1Tantara 22:16 - DIEM PROTESTANTA

¹⁶ Tsy hita isa ny volamena sy ny volafotsy ary ny halimo sy ny vy; koa arosoy ny asa, ary hiaraka aminao anie ny TOMPO!

Baiboly Protestanta Malagasy 2011

¹⁶ Ny volamena sy ny volafotsy ary ny varahina sy ny vy dia tsy hita isa. Koa mitsangàna ianao ka atsangano izany, ary homba anao anie NY TOMPO.

Dikateny Iombonana Eto Madagasikara

¹⁶ Tsy hita isa ny volamena sy ny volafotsy ary ny halimo sy ny vy; koa arosoy ny asa, ary hiaraka aminao anie ny TOMPO!

Baiboly Katolika

¹⁶ Ny volamena amam-bolafotsy sy ny varahina amam-by, izany efa tsy hita isa intsony. Koa mitsangàna, miasà, ary homba anao anie i Iaveh.»

Baiboly Protestanta Malagasy

¹⁶ Ny volamena sy ny volafotsy ary ny varahina sy ny vy dia tsy hita isa. Koa mitsangàna hianao, ka manaova, ary homba anao anie Jehovah.

Malagasy Bible

¹⁶ Ny volamena sy ny volafotsy ary ny varahina sy ny vy dia tsy hita isa. Koa mitsangàna ianao, ka manaova, ary homba anao anie Jehovah.

La Bible en Malgache

¹⁶ Ny volamena sy ny volafotsy ary ny varahina sy ny vy dia tsy hita isa. Koa mitsangàna ianao ka atsangano izany, ary homba anao anie NY TOMPO.

1Tantara 22:16 Rohy Ifampitohizana

1Mpanjaka 2:2

–Efa ho faty araka ny lalan-kizoran’ny besinimaro aho; koa aoka ianao hahery sy hiseho ho tena lehilahy!

1Mpanjaka 7:47

Dia napetrak’i Salômôna tao an-tranon’ny Tompo ireo kojakoja ireo, nefa marobe loatra ka tsy nolanjainy hahitany izay lanjan’ny halimo nampiasaina.

1Tantara 22:11

Koa ankehitriny, anaka, hiaraka aminao anie ny TOMPO ka hanambina anao hanorina trano ho Azy TOMPO Andriamanitrao, araka izay efa voalazany ny aminao.

1Tantara 22:14

He! nanao ezaka mafy aho ka nahavonona ho an’ny tranon’ny TOMPO ireto fitaovana ireto: volamena milanja telo tapitrisa kilao mahery, volafotsy milanja telopolo tapitrisa kilao mahery, halimo sy vy betsaka tsy hita lanja; ary nahavonona hazo sy vato koa aho. Dia hampianao kosa ireo.

1Tantara 22:15

Mpiasa maro no eto aminao: dia tambato sy mpanao sokitra hazo ary olona mahay ny asa isan-karazany.

1Tantara 22:3

Novononin’i Davida koa ireto zavatra ireto: vy betsaka hanaovana fantsika ho an’ny lelavaravarana sy hanaovana faraingo; halimo betsaka tsy hita lanja;

1Tantara 28:10

Indro efa nofidin’ny TOMPO ianao izao mba hanorina tempoly ho Toeramasiny; dia mahereza ka mahefà.»

1Tantara 29:2

Nanao izay tratry ny aiko aho namonona fitaovana ho an’ny tranon’Andriamanitro: dia ny volamena hanaovana ny fanaka volamena; ny volafotsy hanaovana ny fanaka volafotsy; ny halimo hanaovana ny fanaka halimo; ny vy hanaovana ny fanaka vy; ary hazo hanaovana fanaka hazo. Nataoko vonona ny vato berila sy vato halatsaka an-tranontranony, ny vatomainty sy vato misoratsoratra, ny vatosoa isan-karazany ary ny vatokaranana betsaka.

2Tantara 1:1

Ary i Salômôna, zanakalahin’i Davida, nanamafy orina ny fahefana maha mpanjaka azy; ary niaraka tamin’i Salômôna ny TOMPO Andriamaniny ka nanandratra azy ho amin’ny ambony indrindra.

2Tantara 20:17

Ry mponin’i Joda sy i Jerosalema, tsy ianareo anefa no hiady amin’ity; mijanòna tsara fotsiny, fa ho hitanareo ny hamonjen’ny TOMPO anareo. Aza matahotra na mivadi-po; rahampitso dia miaingà hifanehatra amin’io tafika io, fa ny TOMPO no hiaraka aminareo.»

1Korintiana 15:58

Koa amin’izany, ry havako malala, aoka ianareo hiorina mafy, tsy ho voahozongozona, hahefa bebe kokoa hatrany eo amin’ny asan’ny Tompo, satria fantatrareo fa tsy foana tsy akory ny fisasaranareo amin’ny fanompoana ny Tompo.

Efesiana 5:14

eny, izay rehetra miharihary dia tonga mazava. Izany no ilazana hoe: «Mifohaza ianao izay matory, ary mitsangàna ho velona avy any amin’ny maty, dia hampahazava anao i Kristy.»

Filipiana 4:13

Afaka miatrika izany rehetra izany aho, noho i Kristy manome hery ahy.

Josoa 1:2

–Efa maty i Mosesy mpanompoko; koa mitsangàna ankehitriny ianao sy ireto vahoaka rehetra ireto ka mità ity renirano Jôrdàna ity mba hiditra ao amin’ny tany izay omeko ny Israelita.

Josoa 1:5

Ry Josoa, tsy misy olona hahatohitra anao mandritra ny androm-piainanao rehetra, fa homba anao Aho tahaka izay efa nombako an’i Mosesy. Tsy hanary anao Aho na handao anao na oviana na oviana.

Josoa 1:9

Moa tsy efa nandidy anao ve Aho mba ho sahy sy hahery? Koa aza matahotra na mivadi-po fa Izaho TOMPO Andriamanitrao no homba anao amin’izay rehetra alehanao.

Josoa 7:10

Dia hoy ny TOMPO tamin’i Josoa: –Mitsangàna fa nahoana ianao no miankohoka toy izao?

Mpitsara 4:14

Ary hoy i Debôrà tamin’i Baràka: –Andao amin’izay fa anio no hanoloran’ny TOMPO an’i Siserà eo an-tananao. Ny TOMPO mihitsy no mandeha eo alohanao! Dia nidina avy teo an-tendrombohitra Tabôra i Baràka narahin’ireo vatan-dehilahiny nisy andiany folo.

1Samoela 17:37

Ny TOMPO izay efa niaro ahy tamin’ny hohon’ny liona sy ny bera, dia hanafaka ahy koa amin’ny tanan’io Filistinina io. Dia hoy i Saoly tamin’i Davida: –Mandehana àry, ka homba anao anie ny TOMPO!

1Samoela 20:13

dia enga anie hosazîn’ny TOMPO mafy tokoa aho raha tsy mampandre anao! Koa halefako ianao handeha tsy amin’ahiahy, ary dia homba anao tahaka ny nombàny ny raiko anie ny TOMPO!