1Tantara 23:6 - DIEM PROTESTANTA

⁶ Natsitokotokon’i Davida koa ny levita, araka ny ifandraisany amin’ireo zanakalahin’i Levỳ: dia i Gersôna sy i Kehata ary i Merarỳ.

Baiboly Protestanta Malagasy 2011

⁶ Nozarazarain’i Davida ho antokony ireo araka ny zanakalahin’i Levy, dia i Gersona sy i Kehata ary i Merary:

Dikateny Iombonana Eto Madagasikara

⁶ Natsitokotokon’i Davida koa ny levita, araka ny ifandraisany amin’ireo zanakalahin’i Levỳ: dia i Gersôna sy i Kehata ary i Merarỳ.

Baiboly Katolika

⁶ Nozarain’i Davida ho antokony araka ny zanak’i Levỳ izy ireo dia: i Gersôna, i Kaata, i Merarỳ.

Baiboly Protestanta Malagasy

⁶ Ary nozarazarain’i Davida ho antokony ireo araka ny zanakalahin’i Levy, dia Gersona sy Kehata sy Merary:–

Malagasy Bible

⁶ Ary nozarazarain'i Davida ho antokony ireo araka ny zanakalahin'i Levy, dia Gersona sy Kehata sy Merary:

La Bible en Malgache

⁶ Nozarazarain’i Davida ho antokony ireo araka ny zanakalahin’i Levy, dia i Gersona sy i Kehata ary i Merary:

1Tantara 23:6 Rohy Ifampitohizana

1Tantara 23:7

Ny avy amin’i Gersôna: i Lahadàna sy i Simehỳ no zanakalahin’i Gersôna.

1Tantara 24:1

Ny amin’ireo taranak’i Aharôna dia nisy fitsinjarana azy ho antokony. Ny zanakalahin’i Aharôna dia i Nadaba sy i Abihò ary i Elehazara sy i Itamara.

1Tantara 26:1

Ny amin’ny mpiandry vavahady, dia izao no fitsinjarana azy ho antokony: Tamin’ny taranak’i Kôra dia i Meselemià zanakalahin’i Kôra sady zafin’i Abiasafa.

1Tantara 28:13

Nomeny azy ny amin’ny fitsinjarana ireo mpisorona sy levita ho antokony, ny amin’ny fanompoana rehetra ho fanao ao an-tranon’ny TOMPO ary ny amin’ny fanaka rehetra ho fampiasa ao.

1Tantara 6:1

Ny zanakalahin’i Levỳ dia i Gersôna sy i Kehata ary i Merarỳ.

1Tantara 6:16

Taranak’i Levỳ no voatendrin’i Davida hihira tao an-tranon’ny TOMPO, niantomboka hatramin’ny nametrahana tao ilay Vatamasina mirakitra ny fanekempihavanana.

2Tantara 23:18

Tamin’izay koa no voatendrin’i Jôiadà ny olona hitandrina ny tranon’ny TOMPO ka hofehezin’ireo levita mpisorona, izay efa notsinjarain’i Davida ho antokony mba hanolotra ny sorona dorana manontolo ao an-tranon’ny TOMPO araka ny voasoratra ao amin’ny lalànan’i Mosesy; ka amin-kafaliana sady ombàn-kira no hanatontosany izany, araka ny fepetra nataon’i Davida.

2Tantara 29:25

Ary napetraky ny mpanjaka tao an-tranon’ny TOMPO ireo levita ombàn’ny kipantsona sy valiha ary lokanga, araka ny didy nataon’i Davida mpanjaka ary koa nataon’i Gada mpahitany sy i Natàna mpaminany; izany no didy nampitain’ny TOMPO tamin’ny alalan’ireo mpaminaniny.

2Tantara 31:2

Najoron’i Hezekià indray ny antokon’ny mpisorona sy ny levita; ary ankoatra ny fitsinjarana azy araka ny antokony, dia teo koa ny fitsinjarana azy araka ny fanompoany avy. Tao anatin’ireo kianjan’ny tranon’ny TOMPO manko dia nisy mpisorona sy levita nisahana ny sorona dorana manontolo, nisy nisahana ny sorom-pihavanana, ary nisy nisahana ny fanompoam-pivavahana isaorana sy iderana ny Tompo.

2Tantara 35:10

Dia nizotra toy izao ny fanompoam-pivavahana. Samy teo amin’ny toerany avy ny mpisorona, ary samy teo amin’ny antokony avy ny levita, araka ny baikon’ny mpanjaka.

2Tantara 35:4

ary samia mitsinjara araka ny tarikareo sy ny antokonareo avy ianareo, fa izany no fepetra voasoratr’i Davida mpanjakan’i Israely ary koa i Salômôna zanakalahiny.

2Tantara 8:14

Araka ny fandaharan’i Davida rainy, dia notendren’i Salômôna ny antokon’ny mpisorona ho amin’ny fanompoany avy ary ny levita ho amin’ny raharahany, dia ny hidera ny Tompo sy hanampy ny mpisorona amin’ny fanompoam-pivavahana fanao isan’andro; notendreny koa ny mpiandry varavarana, araka ny antokony amin’ny isam-bavahady. Izany rahateo no nandidian’i Davida olon’Andriamanitra azy.

Ezra 6:18

Dia nisy fanendrena ny mpisorona sy ny levita ho amin’ny antokony avy sy araka ny andraikiny avy, mba hanao ny fanompoana an’Ilay Andriamanitra Izay ao Jerosalema, araka ny voasoratra ao anatin’ny bokin’i Mosesy.

Nomery 3:17

Ireto avy ny anaran’ny zanakalahin’i Levỳ: i Gersôna, i Kehata ary i Merarỳ.

Nomery 3:3

Ireo no anaran’ny zanakalahin’i Aharôna izay samy mpisorona voahosotra sy voatokana hanao ny fisoronana.

Nomery 4:4

Ny miandraikitra ireo fanaka masina indrindra no asan’ny taranak’i Kehàta ao amin’ny Tranolay fihaonana.