1Tantara 22:12 - DIEM PROTESTANTA

¹² Homen’ny TOMPO saina mahiratra sy mahay anie ianao rehefa hatsangany hifehy an’i Israely, mba hitandremanao ny lalànan’ny TOMPO Andriamanitrao.

Baiboly Protestanta Malagasy 2011

¹² Homen’NY TOMPO saina sy fahendrena anie ianao ka hatsangany ho mpitondra ny Israely, mba hitandremanao ny lalànan’NY TOMPO Andriamanitrao.

Dikateny Iombonana Eto Madagasikara

¹² Homen’ny TOMPO saina mahiratra sy mahay anie ianao rehefa hatsangany hifehy an’i Israely, mba hitandremanao ny lalànan’ny TOMPO Andriamanitrao.

Baiboly Katolika

¹² Ho sitrak’i Iaveh ihany anie, ny hanome fahendrena amam-pahazavan-tsaina anao, rehefa hanome fahefana anao amin’i Israely izy, mba hankatoavanao ny lalàn’i Iaveh Andriamanitrao.

Baiboly Protestanta Malagasy

¹² Ary homen’i Jehovah saina sy fahendrena anie hianao ka hatsangany ho mpanapaka ny Isiraely, mba hitandremanao ny làlan’i Jehovah Andriamanitrao.

Malagasy Bible

¹² Ary homen'i Jehovah saina sy fahendrena anie ianao ka hatsangany ho mpanapaka ny Isiraely, mba hitandremanao ny lalan'i Jehovah Andriamanitrao.

La Bible en Malgache

¹² Homen’NY TOMPO saina sy fahendrena anie ianao ka hatsangany ho mpitondra ny Israely, mba hitandremanao ny lalànan’NY TOMPO Andriamanitrao.

1Tantara 22:12 Rohy Ifampitohizana

1Mpanjaka 2:3

Tandremo izay andidian’ny TOMPO Andriamanitrao hanarahanao ny sori-dalany ary hitandrovanao ny lalànany sy ny didiny amam-pitsipiny sy ny sàtany araka ny voasoratra ao amin’ny lalànan’i Mosesy; dia hahomby ianao amin’izay rehetra hataonao sy hokasainao.

2Tantara 1:10

Koa omeo fahendrena sy fahaiza-manavaka aho hitondrako ny tenako manoloana ity vahoaka ity; fa raha tsy eo izany, dia iza indray no ho afaka hifehy izao vahoakanao betsaka izao?

Salamo 119:34

Ataovy mahira-tsaina aho hanarahako ny lalànanao, sy hitandremako azy amin’ny foko manontolo.

Salamo 72:1

Tao amin’ny tahirin-kiran’i Salômôna. Andriamanitra ô, omeo ny mpanjaka izany fahaizanao mitsara; omeo ity taranak’andriana izany fitandroanao ny rariny.

Ohabolana 14:8

Mitandrim-pitondrantena ny malina satria hendry; Verin’ny hadalany kosa ny olona adala.

Lioka 21:15

satria Izaho ihany no hampiteny anareo sy hanome fahendrena anareo, ka tsy hahatohitra sady tsy haharesy lahatra anareo izay rehetra miampanga anareo.

Deoteronomia 4:6

Koa tandremo sy tanteraho izany, fa hiheverana anareo ho hendry sy manan-tsaina eo imason’ny firenen-kafa; handre ireny lalàna rehetra ireny mantsy izy ka ho loa-bolana hoe: «Mba vahoaka hendry sy manan-tsaina tokoa io firenena lehibe io!»

Jakoba 1:5

Kanefa raha misy aminareo tsy manam-pahendrena, dia aoka izy hangataka amin’Andriamanitra fa homeny; satria manome malalaka ho an’ny olona rehetra Andriamanitra sady tsy mba mandatsa.

1Jaona 2:3

Ny ahafantarantsika fa mahalala an’Andriamanitra isika, dia ny fitandremantsika ireo didiny.