanantenana mivaivay

2Petera 1:1

Avy amiko Simôna Petera ity taratasy ity, dia izaho mpanompon’i Jesoa Kristy sady apôstôliny. Mamangy anareo aho, dia ianareo izay nahazo finoana sarobidy tahaka ny anay, noho i Jesoa Kristy, Andriamanitsika sy Mpamonjy antsika, efa niantra antsika.

1Jaona 4:14

Ary izahay efa nahita ka dia vavolombelona manambara fa naniraka ny Zanany ho Mpamonjy an’izao tontolo izao ny Ray.

Joda 1:25

Izy no Mpamonjy antsika amin’ny alalan’i Jesoa Kristy Tompontsika. Eny, ho an’Andriamanitra tokana anie ny voninahitra sy ny laza ary ny fanjakana sy ny fahefana hatramy talohan’ny taona rehetra sy ankehitriny ary mandrakizay! Amen.