1Petera 2:1 - DIEM PROTESTANTA

¹ Koa esory ny haratsiam-panahy rehetra sy ny fitaka rehetra mbamin’ny fihatsarambelatsihy sy ny fialonana ary ny fanosoram-potaka isan-karazany.

Baiboly Protestanta Malagasy 2011

¹ Koa esory ny lolompo rehetra, ny fitaka rehetra, ny fihatsarambelatsihy, ny fialonana ary ny fanendrikendrehana rehetra,

Dikateny Iombonana Eto Madagasikara

¹ Koa esory ny haratsiam-panahy rehetra sy ny fitaka rehetra mbamin’ny fihatsarambelatsihy sy ny fialonana ary ny fanosoram-potaka isan-karazany.

Baiboly Katolika

¹ Koa esory avokoa ny faharatsiana rehetra, ny fitaka rehetra, ny fihatsarambelatsihy,

Baiboly Protestanta Malagasy

¹ Koa esory ny lolompo rehetra sy ny fitaka rehetra sy ny fihatsarambelatsihy sy ny fialonana ary ny fanaratsiana rehetra,

Malagasy Bible

¹ Koa esory ny lolompo rehetra sy ny ny fihatsaram-belatsihy sy ny fialonana ary ny fanaratsiana rehetra,

La Bible en Malgache

¹ Koa esory ny lolompo rehetra, ny fitaka rehetra, ny fihatsarambelatsihy, ny fialonana ary ny fanendrikendrehana rehetra,

1Petera 2:1 Rohy Ifampitohizana

Joba 36:13

Fa ny ratsy fanahy dia tezitra aminy ka tsy mahataraina na dia gadrainy aza.

Salamo 32:2

Sambatra izay tsy heverin’ny TOMPO ho diso sady tsy misy fitaka ny fanahiny.

Salamo 34:13

Raha misy olona mankamamy fiainana ka te ho ela velona sy ho sambatra,

Salamo 37:1

Nataon’i Davida. Aza tezitra amin’ny mpanao ratsy ary aza mialona ireo mpanao heloka;

Salamo 73:3

Fa nialona ny mpaniratsira aho raha nahita ny fahombiazan’ny olon-dratsy,

Ohabolana 14:30

Ny fiadanam-po dia mamelombelona ny vatana; fa ny fialonana kosa dia tahaka ny homamiadana.

Ohabolana 24:1

Aza mitsiriritra ny ratsy fanahy na maniry hiaraka aminy.

Ohabolana 24:19

Aza tezitra amin’ny mpanao ratsy ary aza mialona ny olon-dratsy;

Ohabolana 3:31

Aza mialona ny mpanao an-keriny ary aza misy alain-tahaka ny ataony,

Isaia 2:20

Amin’izany andro izany, dia harian’ny olona ho an’ny voalavo sy ny ramanavy ny sampy volafotsy sy volamena nataony hiankohofana;

Isaia 30:22

Hoheverinao ho zava-maloto ny sampy voasokitra mifono volafotsy sy ny sarivongana voarakotra volamena, ka hatsipinao toy ny zava-maharikoriko ary hataonao hoe: «Mialà amiko!»

Matio 15:7

Ry mpihatsaravelatsihy, marina tokoa ny naminanian’i Isaià anareo hoe:

Matio 23:28

Toy izany koa ianareo: eto ivelany miseho ho marina imason’ny olona, nefa ao anatinareo feno fihatsarambelatsihy sy fandikan-dalàna.

Matio 24:51

Hosazîny mafy tokoa io mpanompo io ary hataony miombona anjara amin’ny mpihatsaravelatsihy; any izy no hitomany sy hikitro-nify.

Matio 7:5

Ry mpihatsaravelatsihy, esory aloha ny vatan-kazo eo amin’ny masonao; izay ianao vao hahiratra tsara ka hahaisotra ny tapak’ahitra eo amin’ny mason-kavana.

Marka 12:15

Fantatr’i Jesoa anefa ny fihatsarambelatsihin’ireo, ka hoy Izy taminy: –Nahoana no maka fanahy Ahy ianareo? Itondray vola denàry anankiray Aho hojereko.

Lioka 11:44

Mampalahelo ianareo, fa toy ny fasana tsy misy famantarana ka voahitsakitsaky ny olona tsy ampoiziny.

Lioka 12:1

Tamin’izay dia tafangona ny vahoaka alikisa nifanitsa-kitro. Kanefa ny mpianany aloha no nitenenan’i Jesoa hoe: –Mitandrema tena ianareo amin’ny levioran’ny Farisianina dia ny fihatsarambelatsihy.

Lioka 6:42

Ahoana no hahafahanao milaza amin-kavana hoe: «Etsy, rahavako, hoesoriko ny tapak’ahitra amin’ny masonao», nefa ny vatan-kazo amin’ny masonao tsy hitanao akory? Ry mpihatsaravelatsihy, esory aloha ny vatan-kazo amin’ny masonao, izay ianao vao hahiratra tsara ka hanaisotra ny tapak’ahitra amin’ny mason-kavana.

Jaona 1:47

Nahita an’i Natanaela tamy nanatona Azy i Jesoa ka izao no teniny momba an’i Natanaela: –Izany ka tena Israelita tsy misy fitaka!

Romana 1:29

ka dia tonga feno izao tsy rariny, haratsiana, fitiavan-karena sy halozana isan-karazany izao; tonga mpialona, mpamono olona, mpihantsy ady, mpamitaka, mpanao otri-po, mpanely tsaho;

1Korintiana 14:20

Ry havako, aoka tsy ho zaza ianareo amin’ny fisainana; eny, raha momba ny ratsy dia aoka ho zaza ianareo, fa raha amin’ny fisainana dia aoka ho olondehibe.

1Korintiana 5:8

ka dia aoka isika hankalaza ny Paska tsy amin’ny mofo misy leviora tranainy, dia ny leviora manambara fitondrantena tsy valahara sy toe-dratsy; fa amin’ny mofo tsy misy leviora, dia ny mofo manambara fitondrantena madio sy toetra mahitsy.

2Korintiana 12:20

Atahorako manko fandrao, rehefa tonga aho, dia tsy araka izay tiako no hahitako anareo, ary tsy araka izay tianareo koa no hahitanareo ahy. Atahorako fandrao hisy fifandirana, fifampialonana, fahatezerana, fifampiandaniana, fanaratsiana, fanendrikendrehana, fieboeboana, ary fisavorovoroana.

Efesiana 4:31

Aoka ianareo tsy ho mpanao an-dolompo, tsy ho vinitra, tsy ho mora tezitra, tsy ho avo vava, tsy hanevateva: esory lavitra anareo avokoa izany, miaraka amin’ny haratsiam-panahy isan-karazany.

1Tesaloniana 2:3

Eny, ny antso nataonay dia tsy mifototra amin’ny fitaka na amin’ny fahalotoana na amin’ny fisolokiana;

1Timoty 3:11

Tokony ho maotina toy izany koa ny vehivavy, ka tsy ho mpanendrikendrika fa hahafehy tena ary mahatoky amin’ny zavatra rehetra.

Titosy 2:3

Anaro toy izany koa ny vehivavy zokiolona mba hanana fitondrantena sahaza ny olona masim-piainana, tsy ho mpanendrikendrika, tsy ho andevozin’ny divay be. Ireo vehivavy zokiolona dia tokony hanome anatra tsara

Hebreo 12:1

Voahodidina vavolombelona marobe tokoa àry isika; noho izany, dia aoka hanaisotra ny zavatra rehetra manembantsembana ny hazakazaka ataontsika sy hanaisotra ny ota mora mangeja antsika, ary hiezaka amim-paharetana eo amin’izao fifaninanana hazakazaka naroso hataontsika izao.

Jakoba 1:21

Noho izany, ario avokoa ny fahalotoana sy ny haratsiam-panahy rehetra; raiso amin’ny fahalemem-panahy ny teny ambolen’Andriamanitra ao anatinareo sady mahavonjy ny tenanareo.

Jakoba 3:14

Raha misy fialonana mangidy sy fifampiandaniana ao am-ponareo, dia aza mirehareha ianareo ary aza mandainga manohitra ny marina.

Jakoba 4:11

Aza mifanaratsy, ry havana! Izay manaratsy ny havana iray finoana na manameloka azy dia sady manaratsy no manameloka ny lalàna. Ka raha manameloka ny lalàna ianao, dia tsy mpanatanteraka ny lalàna fa mpitsara azy.

Jakoba 4:5

Aza heverinareo fa tsy misy antony ny tenin’ny Soratra Masina hoe: «Feno faniriana mirehidrehitra ny fanahy izay napetrak’Andriamanitra ao anatintsika.»

Jakoba 5:9

Aza mifampimonomonona ianareo, ry havana, mba tsy hanamelohan’Andriamanitra anareo. Indro ny mpitsara efa mijoro eo am-baravarana.

1Petera 2:16

Maneke araka ny maha olona afaka anareo; nefa aoka ny fahafahanareo tsy hampiasaina hanaovan-dratsy, fa hiainana araka ny maha mpanompon’Andriamanitra.

1Petera 2:22

i Kristy tsy nanota akory sady tsy mba niloa-bava hilaza fitaka;

1Petera 3:10

Fa izao no tenin’ny Soratra Masina: «Izay te hankamamy fiainana sy te hahita andro soa, aoka izy hitsaha-miteny ratsy ary hitsaha-milaza fitaka;

1Petera 4:2

ka tamin’ny androny sisa eto an-tany dia tsy araka ny filàndratsin’ny olombelona intsony no tokony hiainany fa araka ny sitrapon’Andriamanitra.

1Petera 4:4

Amin’izany dia gaga ireo mpanompo sampy satria tsy dodona intsony ianareo ny hiaraka aminy mba hanarampo amin’ny filibàna, ka dia tevatevainy;

Apokalipsy 14:5

Ireo no tsy nandrenesan-dainga teo am-bavany, satria tsy manan-tsiny.