1Jaona 3:1 - DIEM PROTESTANTA

¹ Endrey ity haben’ny fitiavana nasehon’ny Ray ho antsika: fa nantsoina hoe zanak’Andriamanitra isika, sady zanany tokoa! Izao tontolo izao no tsy mahalala antsika, dia noho izy tsy nahalala an’Andriamanitra.

Baiboly Protestanta Malagasy 2011

¹ Endre! Manao ahoana ny fitiavana nasehon’ny Ray ho antsika, dia ny niantsoana antsika hoe zanak’Andriamanitra sady izany tokoa isika! Noho izany dia tsy mahalala antsika izao tontolo izao satria tsy nahalala Azy izy.

Dikateny Iombonana Eto Madagasikara

¹ Endrey ity haben’ny fitiavana nasehon’ny Ray ho antsika: fa nantsoina hoe zanak’Andriamanitra isika, sady zanany tokoa! Izao tontolo izao no tsy mahalala antsika, dia noho izy tsy nahalala an’Andriamanitra.

Baiboly Katolika

¹ Endrey ity haben’ny fitiavan’Andriamanitra antsika, amin’ny iantsoana antsika hoe zanak’Andriamanitra, sady tena izany tokoa isika! Fa izao tontolo izao no tsy mahalala antsika, dia noho izy tsy mahalala Azy.

Baiboly Protestanta Malagasy

¹ ENDREY! manao ahoana ny fitiavana nasehon’ ny Ray ho antsika, dia ny niantsoana antsika hoe zanak’Andriamanitra, sady izany tokoa isika! Koa noho izany dia tsy mahalala antsika izao tontolo izao, satria tsy nahalala Azy izy.

Malagasy Bible

¹ Endrey! manao ahoana ny fitiavana nasehon'ny Ray ho antsika, dia ny niantsoana antsika hoe zanak'Andriamanitra, sady izany tokoa isika! Koa noho izany dia tsy mahalala antsika izao tontolo izao, satria tsy nahalala Ary izy.

La Bible en Malgache

¹ Endre! Manao ahoana ny fitiavana nasehon’ny Ray ho antsika, dia ny niantsoana antsika hoe zanak’Andriamanitra sady izany tokoa isika! Noho izany dia tsy mahalala antsika izao tontolo izao satria tsy nahalala Azy izy.

1Jaona 3:1 Rohy Ifampitohizana

2Samoela 7:19

Kanefa mbola kely izany eo imasonao, ry Tompo ANDRIANANAHARY ô, ka efa nanaovanao fampanantenana koa hatramin’ny taranako mbola any aoriana lavitra any. Araka ny fomban’olombelona ve izany, ry Tompo ANDRIANANAHARY ô?

Salamo 31:19

Ataovy moana ireo fa mpandainga sady sahisahy mamely olo-marina amin’avonavona sy fanamavoana.

Jeremia 3:19

Hoy Aho anakampo hoe: Ahoana raha ataoko lohalaharana amin’ireo zanako lahy ianao ka homeko tany mahafinaritra izay fananana tsara indrindra eo amin’ny samy firenena? Amin’izay dia hiantso Ahy ho rainao ianao ka tsy hiodina amiko intsony.

Lioka 20:36

tsy mety maty intsony manko fa tahaka ny anjely; sady zanak’Andriamanitra satria olona efa nataony mendrika hitsangana velona.

Jaona 1:12

Kanefa izay rehetra nandray Azy ary nino Azy, dia nomeny fahefana ho tonga zanak’Andriamanitra:

Jaona 11:52

ary tsy ho an’ny firenena jiosy ihany fa mba hanangona ho iray ny zanak’Andriamanitra efa niely.

Jaona 15:21

Fa izany rehetra izany dia hataony aminareo noho ny amiko, satria tsy fantany Ilay naniraka Ahy.

Jaona 16:3

Ary izany no hataony, dia satria tsy nisy fantany na ny Ray na Izaho.

Jaona 17:25

Ray ô, mandala ny rariny Ianao, ka tsy nahalala Anao izao tontolo izao, fa Izaho no nahalala Anao, ary ireto efa nahalala fa Ianao no naniraka Ahy.

Jaona 3:16

Eny, notiavin’Andriamanitra fatratra izao tontolo izao, ka nomeny ny Zanany lahitokana, mba tsy ho very izay rehetra mino Azy fa ho velona aina mandrakizay.

Romana 5:8

Fa i Kristy kosa maty hamonjy antsika, fony isika mbola mpanota: nahariharin’Andriamanitra tamin’izany ny fitiavany antsika.

Romana 8:19

Fa tsindrian-daona erỳ ny zavaboaary miandry ny hanehoan’Andriamanitra an’ireo zanany.

Romana 8:21

Fa ny zavaboaary koa aza dia hoafahana tsy ho andevon’ny fahasimbana indray andro any ka handray anjara amin’ny fahafahana be voninahitra hananan’ireo zanak’Andriamanitra.

Romana 8:32

Izy Ilay tsy nandala ny tena Zanany, ka nanolotra Azy ho famonjena antsika rehetra, moa ve Izy tsy hanome antsika maimaimpoana ny zavatra rehetra miaraka amin’ny Zanany koa?

2Korintiana 6:18

Ka ho Rainareo Aho, ary ianareo ho zanako lahy sy ho zanako vavy, hoy ny Tompo Tsitoha.»

Galatiana 3:26

Noho ny finoana manko dia zanak’Andriamanitra avokoa ianareo, satria tafaray amin’i Kristy Jesoa.

Galatiana 3:29

Ary raha an’i Kristy ianareo, dia taranak’i Abrahama sy mpandova araka ny fampanantenana nataon’Andriamanitra.

Deoteronomia 14:1

Zanak’ilay TOMPO Andriamanitrareo ianareo, koa aza mitetika ny tenanareo na manaratra ny volon-doha eo ambonin’ny handrinareo noho ny amin’ny maty.

Kolosiana 3:3

Fa efa maty ianareo, ka ny fiainanareo dia miara-miafina amin’i Kristy ao amin’Andriamanitra.

1Jaona 3:10

Izany no mampiavaka miharihary ireo zanak’Andriamanitra amin’ireo olona andevozin’ny devoly. Tsy mba avy amin’Andriamanitra izay rehetra tsy manao ny marina soritany sy izay tsy tia ny namana iray finoana.

1Jaona 3:2

Ry hava-malala, zanak’Andriamanitra isika ankehitriny, kanefa mbola tsy naseho izay ho tena toetrantsika rahatrizay. Saingy fantatsika fa rahatrizay hiseho i Kristy, dia ho tahaka Azy isika, satria hahita Azy araka ny maha Izy Azy.

1Jaona 4:17

Izao no mahalavorary ny fitiavana eo anivontsika: hanan-toky isika amin’ny andro fitsarana, satria tahaka an’i Kristy isika eto amin’izao tontolo izao.

Apokalipsy 21:7

Izay mandresy no hahazo izany lova izany; ka dia ho Andriamaniny Aho, ary izy ho zanako.