1Tantara 28:8 - DIEM PROTESTANTA

⁸ Koa ankehitriny, ry havako, eto imason’ny vahoaka Israely rehetra izay fiangonan’ny TOMPO ary eto anatrehan’ilay Andriamanitsika Izay mandre antsika, dia tandremo sy diniho ny didy rehetra avy amin’ny TOMPO Andriamanitrareo mba hahatananareo ity tany ity sady hamindranareo azy amin’ny zanaka amam-paranareo ho lova maharitra mandrakizay.

Baiboly Protestanta Malagasy 2011

⁸ Ary ankehitriny, eto anatrehan’ny Israely rehetra, dia ny fiangonan’NY TOMPO, sy eto anatrehan’Andriamanitsika, tandremo sy diniho ny didin’NY TOMPO Andriamanitrareo rehetra, mba hahatananareo ity tany soa ity sy hamelanareo azy ho lovan’ny zanakareo mandimby anareo mandrakizay.

Dikateny Iombonana Eto Madagasikara

⁸ Koa ankehitriny, ry havako, eto imason’ny vahoaka Israely rehetra izay fiangonan’ny TOMPO ary eto anatrehan’ilay Andriamanitsika Izay mandre antsika, dia tandremo sy diniho ny didy rehetra avy amin’ny TOMPO Andriamanitrareo mba hahatananareo ity tany ity sady hamindranareo azy amin’ny zanaka amam-paranareo ho lova maharitra mandrakizay.

Baiboly Katolika

⁸ Ary ankehitriny, eto imason’i Israely rehetra, fiangonan’i Iaveh, sy eto anatrehan’ny Andriamanitsika, izay mandre antsika, dia araho sy tandremo tsara ny didin’i Iaveh Andriamanitrareo rehetra, mba hanananareo ity tany soa ity, sy hamindranareo azy ho lovan’ny fara mandimby anareo mandrakizay.

Baiboly Protestanta Malagasy

⁸ Ary ankehitriny, eto anatrehan’ny Isiraely rehetra, fiangonan’i Jehovah, sy eto anatrehan’Andriamanitsika, tandremo sy diniho ny didin’i Jehovah Andriamanitrareo rehetra, mba hahatananareo ity tany soa ity, sady havelanareo ho lovan’ny zanakareo mandimby anareo mandrakizay izy.

Malagasy Bible

⁸ Ary ankehitriny, eto anatrehan'ny Isiraely rehetra, fiangonan'i Jehovah, sy eto anatrehan'Andriamanitsika, tandremo sy diniho ny didin'i Jehovah Andriamanitrareo rehetra, mba hahatananareo ity tany soa ity, sady havelanareo ho lovan'ny zanakareo mandimby anareo, mandrakizay izy.

La Bible en Malgache

⁸ Ary ankehitriny, eto anatrehan’ny Israely rehetra, dia ny fiangonan’NY TOMPO, sy eto anatrehan’Andriamanitsika, tandremo sy diniho ny didin’NY TOMPO Andriamanitrareo rehetra, mba hahatananareo ity tany soa ity sy hamelanareo azy ho lovan’ny zanakareo mandimby anareo mandrakizay.

1Tantara 28:8 Rohy Ifampitohizana

1Tantara 28:7

Hataoko mijoro mandrakizay ny fanjakàny, raha maharitra manatanteraka ny didiko sy ny fitsipiko izy tahaka ny amin’izao anio izao.»

1Tantara 28:9

«Ianao kosa, ry Salômôna zanako, fantaro ilay Andriamanitra notompoin’ny rainao, ka manompoa Azy amin’ny fo manontolo sy amin’ny fanahy mazoto; fa ny TOMPO dia mpandinika ny fon’ny olona rehetra ary mpahafantatra ny fieritreretana rehetra. Raha mitady Azy ianao, dia hahita Azy; fa raha mandao Azy kosa ianao, dia hariany mandrakizay.

Ezra 9:12

Koa aza manome ny zanakavavinareo ho vadin’ny zanakalahiny, na maka ny zanakavaviny ho vadin’ny zanakalahinareo. Aza mitady izay hampiadana azy na hahasoa azy na oviana na oviana; izany no handrosoanareo ho mahery ka hiarananareo amin’ny voka-tsoan’izany tany izany sy hamelanareo azy ho lovan’ny taranakareo hatrany hatrany.›

Salamo 119:27

Ampahafantaro ahy ny fepetranao ho sori-dàlako mba hisaintsainako ny asa mahagaga nataonao.

Salamo 119:4

Ianao namoaka ny fepetranao, Tompo ô, mba hotandremana fatratra.

Salamo 119:44

Ny lalànanao tiako hotandremana lalandava ka ho mandrakizay mandrakizay.

Eksodosy 23:13

«Tandremo tsara izay rehetra nandidiako anareo; ary aoka ny anaran’andriamani-kafa tsy hantsoina mihitsy, na ho re tononina akory eo aminareo.

Ohabolana 13:22

Ny olona tsara fanahy mamela lova ho an’ny taranany; fa ny haren’ny mpanota kosa voatahiry ho an’ny olo-marina.

Ohabolana 3:1

Anaka, aza manadino ny fampianarako; ary aoka ho voatandron’ny fonao ny didiko.

Isaia 34:16

Raha mitady ao amin’ny bokin’ny TOMPO ianareo, dia ho afaka hamaky izao teny izao: Tsy misy tsy ao ireo biby ireo na iray aza, ary tsy misy sahirana mitady ny andiany satria ny baikon’ny Tompo no nandidy izany ary ny Fanahiny no nanangona azy.

Asan’ny Apostoly 10:33

Nandefa olona haka anao niaraka tamin’izay aho, ka mahafinaritra ny nanekenao hankatỳ. Ankehitriny àry dia eto anatrehan’Andriamanitra izahay rehetra, mba hihaino ny hafatra rehetra nandidian’ny Tompo anao.

Asan’ny Apostoly 17:11

Tsara toe-po amam-panahy kokoa ireto Jiosy ireto noho ny tany Tesalônika sady nazoto tokoa nandray ny tenin’Andriamanitra. Nodinihin-dry zareo isan’andro ny Soratra Masina hanamarinany izay lazain’i Paoly.

Deoteronomia 27:1

Dia nandidy ny vahoaka i Mosesy sy ny loholon’i Israely ka nanao hoe: –Tandremo avokoa ny didy izay ampitaiko aminareo anio.

Deoteronomia 29:10

sy zaza amam-behivavy, ary koa ny vahiny eo amin’ny tobinareo ka ampiasainareo ho mpikapa hazo sy ho mpantsaka rano.

Deoteronomia 29:15

Fantatrareo izay nitoerantsika tany Ejipta sy izay nandehanantsika namakivaky ny tanin’ireo hafa firenena;

Deoteronomia 4:1

Ary hoy indray i Mosesy hoe: «Ankehitriny, ry Israelita, henoy ny lalàna amam-pitsipika izay ampianariko anareo hotanterahinareo, mba ho velona ianareo ka hiditra sy hanana ny tany izay omen’ny TOMPO Andriamanitry ny razambenareo anareo.

Deoteronomia 4:26

Raha manao izany ianareo, dia miantso ny lanitra sy ny tany ho vavolombelona aho anio no manambara fa vetivety foana dia ho fongotra tokoa ianareo tsy ho eo amin’ny tany izay efa hiampitanareo an’i Jôrdàna mba halainareo ho fananana; tsy ho maro andro honenana eo ianareo, fa haringana tokoa.

Deoteronomia 4:6

Koa tandremo sy tanteraho izany, fa hiheverana anareo ho hendry sy manan-tsaina eo imason’ny firenen-kafa; handre ireny lalàna rehetra ireny mantsy izy ka ho loa-bolana hoe: «Mba vahoaka hendry sy manan-tsaina tokoa io firenena lehibe io!»

Deoteronomia 5:32

Koa himasoanareo, hoy indray i Mosesy, ny hanatanteraka izay efa nandidian’ny TOMPO Andriamanitrareo anareo ary tsy hivily na amin’ny ankavanana na amin’ny ankavia ianareo.

Deoteronomia 5:33

Fa ny lalana rehetra izay nosoritan’ny TOMPO Andriamanitrareo ho anareo no halehanareo mba ho velona ianareo ka hahita soa ary ho maro andro iainana any amin’ny tany izay halainareo ho fananana.

Josoa 24:20

Raha mandao ny TOMPO ianareo ka manompo andriamani-kafa, dia hisapotina hampahory anareo Izy Tompo ka hahafongana anareo rehefa avy nasiany soa.