1Tantara 25:8 - DIEM PROTESTANTA

⁸ Nanao antsapaka ny anjara raharahany avy izy rehetra, na ny kely na ny lehibe, na ny efa havanana na ny mbola miofana.

Baiboly Protestanta Malagasy 2011

⁸ Nanao antsapaka ny amin’ny anjara raharahany avy izy, na ny kely na ny lehibe, na ny mpampianatra na ny mpianatra.

Dikateny Iombonana Eto Madagasikara

⁸ Nanao antsapaka ny anjara raharahany avy izy rehetra, na ny kely na ny lehibe, na ny efa havanana na ny mbola miofana.

Baiboly Katolika

⁸ Filokana no nataon’izy ireo na kely na lehibe na ny mpampianatra na ny mpianatra, ny amin’ny anjara raharahany.

Baiboly Protestanta Malagasy

⁸ Ary nanao filokana ny amin’ny anjara-raharahany avy izy, na ny kely na ny lehibe, na ny mpampianatra na ny mpianatra.

Malagasy Bible

⁸ Ary nanao filokana ny amin'ny anjara-raharahany avy izy, na ny kely na ny lehibe, na ny mpampianatra na ny mpianatra.

La Bible en Malgache

⁸ Nanao antsapaka ny amin’ny anjara raharahany avy izy, na ny kely na ny lehibe, na ny mpampianatra na ny mpianatra.

1Tantara 25:8 Rohy Ifampitohizana

1Tantara 15:22

I Kenanià, lehiben’ny levita nisahana ny fitondrana ny Vatamasina, no nampianatra momba ny fitondrana azy satria nanavanana azy izany.

1Tantara 24:31

Toraka ireo rahalahiny, taranak’i Aharôna, ny levita koa dia mba notsinjaraina fanompoana tamin’ny antsapaka teo anatrehan’i Davida mpanjaka, teo anatrehan’i Tsadôka sy i Abimelèka, ary teo anatrehan’ny loham-pianakavian’ny mpisorona sy ny loham-pianakavian’ny levita: samy natao antsapaka mifanarakaraka na ny fianakavian’ny zokiny na ny fianakavian’ny zandriny.

1Tantara 24:5

Samy natao antsapaka ny fitsinjarana azy rehetra, satria samy mpiandraikitra ny Toeramasina sy mpiandraikitra ny raharahan’Andriamanitra, na ny avy tamin’ny taranak’i Elehazara na ny avy tamin’ny taranak’i Itamara.

1Tantara 25:2

Ny an’ny zanakalahin’i Asafa dia ry i Zakora sy i Jôsefa ary i Netanià sy i Asarelà. Ireo zanakalahin’i Asafa ireo dia notarihin’i Asafa rainy izay nampita an-kira ny hafatr’Andriamanitra araka ny fitarihan’ny mpanjaka.

1Tantara 25:9

Ka ny antsapaka voalohany dia azon’i Jôsefa; ny faharoa, azon’i Gedalià; ny fahatelo, azon’i Zakora; ny fahefatra, azon’i Jitserỳ; ny fahadimy, azon’i Netanià; ny fahenina azon’i Bokià; ny fahafito, azon’i Asarelà; ny fahavalo, azon’i Jesahià; ny fahasivy azon’i Matanià; ny faha-folo, azon’i Simehỳ; ny faha-11, azon’i Hoziela; ny faha-12, azon’i Hasabià; ny faha-13, azon’i Sobaela; ny faha-14, azon’i Matitià; ny faha-15, azon’i Jeremôta; ny faha-16, azon’i Hananià; ny faha-17, azon’i Jôsbekasà; ny faha-18, azon’i Hananỳ; ny faha-19, azon’i Malôtỳ; ny faharoapolo, azon’i Eliatà; ny faha-21, azon’i Hôtira; ny faha-22, azon’i Gidaltỳ; ny faha-23, azon’i Mehaziôta; ny faha-24, azon’i Rômamtỳ-Hezera. Izy tsirairay avy, mbamin’ny zanany sy havany miaraka aminy, dia samy sokajy misy olona 12 lahy.

1Tantara 26:13

Nanao antsapaka izy rehetra, na ny kely na ny lehibe, araka ny fianakaviany, ny amin’ny vavahady tsirairay avy.

1Tantara 26:16

Ny amin’ny vavahady andrefana mbamin’ilay vavahady atao hoe Saleketa izay eo an-tampon’ny lala-miakatra dia azon’ny Hôsà. Nisy anjara fiambenana nifandimbiasana:

2Tantara 23:13

Ary indro hitany ny mpanjaka vaovao nitsangana tambonin’ny lampihazo teo amin’ny fidirana, ka ny mpihira sy ny mpitsoka trompetra no teo anilany; nifaly ny vahoaka rehetra, nampaneno trompetra ny mpitsoka mozika, ary nandredona hira fiderana ireo mpihira omban’ny zava-maneno isan-karazany. Fa i Hatalià kosa nandriatra ny fitafiany sady niantsoantso hoe: «Fikomiana! Fikomiana!»

Nehemia 12:24

Ny lohandohan’ny levita, izany hoe i Hasabià sy i Serebià ary i Jesoa mbamin’ny Binoy sy i Kadmiela, dia nifanatrika tamin’ireo levita namany mba hidera sy hisaotra an’Andriamanitra, rehefa tonga ny anjara fanompoany. Ny fandaharana nataon’i Davida olon’Andriamanitra no narahiny tamin’izany.

Ohabolana 16:33

Ahontsankontsana ny kodiakely hahalalan-javatra fa izay mipoitra eo kosa dia avy amin’ny TOMPO.

Levitikosy 16:8

Dia hataon’i Aharôna antsapaka ireo osilahy ireo mba hahafantarana izay osilahy ho an’ny TOMPO sy izay osilahy ho osy mikarenjy.

Asan’ny Apostoly 1:26

Dia nanaovana antsapaka izy roa lahy, ary voatendrin’ny antsapaka i Matià, ka dia izy no lany ho naman’ny apôstôly 11 lahy.