1Petera 1:1 - DIEM PROTESTANTA

¹ Avy amiko Petera ity taratasy ity, dia izaho apôstôlin’i Jesoa Kristy. Mamangy anareo olom-boafidin’Andriamanitra aho, dia ianareo mpivahiny miely patrana any amin’ny faritany Pônto, Galatia, Kapadôsia, Azia sy Bitinia.

Baiboly Protestanta Malagasy 2011

¹ I Petera, Apostolin’i Jesosy Kristy, no mamangy ny mpivahiny monina any am-pielezana any Ponto, Galatia, Kapadokia, Azia sy Bitinia, dia olom-boafidy

Dikateny Iombonana Eto Madagasikara

¹ Avy amiko Petera ity taratasy ity, dia izaho apôstôlin’i Jesoa Kristy. Mamangy anareo olom-boafidin’Andriamanitra aho, dia ianareo mpivahiny miely patrana any amin’ny faritany Pônto, Galatia, Kapadôsia, Azia sy Bitinia.

Baiboly Katolika

¹ I Piera, Apôstôlin’i Jesoa Kristy, mamangy ny mpivahiny izay miely any Pônto, Galata, Kapadosy, Azia ary Bitinia, dia ny olom-boafidy,

Baiboly Protestanta Malagasy

¹ PETERA, Apostolin’i Jesosy Kristy, mamangy ny mpivahiny monina any am-pielezana any Ponto, Galatia, Kapadokia, Asia sy Bitynia, dia olom-boafidy

Malagasy Bible

¹ Petera, Apostolin'i Jesosy Kristy, mamangy ny mpivahiny monina any am-pielezana any Ponto, Galatia, Kapadokia, Asia sy Bitynia, dia olom-boafidy

La Bible en Malgache

¹ I Petera, Apostolin’i Jesosy Kristy*, no mamangy ny mpivahiny monina any am-pielezana any Ponto, Galatia, Kapadokia, Azia sy Bitinia, dia olom-boafidy

1Petera 1:1 Rohy Ifampitohizana

Estera 3:8

Ary hoy i Hamàna tamin’ny amperôra Kserksesa: –Ry andriamanjaka, misy firenena iray efa miely eny amin’ny faritany rehetra manerana ny fanjakana; maningana io firenena io ary hafa lalàna noho ny firenena rehetra sady tsy mba mankatò ny lalànanao. Tsy mahasoa anao ny mamela azy fotsiny amin’izao.

Salamo 44:11

Izahay ataonao mihemotra eo anoloan’ny fahavalonay sy famabon’ny mpankahala anay;

Ezekiela 6:8

Nefa hitazonako sisa tavela ihany aminareo, dia ireo afaka tamin’ny ady teo anivon’ny hafa firenena rehefa voaely ho any an-tany hafa ianareo.

Levitikosy 26:33

Ianareo kosa, ady no hapoakako hamelezana anareo ka haeliko any amin’ny firenen-kafa ianareo; dia ho lao ny taninareo ary ho rava ny tanànanareo.

Matio 10:2

Ary izao avy no anaran’ny apôstôly 12 lahy: voalohany i Simôna izay atao hoe Petera, dia i Andrea rahalahiny, i Jakôba sy i Jôhany mirahalahy zanak’i Zebedeo,

Matio 24:22

Raha tsy efa nanapa-kevitra hanafohy ireo andro ireo Andriamanitra, dia tsy hisy olona ho voavonjy; fa noho ny olom-boafidiny, dia hohafohezin’Andriamanitra ireo andro ireo.

Matio 4:18

Nitsangantsangana teny amoron’ny farihin’i Galilea i Jesoa ka nahita olona mirahalahy, dia i Simôna ilay atao hoe Petera sy i Andrea rahalahiny; nanipy harato tao anaty farihy izy roa lahy fa mpanarato no raharahany.

Lioka 18:7

Ka dia Andriamanitra indray ve no tsy hanome rariny ny olom-boafidiny mitaraina andro aman’alina aminy? Ary hampiandry lava azy ireo ve Izy?

Jaona 11:52

ary tsy ho an’ny firenena jiosy ihany fa mba hanangona ho iray ny zanak’Andriamanitra efa niely.

Jaona 7:35

Tamin’izay ny manampahefana jiosy dia nifampilaza hoe: –Aiza no toerana halehan’ilay io no tsy ho hitantsika Izy? Hankany amin’ireo Jiosy miely any amin’ny Grika ve Izy ka hampianatra ny Grika?

Asan’ny Apostoly 18:2

Hitany tao ity Jiosy atao hoe Akoilà izay teraka tany Pônto; vao tonga avy any Italia i Akoilà mbamin’i Prisila vadiny, satria nodidian’ny amperôra Klaody hiala tany Rôma daholo ny Jiosy. Nanatona azy mivady i Paoly;

Asan’ny Apostoly 18:23

Rehefa avy nijanona kelikely tao izy, dia lasa indray nitety mifanesy ny faritany Galatia sy Frijia, ka nampahery ny mpianatra rehetra.

Asan’ny Apostoly 19:10

Naharitra roa taona mahery izany, ka nandre ny tenin’ny Tompo avokoa ny mponina manerana ny faritany Azia, na Jiosy na hafa firenena.

Asan’ny Apostoly 6:9

Nisy anefa olona sasany nanohitra azy: dia olona avy amin’ny sinagôgan’ny Libertina, sy ny sinagôgan’ny Aleksandrianina mbamin’ny sinagôgan’ireo terak’i Silisia sy ny faritany Azia. Niady hevitra tamin’i Stefàna izy rehetra ireo,

Asan’ny Apostoly 8:4

Koa ireo naelin’ny fanenjehana dia nitety tany nitory ny Vaovao Mahafaly raketin’ny tenin’Andriamanitra.

1Korintiana 16:19

Manao veloma anareo ireo Fiangonana atỳ amin’ny faritany Azia. Noho isika tafaray amin’ny Tompo, dia manao veloma anareo i Akoilà sy i Prisila mbamin’ny Fiangonana mivory ao an-tranony.

2Korintiana 1:8

Tianay, ry havako, ny hahalalanareo ny fahoriana nanjo anay tany amin’ny faritany Azia; nitambesatra loatra taminay izany ary tafahoatra ny zakanay, ka tsy nanantena intsony izay hoe mbola ho velona izahay.

Galatiana 1:2

Mamangy anareo Fiangonana atỳ Galatia aho ary mamangy anareo koa ny kristianina rehetra tafaraka amiko eto.

Efesiana 2:12

lavitra an’i Kristy ianareo tamin’izany andro izany; tsy mba navela ho anisan’ilay firenena Israely voafidin’Andriamanitra; tsy mba tao anatin’ireo fanekempihavanana izay niorina tamin’ny fampanantenàn’Andriamanitra; velona teto amin’izao tontolo izao ianareo, kanefa sady tsy nanan-kantenaina no tsy nanana an’Andriamanitra.

Efesiana 2:19

Noho izany, tsy olon-ko azy na vahiny intsony ianareo hafa firenena, fa iray zo sy andraikitra amin’ny vahoakan’Andriamanitra sady anisan’ny ankohonan’Andriamanitra.

Deoteronomia 28:64

Dia haelin’ny TOMPO any amin’ny firenena rehetra hatrany amin’ny faran’ny tany ianareo; ary any no hanompoanareo andriamani-kafa vato aman-kazo voasokitra, andriamani-kafa izay tsy fantatry ny tenanareo na ny razambenareo akory.

Deoteronomia 32:26

«Nokasaiko haparitaka ireo ka ho foana eo amin’ny olombelona ny fahatsiarovana azy,

Deoteronomia 4:27

Haelin’ny TOMPO any amin’ny firenen-tsamy hafa ianareo; ho tonga olom-bitsy izay sisa aminareo any amin’ny firenen-tsamy hafa izay hitondran’ny TOMPO anareo.

2Timoty 1:15

Fantatrao fa efa nandao ahy ry zareo rehetra any Azia, ka isan’ireny ry i Figelo sy i Hermozena.

Hebreo 11:13

Tamim-pinoana no nahafatesan’ireo olona rehetra ireo. Tsy azony akory izay nampanantenain’Andriamanitra azy, kanefa notazanin’ireo sy noarahabainy avy lavitra; ary dia niaiky izy rehetra fa vahiny sy mpivahiny teto an-tany.

Jakoba 1:1

Avy amiko Jakôba ity taratasy ity, dia izaho mpanompon’Andriamanitra sady mpanompon’i Jesoa Kristy Tompo. Miarahaba anareo vahoakan’Andriamanitra rehetra miely patrana eran-tany aho.

1Petera 2:11

Ry hava-malala, amin’ny maha vahiny sy mpivahiny anareo eto an-tany dia mampirisika anareo aho mba hifady ny filàndratsin’ny maha olona mpanota, fa miady manohitra ny fanahinareo ireny.

2Petera 1:1

Avy amiko Simôna Petera ity taratasy ity, dia izaho mpanompon’i Jesoa Kristy sady apôstôliny. Mamangy anareo aho, dia ianareo izay nahazo finoana sarobidy tahaka ny anay, noho i Jesoa Kristy, Andriamanitsika sy Mpamonjy antsika, efa niantra antsika.

Apokalipsy 1:11

nanao hoe: –Izay zavatra hitanao dia soraty ho boky ka ampitondray any amin’ny Fiangonana fito: dia any Efeso, Smirna, Pergàmo, Tiatira, Sardy, Filadelfia, ary Laôdisia.